KOLOSI 3:24 - Tanou Moonsoi Timugon

²⁴ Karaa' min noyo ra aniin kau ru Tuhan ra ampos moonsoi ondo' pinongo No kalalair ramuyun. Sotopot no i Kristus noyo ondo' tuan pangandayan min.

KOLOSI 3:24 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

AMSAL 11:18

Ulun malaat kalo makaalap ra kaulian ra sotopot no; kaa' ulun mambaal ra moonsoi kaulian nano motopot.

MATIUS 10:41

Osoi ayuk mangapu ra nabi sabap ra io sangulun nabi, ampos ondo' moowot no mogondo' ra ampos ru sangulun nabi. Osoi ayuk mangapu ra ulun sabap ra matanda' paliso nano, io pana mokoowot niayuk ra ampos ru sangulun matanda'.

MATIUS 5:12

Koson niayuk ra galing i ra nangimbolo' ilo ra nabi-nabi ondo' naayag pagulu ramuyun. Pakaansuk kano, sabap ri Aki Kapuuno' mangatang ra ampos maayo kaga' ramuyun giu' ra suruga'.”

MATIUS 5:46

Atan barakat maalap min intor ri Aki Kapuuno' amon ru motogom kau ayuk ra ulun ondo' motogom ramuyun? Sala' ka kia ulun mampalulur ra cukai pana mambaal koson raginio niayuk!

MATIUS 6:16

“Paat ra akau mampali, pai' no parikarus koson ra ulun-ulun maabau-abau. Kalo manginjagup ilo koson makiilong ra ulun ra ilo ti mampali. Karaa' min, ilo ti nakaalap noyo ra balos.

MATIUS 6:5

“Paat ra akau makiasi', pai' kau tilu ra ulun-ulun ra maabau-abau. Ilo ti masaga' mangintairoi am makiasi' giu' ra baloi sambayangan am poyo giu' ra lilisangon ru ralan koson makiilong ilo ra ulun. Karaa' min, ilo ti nakaalap noyo ra balos nilono.

LUKAS 14:14

Barakaton kou boo sabap ra ulun ragitilo kalo makabalos rirun, kaa' i Aki Kapuuno' mambalos rirun paat ra ulun motopot bayagon saguli'.”

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

RINALATAN 20:32

Raino, pataakin takamin ri Aki Kapuuno' am ra pambalaan ru asi' Nano ondo' makapagalung ramuyun. Io ti mokoondo' ra kuasa' mampaikang ramuyun am niayuk mangani' poyo ra barakat ondo' pinongo Nano ra ngaangai' ulun ondo' mangintopot Riso.

ROMA 1:1

Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

ROMA 14:18

Osoi ayuk mangandoi ri Kristus koson raginio, io no ondo' mampakaansuk ri Aki Kapuuno' am urumaton poyo ru ulun.

1 KORINTUS 11:23

Sabap ra pangilaan ondo' pinasaboi ku ramuyun i, naapu ku intor ra Tuhan; ioginio paat ra rondom Tuhan Jisus pinataak ra pantula' Nano, alapo' No ruti',

1 KORINTUS 3:8

Ginio ra ondo' mantanom am ondo' manguas mogondo' ayuk; sabap ri Aki Kapuuno' mangani' ra ampos ra moonong ulun sumugut ra kandoi nilono sigagama'.

1 KORINTUS 7:22

Sabap ra sangulun ulipon ondo' piniau ru Tuhan, sotopot no pinalabus io no ru Tuhan. Mogondo' niayuk ra sangulun sala' ka ulipon ondo' piniau ru Tuhan, uliponon io no ri Kristus.

GALATIA 1:10

Ati boo kulaan, maguyum aku kia ra pangiawan intor ra ulun? Kalo, pangiawan intor ri Aki Kapuuno' ayuk gogoton kuno. Makikiilong aku kia ra ulun? Kalo, amon ru koson raginio sala' ka ulipon aku ri Kristus.

IPISUS 6:6

Pai' gagaya' ayuk paat ra akau tainuin, koson ra makiompor kau ayuk risilo. Kaa' suguto' min noyo toojo ra kasagaan ri Aki Kapuuno', koson ulipon kau ri Kristus.

IPISUS 6:8

Karaa' min noyo ra moonong ulun, iou pana ulipon kapoam kalo, mokoowot ilo niayuk ra ampos intor ra Tuhan sumugut ra atan ondo' baalon nilo ra moonsoi.

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

IBRANI 10:35

Intor raginio, pai' polosoo' pangintapatan mino lumawo, sabap ra maayo ampos nano.

IBRANI 11:6

Kolondo' sangulun pana makapapabansuk ra guang ri Aki Kapuuno' amon ru kalo mangintopot io Riso. Osoi ayuk masaga' mulig ri Aki Kapuuno', musiti' mangintopot galing ra i Aki Kapuuno' totopot soroi am mambalos ra ulun ondo' toojo masaga' mulig Riso.

IBRANI 9:15

Ginio nai ra mansail ri Kristus noyo i Aki Kapuuno' nakapambaal ra nabantuan bagu, maa' raginio ulun ondo' pinili' Nano makaapu ra barakat mantilayun ondo' binantu' Nali. Ngaangai' raginio masauk sabap ri Kristus minatoi noyo koson mampakaayag ra ulun intor ra sala ondo' binaal nilono nakapaat ra nabantuan kasaa' i iniou.

1 PITRUS 1:4

Ginio noyo puun ru barakat maayo ondo' pinatampos kalalair ritakau giu' ra suruga'. Am taak ragitio kalo maalap kalunsai, kapuso kapoam kairu'.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus:

RUT 2:12

Gama' ru balasin ru Tuhan nansalinut kaansayan muno. Gama' ru apuon mu atan ayuk pana ondo' taakin rirun ru Tuhan, i Aki Kapuuno' ru Israil sabap ra minatong kou koson siminindung Riso!”