LUKAS 12:33 - Tanou Moonsoi Timugon

³³ Talano' ngaangai' rapu' mino, am ruit no tatayaro' ra ulun-ulun musikin. Baalo' min rumpit pambulian ra ruit ondo' kalo maapu', ioginio rapu' giu' ra suruga' ondo' mantilayun, kalo matakou am kalo niayuk mokokot ru lipos.

LUKAS 12:33 ပူးပေါင်းရင်းမြစ်များ

MATIUS 19:21

Indagu i Jisus riso, “Amon ru masaga' kou matanda', ongoyo' talano' ngaangai' kuliamos muno am ruit no pataaki' ra ulun musikin, am okou pana makarapu' giu' ra suruga'. Mopongo raginio ibok, baya' no Raki'.”

LUKAS 18:22

Korongog ri Jisus ginio, indagu Io ra ulun i, “Rondo' poyo baalon muno: Talano' ngaangai' rapu' muno, am ruit no tatayaro' ra ulun musikin am mokoowot kou boo ra rapu' giu' ra suruga'. Mopongo raginio, baya' no Raki'!”

RINALATAN 2:45

Mokoondo' intor risilo mantalan ra rapu' nilai, am ruit i tinayar-tayar ra popolos nilo maya' ra pakuan ru sasangulun.

LUKAS 16:9

“Balain takamin: Paguyum kau ra rangan mampakai ra ruit, koson paat ra kalangkayaan mapuso, apuon kau ra ayanan mantilayun.

LUKAS 12:21

Pupusi' boo ri Jisus, “Gitio noyo pinambalos ra ulun ondo' lumuntuk ayuk manimung ra kuliamos, kaa' sotopot no musikin io ra pagilangan ri Aki Kapuuno'.”

AGAI 1:6

Masuang pinatias min ra sampug, kaa' nangkumos kau ra kalo kukula'. Makaakanon kau, kaa' kalo maukop koson mampabasug ramuyun. Makaruu' ru anggur kau kaa' kalo majala', makabayang kau kaa' kalo maukop koson mampalasu' ra inan. Gaji' ondo' inapu ru ulun mangandoi kalo maukop koson ra pakuan ru kaayagan nilo.

2 KORINTUS 8:2

Kininaman ilo toojo ru nansalinut kapaganan, kaa' naansukan ilo toojo. Kabalu' pana musikin ilo toojo, kaa' mataau ilo mangani' ra ulun bokon.

JUANIS 12:6

Rinagu no ginio sala' ka sabap ra masaga' io mangindangan ra ulun musikin, kaa' sotopot no io sangulun mantatakou. Io ti mampaguut ra rumpit nilai, am maindalom io noyo mantakou ra ruit ondo' pinabulian riso.

LUKAS 11:41

Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.

AMSAL 13:7

Mokoondo' ulun sumalu ra langkaya', sotopot no kolondo' atan-atan linonggom no. Mokoondo' niayuk sumalu ra ulun musikin, sotopot no langkaya' io.