LUKAS 14:11 - Tanou Moonsoi Timugon

¹¹ Moonong ulun makapaliso ra minsawat guang, paingganaan; am moonong ulun makapaliso minggana' guang, painsawaton.”

LUKAS 14:11 ပူးပေါင်းရင်းမြစ်များ

LUKAS 18:14

“Balain takamin: Intor ra ruo ngaulun i, sala' ka ulun-ulun ru Parisi i, kaa' ulun mampalulur ra cukai i ondo' motopot ra pagilangan ri Aki Kapuuno'. Moonong ulun minsawat guang, paingganaan, am moonong ulun minggana' guang, painsawaton.”

MATIUS 23:12

Osoi ayuk makapaliso ra minsawat guang, paingganaan; am osoi ayuk makapaliso minggana' guang, painsawaton.”

AMSAL 29:23

Malilimbau mangkinibit ra karatuan, kaa' sangulun ondo' minggana' guang urumaton io.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”

AMSAL 18:12

Ulun ondo' minggana' guang urumaton; ulun malilimbau maaru' iono mapuso.

JAKUBUS 4:10

Paingganaa' noyo guang mino ra saang ru Tuhan, am painsawaton kau boo ru Tuhan.

MAZMUR 138:6

Kabalu' pana Okou no matulai kaga', ilain Mu niayuk ulun ondo' asasabin, am ulun malilimbau kalo mapandai mansibuni intor Rirun.

JISAYA 2:17

Limbau ru ulun liomon No, am minsawat guang ru ulun pusoon No. Ngaangai' sinungkalalaing liomon No saboi mapuso, am Tuhan ayuk omporon ra orou raginio.

MAZMUR 18:27

Pinabala' Mu inan Muno matulai ra ulun ondo' mapasau guang, kaa' makimantula' Kou ra ulun malaat.

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

AMSAL 15:33

Urumat am malaa' ra Tuhan ginio ralan mokoowot ra kapintaran. Urumat siguluin ru ingganaan ru guang.

AYUP 22:29

Ulun ondo' lumimbau paingganaan ri Aki Kapuuno', kaa' ondo' minggana' guang bayagon No.

1 SAMUIL 15:17

Kon ri Samuil, “Sala' ka kia okou no nasauk ra tingganai ru ngaangai' bansa' ru Israil, kabalu' pana mangkara' kou ra kalo maatang kou? Nampili' noyo Tuhan no rirun nasauk ra raja' ru Israil,

LUKAS 1:51

Mampakito Io ra kuasa' Nano am mampatuliar ra ulun-ulun mangasumbung.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

2 SAMUIL 22:28

Mamayag Kou ra ulun ondo' minggana' guang, kaa' mampainggana' Kou ra ulun malilimbau.

AMSAL 25:27

Masuang akan ra ruu' maningot kalo moonsoi; ianga' makiunsu' pana kalo moonsoi.

LUKAS 1:52

Patuunon No raja' ondo' nanguasa', kaa' pasingkoton No ulun ondo' musikin.

LUKAS 14:12

Indagu boo i Jisus ra tatangan ra baloi i, “Maampon ru mampiau kou ra ulun mongoi akan ra baloi muno, pai' piawo' pabukat muno, rangan muno, kapoam pasambalayan muno ondo' langkaya' no. Sabap ra balasin kou boo piawo', am ginio noyo ampos muno.

JAKUBUS 1:9

Musiti' no sangulun Kristian ondo' musikin makaansuk amon ru pasingkoton io ri Aki Kapuuno'.

1 PITRUS 5:6

Sabap raginio, paingganaa' noyo guang mino ra kuasa' ri Aki Kapuuno' ondo' maikang kaga', maa' raginio mapainsawat Io ramuyun paat ra inaru' Nano.

ESTER 6:10

Kopongo raginio indagu raja' ri Gaman, “Ribaki' noyo! Alapo' bayang am kuda kuno, am anii' ngaangai' pangurumatan no ri Mordikai ulun ru Jaudi no. Baalo' noyo riso ngaangai' ondo' inatang muno, ra kalo mangiruru' rondo' pana. Tatanga' io manturung giu' ra saang ru kulobon garabang istana.”