LUKAS 12:42 - Tanou Moonsoi Timugon

⁴² Taam ru Tuhan, “Osoi ulipon ra gumagaya' am matanda' toojo? Io no ondo' susubon ru tuan nano maningganai ra ulipon ra bokon, am mangani' risilo ra akanon paat ra inaru' noyo.

LUKAS 12:42 ပူးပေါင်းရင်းမြစ်များ

KAINGKUALAN 36:4

Ginio ra ulun-ulun manukang ondo' tatanga' mambaal ra kandoi no

AMSAL 12:8

Ulun mapintar makaapu ra ompor; ulun sasambungon makaapu ra pagasaban.

AMSAL 15:23

Ragu-ragu ra pinasalula' nakatuma' ra bulintok no maparatong ra kaansukan.

AMSAL 27:18

Ulun magalung ra puun ru nunuk makaakan ra kawa' nano; ulun magalung ra tuan nano tagamin io.

AMSAL 31:15

Mololondom poyo ra susuab ti kumarat io koson manampos ra akanon nilo sambaloi, am koson manusub ra ngaangai' ulipon ruandu' nano.

JISAYA 50:4

Tuhan Ondo' Masawat Kaga' mangila' raki' makimansunur, maa' raginio ragu kuno mapaikang ra ulun maagui. Moonong susuab patirongon No gogoton kuno koson mangkirongog ra pangilaan Nano koson raki'.

JIRIMIA 23:4

Lantikon Ku panguasa' koson magalung risilo. Ulun Kuno kalo boo malaa' kapoam monontol; Aku pana kalo boo mangukum risilo. Aku, Tuhan nakaindagu noyo.”

YEHEZKIEL 34:3

Inumon min gatas ru domba, mambayang ra bulu domba, manimbalui am mangakan ra domba ondo' moonsoi kaga', kaa' kalo igondo' kau pagalung ra domba-domba no.

MATIUS 13:52

I Jisus pana mindagu poyo, “Moonong mangingila' ra Ukum ri Musa ondo' nasauk ra ulun ri Aki Kapuuno', io ti koson ra sangulun puun baloi ondo' mapaingkual ra kuliamos nakabagu am lairon intor ra kaban ru rapu' nano.”

MATIUS 20:8

Paat ra lumondom, indagu tatangan ra umo i ra mandur ru ulun-ulun mangngandoi i, ‘Piawo' ngaangai' mangngandoi am gajii' noyo, intor ra piniau ku mangandoi ra mamai' ti saboi ra ondo' nangandoi intor ra susuab i!’

LUKAS 12:43

Mumpara' boo bonsoi ru ulipon matanda' no amon ru muli' tuan nali, am ilai' no binaal ngaangai' nanusuban nali!

LUKAS 7:13

Kakito ri Jisus napuor no, nakaasi' Io riso am indagu, “Pai' pantangi'!”

LUKAS 7:19

susubo' no boo ilo tumuum ri Jisus am pangkuot, “Okou kia ondo' matong sumugut ra bantu' ri Aki Kapuuno' kapoam maginaa akai poyo kia ra bokon?”

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

1 TIMOTIUS 5:17

Magagalung ra pasimpungan ulun Kristian no ondo' matanda' toojo mampaugar ra kandoi nilo, musiti' urumaton am gajiin, mulu' poyo ilo ondo' mapirot toojo mampatanou am mangila'.

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.

TITUS 1:7

Sangulun tingganai musiti' kolondo' sala sabap ra mangatang io ra kandoi ri Aki Kapuuno'. Kalo noyo io minsawat guang, kalo mataki' malasu' guang kapoam gagaukon, am poyo kalo maangkol-angkol kapoam maringkumaa' ra kalangkayaan ru tana' ti.

IBRANI 13:17

Gagaya' kano ra tingganai mino am niayuk urumato' min ilo. Sabap ra ilo ti noyo linansanan ri Aki Kapuuno' magalung ra pangintapatan min. Amon ru gumagaya' kau risilo, makapangandoi ilo ra guang maansukan, kaa' amon ru kalo, maagat boo guang nilo am kolondo' onong ru ginio ramuyun.

IBRANI 13:7

Karaa' noyo tingganai min ondo' nampasaboi ramuyun ra bala' ri Aki Kapuuno', ra ati kulaan kiralan am ampos ru kaayagan nilai, am tilu kano risilo.

IBRANI 3:5

I Musa giminagaya' ri Aki Kapuuno' koson ra sangulun ulipon mangindangan ra ulun Nano, am nampabala' poyo ra atan ondo' raguon ri Aki Kapuuno' ra tauli no.

1 PITRUS 4:10

Akau sigagama' inanian noyo ra nansalinut taak intor ri Aki Kapuuno'. Ginio ra alungi' toojo taak ti, am kondoyo' noyo ginio koson ra kaatangan min ra rondo' am bokon.