Indagu boo Tuhan ri Musa, “Osoi kia mangani' ra ulun ra kabang? Osoi kia mopobobou kapoam mapabarat ra ulun? Osoi kia mapakito kapoam mopobolou ra ulun? Aku, Tuhan.
Paat ra orou raginio niayuk makaindagu kou saguli', am mindagu kou riso. Koon raginio noyo okou masauk ra tatandu' ra tayar ru ulun, am makapandai ilo ra Aku noyo Tuhan.”
Kaa' nansawai Tuhan ri Musa am i Arun, am indagu, “Sabap ra kalo kula' kau mangintopot Raki' koson mapakito ra kuasa' Kuno ondo' matulai giu' ra saang ru ulun ru Israil, kalo matingganai min ulun no mongoi ra tana' ondo' binantu' Kuno risilo.”
Pupus no, minintalang i Jisus ra koopor am rondo' maamaya' Nali paat ra ilo nangakan. Giu' i sinawai No ilo sabap ra kolondo' pangintapatan am mokotog ulu nilo saboi kalo nangintopot ilo ra ulun ondo' nakakito galama' ra Io naayag.
Indagu boo i Jisus risilo, “Topot-topot noyo akau ti kolondo' pangintapatan! Nabuoi Aku noyo minayan ramuyun am kalo poyo mangintopot kau. Ati kulaan Aku tumaan ramuyun? Ibito' lalaing no ragiti!”
Paat ra io miningkual, kalo boo makaindagu io risilo, mambaal io ayuk ra tatandu' ra kalindu' mambala' risilo. Ilo pana nakapandai boo ra i Jakaria ti nakakito ra rondo' pagilangan intor ri Aki Kapuuno' ralalom ru Baloi Tuhan i.
Kaa' atan koson amon ru mokoondo' ulun ru Jaudi kalo mampagagaya' ra ragu Nano? Ginio kia mangkinibit ra i Aki Kapuuno' kalo manugut ra bantu' Nano risilo?
Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.