KOLOSI 3:5 - Tanou Moonsoi Timugon

⁵ Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

KOLOSI 3:5 ပူးပေါင်းရင်းမြစ်များ

KAINGKUALAN 37:22

Pumput-pumput, pango-pango am tampakan ra lampung, ngaangai' no binaal intor ra sampila' mas kopoyo inamar.

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

ROMA 1:26

Sabap ra pinoloso ilo ri Aki Kapuuno' sumugut ra kinibit ru guang majaka' ti. Ruandu'-ruandu' no kalo boo rumulug ra ungkuyon koson ra kaindalaman, kaa' ilo ti lesbian.

ROMA 1:29

Guang nilono napanu' ra kalaatan, mapuka', magingkaut ilo, mampalaat ra rondo' am bokon: mangusolon ilo, makimampatoi, mansasangor, mamparuung, malikokot. Mansunur ilo ra ulun bokon,

ROMA 6:13

Pai' min polosoo' atan ayuk tayar ru inan mino kuasaan ru tula, koson pambabaal ra malaat. Kaa' polosoo' noyo i Aki Kapuuno' manguasa' ra kaayagan mino, koson ra ulun ondo' binayag noyo saguli' intor ra kapatayan am raino maayag. Taaki' noyo ngaangai' kaayagan mino ri Aki Kapuuno' koson pambabaal ra moonsoi.

ROMA 6:6

Mapandayan takano ra kiralan ru kaayagan lair takau pinuso noyo paat ri Kristus pinatoi giu' ra salip, koson kuasa' ru paliso takau ondo' makatula no pusoon. Maa' raginio, kalo boo uliponon takau ru tula.

ROMA 7:23

Kaa' matutunan ku ralalom ru guang kuno mokoondo' poyo ukum ondo' mantutula' ra ukum ondo' iowon ru guang kuno. Ginio ra uliponon aku ru ukum ru tula ondo' manguasa' ra inan kuno.

ROMA 7:5

Ra galing i kaayagan takau kinuasa' ru paliso ru ulun, am sabap ra kinibit ru Ukum ri Musa, mansalinut kasagaan makatula miningkual intor ra guang takau. Ginio noyo nangkinibit ritakau ra kapatayan.

ROMA 8:13

Sabap ra, amon ru maayag kau maya' ra paliso ru ulun, maaru' matoi kau. Kaa' amon ru ralalom ru indangan ru Ambiluo ri Aki Kapuuno' langgain min baal ra makatula, maayag kau.

1 KORINTUS 5:1

Sotopot no binalaan aku ra mokoondo' intor ramuyun mansawa', mokoondo' sangulun liminapau ra ina' nanukapu riso. Ginio malaat toojo intor ra kaindalaman ru ulun ondo' kalo makaulig ra Tuhan.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

1 KORINTUS 6:13

Mokoondo' niayuk ulun mindagu ra, “Akanon pasuangon ra tinai', am tinai' papasuangan ra akanon.” Ginio motopot: Kaa' karuruo no pusoon ri Aki Kapuuno'. Kaa' kalo moonsoi amon ru ulun mansasawa' ayuk, kaa' musiti' takau mangurumat ra Tuhan ra inan takano pana. Bagu alungin ru Tuhan inan takati.

1 KORINTUS 6:18

Inggaluri' min noyo pansasawaan. Atan ayuk tula ra bokon ondo' baalon ru sasangulun, kalo mangkinibit ra inan nano. Kaa' ulun ondo' mansawa', io galama' mangkinibit ra inan nano makatula.

2 KORINTUS 12:21

Malaa' aku ra paat ra aku matong ra maagu no, tauyuon aku ri Aki Kapuuno' ra saang min, am tangiin ku ulun makatula no ondo' kalo poyo timinalikur intor ra pansasawaan am baal nilo ra majamol am makauyuyu' no.

GALATIA 5:24

Am ondo' maamaya' ri Kristus Jisus, koson nasalip nilo noyo guang malaat nilai mabaya' ra ngaangai' ru kasagaan am ondo' gogoton ru guang.

IPISUS 4:19

Kolondo' boo guang mauyu' nilo; saboi maya' ilo ayuk ra kasagaan ru inan nilo galama', io no mambaal ra atan ayuk kalaatan ondo' makauyuyu'.

KOLOSI 2:11

Paat ra akau siminimpung ri Kristus, ginio koson ra kaulayan ru sunat, ioginio tula mino iniru' noyo. Gitio binaal Nano koson mampalabus ramuyun intor ra kinibit ru kuasa' ru tula mino.

1 TISALONIKA 4:3

Sabap ra masaga' i Aki Kapuuno' ra kaayagan mino mapasau, ginio ra inggalur kano ra baal ru pansasawaan.

1 TISALONIKA 4:5

Pai' kano baya' ra kinibit lumapau, koson ra ulun ondo' kalo makaulig ri Aki Kapuuno'.

1 TIMOTIUS 6:10

Sabap ra maringkumaa' ra kalangkayaan ti noyo puun ru mansalinut kalaatan. Mokoondo' ulun naingkinibitan ru ginio saboi nakalayau intor ra pangintapatan takau am pupus no migimbolo' ilo ra mansalinut kapaganan.

IBRANI 12:16

Ilalai' noyo ra kolondo' sangulun mansawa' kapoam tumilu ri Isau ondo' kalo nangurumat ri Aki Kapuuno' ragili. Tayar tungkuson nali koson ra anak katuaan inaligan no ra samangkuk akanon ayuk.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

JAKUBUS 4:1

Atan kia puun ru pantataaman am pansangaran min? Sala' ka kia ginio intor ra kasagaan ru guang malaat min ondo' masalok mantipagon ramuyun.

1 PITRUS 2:11

Pabukat ondo' tagamin ku, akau koson ra ulun bansa' ru bokon ondo' kolondo' karandanan ra tana' ti, maa' raginio kitaakon ku ramuyun, inggaluri' min noyo kinibit malaat, ondo' masalok gumula' ra kasagaan min gumagaya' ri Aki Kapuuno'.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.