KOLOSI 3:20 - Tanou Moonsoi Timugon

²⁰ Anak kau ngai', moonsoi sumugut kau ra karuo matuo mino sabap ra gitio noyo paliso ru sangulun Kristian ondo' mampakatasu' ra guang ri Aki Kapuuno'.

KOLOSI 3:20 ပူးပေါင်းရင်းမြစ်များ

KASAUKAN 28:7

Nakapandai niayuk i Isau ra ginagaya' ri Jakub ragu ru matuo nano am minongoi io ra Misopotamia.

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

AMSAL 20:20

Osoi-osoi magulas ra matuo nano, bayag nano maliom koson ra lampung malasa' ra intok molondom.

AMSAL 30:11

Mokoondo' ulun magulas ra ama' am kalo maringkuanang ra ina' nano.

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

AMSAL 6:20

Alii ra anak kuno, baalo' panusuban ri ama' mino, am pai' liliani' pangilaan ru ina' mino.

JIRIMIA 35:8

Ginagaya' mai ngaangai' nanusuban ri Jonadab no. Akai am andu' mai kalo igondo' inum ra wain; koson niayuk ra anak ungkuyon kapoam anak ruandu' mai.

YEHEZKIEL 22:7

Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MATIUS 19:19

Urumato' matuo muno; tagami' noyo ngaangai' ulun koson ra kaayagan muno galama'.”

IPISUS 5:24

Koson ilo gumagaya' ri Kristus, mogondo' niayuk sangulun andu' musiti' gumagaya' ra ralaki nano ralalom ru ngaangai' baal.

SAGULION 27:16

“ ‘Kaulas noyo ulun ondo' magasab ra ina' kapoam ama' nilo.’ “Ngaangai' ulun tumaam ra, ‘Amin!’

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

KOLOSI 3:22

Ulipon kau ngai', moonsoi ru gagaya' kano ra tuan mino ra atan ayuk kondoyon min. Sala' ka gumagaya' ayuk paat ra akau tamungin, koson makiompor kau ak risilo. Kaa' gagaya' kano toojo risilo mogondo' ra akau gumagaya' toojo ra Tuhan.

TITUS 2:9

Ragui' niayuk ulipon-ulipon ra gagayaan nilo toojo tuan nilai no, am poyo katasuon nilo guang ru tuan nilai ralalom ru ngaangai' baal.

IBRANI 13:21

Gama' ru mangani' Io ramuyun ra moonong baal moonsoi, koson makapambaal kau ra kasagaan Nano. Gama' ru ralalom ri Jisus Kristus noyo, mampasauk Io ra kasagaan Nano ralalom kaayagan takau. Musiti' takau mongompor ri Kristus ra sabuoi-buoi no! Amin.

RUT 3:5

Taam i Rut, “Maya' aku ayuk ra ngaangai' raguon muno ina'.”