LUKAS 22:37 - Tanou Moonsoi Timugon

³⁷ Balain takamin, ondo' tinulisan noyo ra Buuk Kitab, ‘Kinara' Io koson ra sangulun malaat,’ maaru' masauk Raki', am sotopot no masauk noyo ra raino ti.”

LUKAS 22:37 ပူးပေါင်းရင်းမြစ်များ

JISAYA 53:12

Ginio ra aniin Ku io ra intok ondo' matulai, intok no giu' ra gino ngai' ru ulun antung am ulun makapangkat. Nampataak io ra painawo nano, am kinara' io koson ra ulun malaat. Nansaan io ra tula ru ulun masuang, am makiasi' maa' raginio tula nilo ampunon.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

LUKAS 23:32

Mokoondo' poyo ruo ngaulun malaat inukum ra potoyon pinabaya' ri Jisus.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

JUANIS 17:4

Pinatulai Tokou noyo ra saang ru ulun ru tana' ti, ioginio nopongo Ku noyo kandoi ondo' pinalansan Mutu Raki'.

JUANIS 10:35

Nakapandai takau no ra ragu ru Buuk Kitab kalo malulu'. I Aki Kapuuno' galama' nampiau risilo ra tuhan, ioginio ulun-ulun ondo' nampasukuan ra ragu Nano.

LUKAS 18:31

Piawo' ri Jisus mopor am ruo ngaulun maamaya' Nano am indagu Io risilo, “Rongogo'! Raino mongoi takau ra Jirusalim, sabap ra giu' masauk ngaangai' ondo' tinulisan noyo ru nabi-nabi intor ra Anak ru Ulun.

LUKAS 22:22

Anak ru Ulun matoi koson ra inaru' ri Aki Kapuuno'; kaa' aibui boo ra usung ru ulun ondo' mampataak Riso!”

MARKUS 15:27

Nababaya' ri Jisus, sinalip nilo ruo ngaulun mantatakou; sangulun sinalip tampilon ra pamiris am sangulun sinalip tampilon ra kait. [

LUKAS 22:36

Indagu i Jisus, “Kaa' raino, osoi ayuk mokoondo' ra rumpit kapoam kantungan, ibito' noyo; am osoi ayuk kolondo' ilang, talanon no sukub nano pambabali ra ilang no.

LUKAS 22:52

Indagu boo i Jisus ra tingganai imam Jaudi, tingganai ru magagalung ra Baloi Tuhan am niayuk tingganai ru ulun ru Jaudi ondo' minongoi pamparakop Riso, indagu Io, “Ilain min ra Aku ti koson ra sangulun malaat kia ra mananggal kau ra ilang am pamalamba' koson mamparakop Raki'.

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

MARKUS 15:28

Kon raginio nasauk noyo ondo' tinulisan ra Buuk Kitab, koson ragitio, “Kinara' Io ra ulun malaat.”]