LUKAS 11:28 - Tanou Moonsoi Timugon

²⁸ Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”

LUKAS 11:28 ပူးပေါင်းရင်းမြစ်များ

MAZMUR 112:1

Omporo' noyo Tuhan! Pakaansuk noyo ulun ondo' mangurumat ra Tuhan, ondo' masaga' gumagaya' ra panusuban Nano.

MAZMUR 128:1

Rimbai ru ratangan. Pakaansuk noyo ulun ondo' gumagaya' ra Tuhan, ondo' maayag sumugut ra panusuban Nano.

AMSAL 19:16

Ulun ondo' gumagaya' ra ukum ri Aki Kapuuno' makaumur maawar. Kaa' ulun ondo' kalo gumagaya' ra susuban Nano matoi.

AMSAL 8:32

Raino, rongogo' min aku, alii ra ulun mamulok! Gagayaa' min nanuluan kuli, akau pana makakaansayan.

LUKAS 8:21

Kaa' indagu i Jisus risilo, “Ulun ondo' sumugut ra bala' ri Aki Kapuuno' am gumagaya', ilo no ina' am pabukat-pabukat Kuno.”

JUANIS 13:17

Amon ru makapandai kau raginio, mulu' poyo bansuk min amon ru suguton min.

PINAINTALANG 1:3

Pakaansuk noyo osoi ondo' mambasa' am mangkirongog ra tanou pinaintalang ti am niayuk gumagaya' ra atan ondo' tinulisan ragitio. Sabap ra kalo boo mabuoi ngaangai' baal ragitio masauk.

PINAINTALANG 22:14

Pakaansuk noyo ilo ondo' mampupu' ra sukub nilono suku' mapasau, bagu no makaakan ilo ra kawa' intor ra puun ru mampakaayag am maya' ra umpasan sumubol ra bandar no.