LUKAS 19:13 - Tanou Moonsoi Timugon

¹³ Kaa' io kalo poyo minugar, piawo' no mopor ngaulun ulipon nali am sinonong ilo anii' ra sampila' ruit mas. Kono, ‘Kinami' min ruangi' ruit ti paat ra aku kalio.’

LUKAS 19:13 ပူးပေါင်းရင်းမြစ်များ

MATIUS 25:16

Ulipon ondo' inanian ra limo ngaribu ruit mas ti parayus ongoi palaburo' ruit ra tinaakan riso, am pakaalap limo ngaribu poyo.

MATIUS 25:20

Ulipon ondo' inanian ra limo ngaribu ruit mas ratong am pasagulio' no limo ngaribu am limo ngaribu poyo intor ra pinaugar nali. Kono, ‘Tuan, nampataak kou limo ngaribu ruit mas raki'. Ilai', nakaalap aku limo ngaribu poyo.’

MATIUS 25:22

Ulipon ondo' inanian ra ruo ngaribu ruit mas ratong boo am indagu ra tuan no, ‘Nangani' kou raki' ruo ngaribu ruit mas. Ilai', nakaalap aku ruo ngaribu poyo.’

MATIUS 25:24

Ulipon ondo' inanian ra saribu ruit mas ti boo ratong am indagu ra tuan no, ‘Napandayan ku okou ti mapuka', mangkaang kou ayuk ra ampos ru kandoi ra ulun bokon.

LUKAS 19:12

Indagu Io, “Mokoondo' sangulun langkaya' minongoi ra rondo' pagun ondo' maalur koson saukon io ra sangulun raja'. Kopongo raginio sumaguli' io ra intok nano galama'.

LUKAS 19:14

Kaa' mamagun nali galama' pana masisang riso. Pakaugar io, panusub boo mamagun ra ulun mongoi pangator ra bilin riso, kon nilai, ‘Marara' akai ra ulun ti masauk ra raja' mai.’

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

GALATIA 1:10

Ati boo kulaan, maguyum aku kia ra pangiawan intor ra ulun? Kalo, pangiawan intor ri Aki Kapuuno' ayuk gogoton kuno. Makikiilong aku kia ra ulun? Kalo, amon ru koson raginio sala' ka ulipon aku ri Kristus.

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.