LUKAS 4:32 - Tanou Moonsoi Timugon

³² Nangimuag ilo ra baal ru pangilaan ri Jisus sabap ra ragu Nali makakuasa'.

LUKAS 4:32 ပူးပေါင်းရင်းမြစ်များ

MARKUS 1:22

Ulun ondo' mangkirongog Riso mangimuag ra pakuan Nano mangila', sabap ra Io mangila' makakuasa', sala' ka koson ra mangingila' ra Ukum ri Musa no.

LUKAS 2:47

Ngaangai' ulun ondo' nangkirongog Riso i nangimuag sabap ra mapintar Io am matanda' toojo taaman Nano.

LUKAS 4:33

Giu' ra baloi sambayangan i, mokoondo' sangulun sinubol ru riwato. Golok ulun no,

LUKAS 4:36

Nangimuag ngaangai' ulun am pansusunur ilo ra rondo' am bokon, “Mapara' boo bonsoi ru ragu Nano. Mabaya' ra kuasa' ru ragu Nano, susubon No riwato-riwato magiru' am gumagaya' ilo!”

JUANIS 6:63

Ambiluo ri Aki Kapuuno' noyo mangani' ra ulun ra kaayagan, kuasa' ru ulun kalo makapambaal raginio. Ragu Kutu intor ra Ambiluo ri Aki Kapuuno' ondo' mampakaayag ramuyun.

JUANIS 7:46

Taam ru pulis-pulis no, “Kalo igondo' akai pakaining ra sangulun makaindagu koson ra ulun raginio.”

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

1 TISALONIKA 1:5

Ginio nai ra pampatanawan mai ra Tanou Moonsoi ti ramuyun i, sala' ka raragu ayuk, kaa' mabaya' ra kuasa' ru Ambiluo ri Aki Kapuuno' am mabaya' poyo ra kapandayan ra Tanou Moonsoi no motopot. Nakapandai kano ati kulaan kiralan ru kaayagan maili paat ra akai soroi ramuyun, koson nampakaatang akai ayuk ramuyun.

TITUS 2:15

Ilaa' noyo ngaangai' raginio mabaya' ra paningganayan muno ra okou mampaikang ra guang kapoam mansawai risilo ondo' mangkirongog rirun no. Pai' polosoo' osoi ayuk pana intor risilo magasab rirun.