KOLOSI 4:15 - Tanou Moonsoi Timugon

¹⁵ Posoboyo' noyo bilin kaansayan mai ra pabukat ra Kristian giu' ra Laodikia, am poyo ri Nimpa am ulun ondo' sumambayang giu' ra baloi nano.

KOLOSI 4:15 ပူးပေါင်းရင်းမြစ်များ

ROMA 16:5

Bilin kaansayan ku niayuk ra pasimpungan ulun Kristian ondo' tumimung ra baloi nilono. Bilin kaansayan kuno ra rangan tagamin ku i Ipinitus, io ti ulun kasaa' ondo' nangintopot ri Kristus ra libung ru Asia.

1 KORINTUS 16:9

Sabap ra masuang kaluagan moonsoi kuno mangandoi ra Tuhan ragiti, kabalu' pana masuang niayuk manggal raki'.

KOLOSI 2:1

Masaga' aku mambala' ramuyun ra mapirot aku nangandoi koson mampaikang ra pangintapatan min am poyo ra ulun giu' ra Laodikia am niayuk ngaangai' ulun ra bokon ondo' kalo poyo igondo' pakatuum raki'.

KOLOSI 4:13

Aku noyo galama' makapangani' ra kaintutunan intor ra kinapirot ru kandoi nano ramuyun am niayuk namagun ra bandar Laodikia am Irapolis.

KOLOSI 4:16

Mopongo surat ti mabasa' min, painjulo' min poyo ra pasimpungan ulun Kristian giu' ra Laodikia, maa' raginio mabasa' nilo niayuk. Mogondo' ra surat kuli ra bokon i ondo' painjulon boo ramuyun ru ulun Laodikia, basaa' min.

PILIMON 1:2

Am posoboyon ku niayuk gitio ra pasimpungan ulun Kristian ondo' maya' sambayang giu' ra baloi muno, am niayuk sangulun ruandu' pabukat takau ra Kristian i Apia am poyo i Arkipus, rangan mai mangandoi.