LUKAS 22:62 - Tanou Moonsoi Timugon

⁶² Ingkual boo i Pitrus intor ra giu' i am sisingut nantangi'.

LUKAS 22:62 ပူးပေါင်းရင်းမြစ်များ

MAZMUR 38:18

Mamaar aku po karatu', am magail ayuk marualan.

JIRIMIA 31:18

Nokorongog Aku ra ulun ru Israil mindagu ra malumpus kaga', ‘Iou Tuhan, koson akai ra anak ru sapi' ondo' kalo poyo pinakaup, kaa' nangila' Kou ramon maa' raginio gumagaya' akai. Ibito' akai sumaguli'; nakatampos akai no sumaguli' Rirun, sabap Okou no Tuhan, i Aki Kapuuno' mai.

YEHEZKIEL 7:16

Mokoondo' ulun ondo' nagiru' ra gunung koson ra susuit asang mansiab intor ra limayak sabap ra malaa'. Ilo ngaangai' nampalaa sabap ra tula nilo.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

MATIUS 26:75

Kakara' boo ri Pitrus ragu ri Jisus riso, “Kalo poyo maningkuluuk manuk tandaa' no, intalu kono mindagu ra kalo makaulig Raki'.” Ingkual i Pitrus am sisingut nantangi'.

MATIUS 5:4

Pakaansuk noyo ulun ondo' manulaboi, sabap ra bansukon ilo ri Aki Kapuuno'.

MARKUS 14:72

Paat ragili niayuk kainduo ru manuk tandaa' i naningkuluuk. Kakara' boo ri Pitrus ragu ri Jisus riso, “Kalo poyo minduo paningkuluuk manuk tandaa' no, intalu kono indagu kalo makaulig Raki'.” Pantatangi' boo i Pitrus.

LUKAS 22:61

Pangkaili am ponontong Tuhan ri Pitrus. Kakara' boo ri Pitrus ragu ru Tuhan i riso, “Ra kalo poyo maningkuluuk manuk tandaa' no rondom raiti', intalu kono magali' ra okou makaulig Raki'.”

LUKAS 22:63

Ulun ondo' namparakop ri Jisus i nangiis am nampalamba' Riso.

1 KORINTUS 10:12

Pagilalai' noyo ulun ondo' indos no maikang pangintapatan nano maa' raginio kalo boo maratu' io.