LUKAS 23:32 - Tanou Moonsoi Timugon

³² Mokoondo' poyo ruo ngaulun malaat inukum ra potoyon pinabaya' ri Jisus.

LUKAS 23:32 ပူးပေါင်းရင်းမြစ်များ

MARKUS 15:27

Nababaya' ri Jisus, sinalip nilo ruo ngaulun mantatakou; sangulun sinalip tampilon ra pamiris am sangulun sinalip tampilon ra kait. [

MATIUS 27:38

Nababaya' ri Jisus sinalip nilo ruo ngaulun mantatakou; sangulun sinalip tampilon ra pamiris am sangulun sinalip tampilon ra kait.

JISAYA 53:12

Ginio ra aniin Ku io ra intok ondo' matulai, intok no giu' ra gino ngai' ru ulun antung am ulun makapangkat. Nampataak io ra painawo nano, am kinara' io koson ra ulun malaat. Nansaan io ra tula ru ulun masuang, am makiasi' maa' raginio tula nilo ampunon.

JUANIS 19:18

Giu' i noyo nanalipan nilo Riso. Mokoondo' ruo ngaulun poyo sinalip nabaya' Riso; sangulun tampilon ra kait am sangulun tampilon ra pamiris, am pinaayan-tanga' Io risilo.

LUKAS 22:37

Balain takamin, ondo' tinulisan noyo ra Buuk Kitab, ‘Kinara' Io koson ra sangulun malaat,’ maaru' masauk Raki', am sotopot no masauk noyo ra raino ti.”

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

LUKAS 23:31

Sabap ra amon ru mambaal ilo ragitio Raki' ondo' koson ra tataun biag, mulu' poyo ra maagu no baalon nilo ramuyun ondo' koson ra guol!”

2 TIMOTIUS 2:9

Sabap ra pampasabayan kuno ra Tanou Moonsoi i noyo aku naimbolo', saboi ra aku binangkil koson ayuk ra sangulun malaat. Kaa' bala' ri Aki Kapuuno' ti kalo noyo maalap kabangkil.