LUKAS 15:29 - Tanou Moonsoi Timugon

²⁹ Kaa' indagu io ra ama' nali, ‘Ilai', moonong bilor mangandoi aku rirun koson ra ulipon. Kalo igondo' aku anggal ra atan ayuk pana panusuban muno raki'. Kaa' atan pinambalos muno raki'? Kalo nakaili' kou nanimbalui ra sanginan kambing pana koson mampaakan ra rangan kuno!

LUKAS 15:29 ပူးပေါင်းရင်းမြစ်များ

JISAYA 65:5

Kopongo raginio mindagu ilo, ‘Inggalur no ramon. Pai' kambong ramon sabap ra akai ti mapasau kaga' ramuyun!’ Masisang Aku ra ulun makapaliso koson raginio. Sangit Kuno risilo koson ra apui ondo' kalo igondo' kalasa'.

JAKARIA 7:3

Sinusub ilo niayuk mangkuot ra imam-imam am nabi-nabi, “Lakat poyo kia akai musiti' manulaboi ra kapusaan ru Baloi ru Tuhan ra mampali ra moonong sila' kalimo, koson ondo' binaal mai ra bibilor buoi no?”

MALIAKI 3:14

Kamin, ‘Kolondo' onong mangandoi ayuk ri Aki Kapuuno'. Atan onong no sumugut ra susuban Nano, kapoam mampakito ra itakau pansagulian guang ra kasalaan takau giu' ra saang ru Tuhan Ondo' Maayo Kaga' Kuasa'?

MATIUS 20:12

Konilo, ‘Nangandoi ra pupus ti sanjam ayuk, am akai nonsongorou nangandoi ra orou mapangit, kaa' nanaak kou risilo nogondo' niayuk ramon!’

LUKAS 15:28

Kaa' siminangit toojo anak ra katuaan i saboi marara' mumpos ra baloi i. Ingkual boo ama' i manimayo riso.

LUKAS 15:30

Kaa' anak mu ragitio ondo' nangai' ra ngaangai' rapu' muli ra ruandu' malaat no, paat io siminaguli', sinimbaluyan mu io ra sapi' ondo' moonsoi toojo!’

LUKAS 15:7

Balain takamin: Koson niayuk giu' ra suruga' maansukan toojo sabap ra sangulun makatula tumalikur intor ra tula nano, intor ra siam ngoopor am siam ngaulun moonsoi ondo' kalo pana tumalikur intor ra tula.”

LUKAS 17:10

Koson niayuk ramuyun; amon ru nabaal min noyo ngaangai' nanusuban, raguo' min, ‘Akai ti ulipon ayuk, nambaal akai ayuk ra kandoi maili.’ ”

LUKAS 18:9

Tinunung niayuk ri Jisus abig ragitio ra ulun-ulun ondo' mangkara' ra ilo ayuk galama' motopot am magasab ilo poyo ra ulun bokon.

LUKAS 19:21

Sotopot no malaa' aku rirun sabap ra nakapandai aku ra okou ti kolondo' guang. Sala' pana ka okou tatangan, alapon mu niayuk, am sala' ka tinanom mu, kumoson mu niayuk.’

ROMA 10:3

Kalo makarati' ilo ra ralan ati kulaan ra ulun mobonsoi saguli' ri Aki Kapuuno', am mirot ilo maya' ra ralan nilo galama' ayuk koson mobonsoi saguli' ri Aki Kapuuno'. Sabap raginio marara' ilo ra ralan nanuluan ri Aki Kapuuno'.

ROMA 3:20

Sabap ra kolondo' sangulun pana pobonsoyon ri Aki Kapuuno' sabap ra sumugut io ra panusuban ru Ukum no. Sotopot no, Ukum raginio mambala' ayuk ra itakau ulun makatula.

ROMA 3:27

Ginio ra kolondo' boo sasaban takau lumimbau. Kua guat koson raginio? Sabap ra itakau gumagaya' ra Ukum ri Musa kia? Kalo, kaa' sabap ra mangintopot takau.

ROMA 7:9

Ragili kalo nakatutun aku toojo ra ukum, kaa' pakatutun aku ra ukum no, tumalimpuun tula no manguasa' raki',

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.