KOLOSI 3:25 - Tanou Moonsoi Timugon

²⁵ Am osoi ayuk ondo' mambaal ra tula, io galama' magiba' ra balos ru tula nano sabap ra ukum ri Aki Kapuuno' pogondoon ra ngaangai' ulun.

KOLOSI 3:25 ပူးပေါင်းရင်းမြစ်များ

2 SAMUIL 14:14

Matoi takau ngaangai'; itakau ti koson ra timug ondo' nasasar ra tana' am kalo maalap boo katimung. I Aki Kapuuno' pana kalo boo mamayag saguli' ra ulun ondo' minatoi, kaa' kalo ra kalo mapiratan mu maa' raginio ulun inimpayan no makauli' poyo.

2 TUNUNG RU BANSA' ISRAIL 19:7

Kalaa' kano ra Tuhan, am ilalain ra mampaguang, sabap ra Tuhan, i Aki Kapuuno' takau masisang ra ulun ondo' sumiang, kapoam ondo' kalo matimpok, kapoam ondo' mangapu ra pangngambi'.”

AYUP 34:19

Namangun i Aki Kapuuno' ra moonong ulun; kalo saungon No raja', kapoam kaansayin ondo' langkaya' intor ra musikin.

AYUP 37:24

Ginio sabap ra moonong ulun mangurumat ri Aki Kapuuno', am ulun ondo' mangiou ra io no mapintar kalo lioon No.”

IMAMAT 19:15

“Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

LUKAS 20:21

Indagu ilo boo ri Jisus, “Mangingila', nakatutun akai ra motopot ngaangai' raguon am pangilaan Muno. Nakatutun akai niayuk ra kalo mampili' Kou ra ulun, kaa' mangila' Kou ayuk ra atan ondo' motopot intor ra kasagaan ri Aki Kapuuno' ra ulun.

RINALATAN 10:34

Indagu boo i Pitrus, “Bagu aku nakatutun ra nogondo' ayuk ngaangai' ulun ra pagilangan ri Aki Kapuuno'.

ROMA 2:11

Sabap ri Aki Kapuuno' kalo mampili' ra ulun ondo' akimin Nano.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

IPISUS 6:8

Karaa' min noyo ra moonong ulun, iou pana ulipon kapoam kalo, mokoowot ilo niayuk ra ampos intor ra Tuhan sumugut ra atan ondo' baalon nilo ra moonsoi.

IPISUS 6:9

Tuan kau ngai', akau pana musiti' mampakito ra paliso matanda' ra ulipon mino. Karaa' min ra akau am ulipon mino mokoondo' sangulun Tuhan giu' ra suruga', am Io kalo mampili' ra ulun.

SAGULION 1:17

Pai' pagimbaso' paat ra okou mamatas; pangakim noyo ra moonong ulun am mamakai ra ralan ra nogondo', kalo ilain osoi ulun no. Pai' kalaa' ra osoi pana, sabap kapatasan ondo' binaal mino kapatasan intor ri Aki Kapuuno'. Amon ru mokoondo' baal ondo' mapagon kaga' ramuyun, pataako' raki' baal raginio; aku mambaal ra kapatasan ra baal raginio.’

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

KOLOSI 4:1

Tuan kau ngai', moonsoi paningganayan min ra ulipon mino motopot am kalo mampili' ra ulun. Karaa' min ra akau pana makatuan giu' ra suruga'.

1 TISALONIKA 4:6

Intor ra baal ragitio, pai' kano pambaal ra kasalaan kapoam mamparuung ra pabukat min ra Kristian. Sabap ra nakapansawai akai noyo toojo ramuyun ragili ra Tuhan noyo ondo' mangukum ra ngaangai' baal koson raginio.

2 TISALONIKA 1:6

Mabanis baalon ri Aki Kapuuno'. Mambalos Io ra ulun ondo' mangimbolo' ramuyun no.

PILIMON 1:18

Amon ru namparuung io lair rirun kapoam nakaira' rirun, polosoo' ayuk ra aku mangani' panampilon ra ngaangai' no.

IBRANI 2:2

Motopot bala' ondo' pinasaboi ru malaikat-malaikat ra kinamatuaan takali am osoi ayuk kalo giminagaya' kapoam siminugut no, binalasan maya' ra binaal nilai no.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.

JUDAS 1:16

Ngaangai' ulun raginio masalok ayuk butok-butok am mampasala poyo ra ulun bokon. Maya' ilo ayuk ra kasagaan malaat ru guang nilai ti. Migigiompor ilo ayuk am gamisin nilo ulun ra bokon koson ra kaatangan nilo ayuk galama'.