KOLOSI 3:22 - Tanou Moonsoi Timugon

²² Ulipon kau ngai', moonsoi ru gagaya' kano ra tuan mino ra atan ayuk kondoyon min. Sala' ka gumagaya' ayuk paat ra akau tamungin, koson makiompor kau ak risilo. Kaa' gagaya' kano toojo risilo mogondo' ra akau gumagaya' toojo ra Tuhan.

KOLOSI 3:22 ပူးပေါင်းရင်းမြစ်များ

GALATIA 1:10

Ati boo kulaan, maguyum aku kia ra pangiawan intor ra ulun? Kalo, pangiawan intor ri Aki Kapuuno' ayuk gogoton kuno. Makikiilong aku kia ra ulun? Kalo, amon ru koson raginio sala' ka ulipon aku ri Kristus.

1 TISALONIKA 2:4

Kaa' sotopot no, pai' ru mampakaansuk akai ra guang ru ulun kaa' guang ri Aki Kapuuno', ondo' mangkinam ra guang mai. Io no ondo' nampasauk ramon koson maaya' akai mampasaboi ra Tanou Moonsoi no.

KOLOSI 3:20

Anak kau ngai', moonsoi sumugut kau ra karuo matuo mino sabap ra gitio noyo paliso ru sangulun Kristian ondo' mampakatasu' ra guang ri Aki Kapuuno'.

LUKAS 6:46

“Kua piawo' min Aku ra, ‘Tuhan, Tuhan,’ kaa' kalo gagayaan min panusuban Kuno ramuyun?

MAMPATANOU 5:7

Pai' pangimuag amon makakito ra ulun manguasa' mangimbolo' ra ulun musikin am mampagaau ra ngaangai' longgom nilo, am kalo nangani' risilo ra katimpakan. Moonong pagawai inampin ru pagawai maningganai risilo, am karuruo no inampin ru pagawai ondo' masawat poyo intor risilo.

PILIMON 1:16

Am raino sala' ka sangulun ulipon io ayuk, kaa' mulu' poyo intor raginio, io sangulun pabukat muno ra Kristian ondo' tagamin mu. Mokoonong io raki' am mulu' poyo rirun, koson ra sangulun ulipon am niayuk ra sangulun pabukat muno ondo' mangintopot ra Tuhan.

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

LUKAS 7:8

Sabap ra aku galama' gumagaya' ra susuban ru tingganai maino. Mokoondo' niayuk ra saujor-saujor ondo' gumagaya' ra panusuban kuno. Amon ru manusub aku ra sasangulun saujor, ‘Ugar!’, io pana mugar. Amon ru mindagu aku ra bokon no poyo, ‘Ibok ragiti!’, io pana matong. Amon ru manusub aku ra ulipon kuno, ‘Baalo' gitio!’, io pana gumagaya'.”

MATIUS 8:9

Sabap ra aku pana galama' gumagaya' poyo ra susuban ru masawat intor raki'. Mokoondo' aku ra saujor susubon kuno. Amon ru manusub aku ra sangulun saujor, ‘Ugar!’ Io pana mugar. Amon ru mindagu aku ra ulun bokon ‘Ibok!’ Io pana matong. Amon ru manusub aku ra ulipon kuno, ‘Baalo' gitio!’ Io pana gumagaya'.”

MATIUS 6:22

“Mato muno koson ra lampung ru inan. Amon ru mato muno moonsoi, ngaangai' inan muno matawangan ru sinda no.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

MAZMUR 123:2

Koson ra sangulun ulipon sumingkayut ra tuan nano, am sangulun ulipon ruandu' ra puan nano, koon niayuk ramon lumansan Rirun, iou Tuhan, i Aki Kapuuno' mai, saboi Okou makaasi' ramon.

NIGIMIA 5:15

Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

KASAUKAN 42:18

Paat katalu ra orou, indagu i Jusup risilo, “Aku ti sangulun gumagaya' ri Aki Kapuuno', ampunon takamin ra rondo' kitaakon kuno.

MAMPATANOU 8:12

Kabalu' pana ulun makatula' nambaal ra maatus kalaatan, ilo lakat poyo maayag. Nakapandai aku ra ulun mindagu, “Ulun ondo' gumagaya' ri Aki Kapuuno' maayag ra sabubuoi no,

NIGIMIA 5:9

Kopongo raginio indagu aku poyo, “Binaal mino nasala! Akau musiti' no malaa' am mangurumat ri Aki Kapuuno' am mambaal ra baal ondo' moonsoi. Koon raginio noyo, pantula' takau ondo' kalo mangintopot ri Aki Kapuuno' no, kalo makaalap ra sasaban koson magasab ritakau.