LUKAS 23:31 - Tanou Moonsoi Timugon

³¹ Sabap ra amon ru mambaal ilo ragitio Raki' ondo' koson ra tataun biag, mulu' poyo ra maagu no baalon nilo ramuyun ondo' koson ra guol!”

LUKAS 23:31 ပူးပေါင်းရင်းမြစ်များ

JUANIS 15:6

Osoi ayuk kalo rumondon Raki', patirin koson ra pango am mapua' io boo. Pango koson raginio luluron am suruin ayuk.

AMSAL 11:31

Amon ru ulun moonsoi pana balasin ra tana' ti, maaru' noyo ra ulun malaat am ulun ra makatula ukumin.

MATIUS 3:12

Mampaguut Io ra tapan am mangatap Io. Bilor ti paulion No ra kulapa', kaa' ondo' apol patirin ra apui ondo' kalo malaalasa'.”

JIRIMIA 25:29

Talimpuunin Ku mamuso no giu' ra bandar Kuno galama'. Indoson nilo kia ra kalo ukumin ilo? Maaru' ukumin ilo sabap ra porotongon Ku pangayawan ra ngaangai' bansa' ra titikop ru tana' ti. Aku, Tuhan Ondo' Maayo Kaga' Kuasa' nakaindagu noyo.

JUDAS 1:12

Paat ra pagakanan min ra Kristian, moroot ilo am mampakaatang ra kasagaan galama' ayuk. Ilo ti koson ra gaun ondo' siabin ayuk ru bagiu', kaa' kalo niayuk mamparasam. Mogondo' ilo niayuk ra puun tataun ondo' kalo mangkawa' paat ra pangkawaan nano. Koson ilo ra puun tataun ondo' binubul noyo ra bakat nano pana – minatoi boo toojo.

IBRANI 6:8

Kaa' amon ru sakot am kusingan boo patuwon no, tana' no kolondo' onong am ibatin lair ri Aki Kapuuno' koson ra pusoon solobo'.

DANIL 9:26

Pompor ru paat raginio, tingganai ondo' pinili' ri Aki Kapuuno' no potoyon kabalu' pana kolondo' sala nano. Bandar Jirusalim am Baloi ru Tuhan pusoon ru pulalai ru saujor ru sangulun raja' ondo' makakuasa'. Pupus ru ginio sumaboi koson ra liur ondo' magibit ra pampatayan am kapusaan ondo' inaru' noyo ri Aki Kapuuno'.

LUKAS 23:30

Paat raginio ulun mindagu ra gunung no, ‘Pumpuni' akai!’ am ra bulur poyo, ‘Bunio' akai!’

LUKAS 23:32

Mokoondo' poyo ruo ngaulun malaat inukum ra potoyon pinabaya' ri Jisus.