KOLOSI 3:17 - Tanou Moonsoi Timugon

¹⁷ Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.

KOLOSI 3:17 ပူးပေါင်းရင်းမြစ်များ

1 RAJA'-RAJA' 18:32

Ra batu-batu raginio, i Ilia nambaal saguli' ra altar intok sambayangan ra Tuhan. Giu' ra liliut ru altar no nangkali i Ilia ra parit ondo' makapanuang ra timug suang mopor am limo ngalito.

AMSAL 3:6

Karaa' noyo Tuhan ralalom nansalinut baalon muno, am manulu' Io rirun ra ralan ru kaayagan moonsoi.

MIKA 4:5

Moonong bansa' sumamba am gumagaya' ra dewa nilo galama', kaa' itakau sumamba am gumagaya' ra Tuhan, i Aki Kapuuno' takau ra sabuoi-buoi no.

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

RINALATAN 19:17

Ngaangai' ulun ru Jaudi am sala' ka Jaudi ondo' minayan ra Ipisus i nangalaa' paat ra ilo nokorongog ra nasauk i. Ginio ra inggalan ru Tuhan Jisus ti inompor poyo.

RINALATAN 4:30

Paintalango' noyo kuasa' Muno koson ra ulun marualan mababas. Gama' ru kaimuagan am tatandu' ra bokon masauk ralalom ru kuasa' ri Jisus, Ulipon Muno ra matulai.”

ROMA 1:8

Pagulu ti, ralalom inggalan ri Jisus Kristus, maringkuanang aku ri Aki Kapuuno' sabap ra pangintapatan min ri Jisus Kristus raino mapandayan noyo ru ulun ra titikop ru tana' ti.

1 KORINTUS 10:31

Atan ayuk pana baalon mino, kapoam akanon am inumon min niayuk, baalo' min ngaangai' ginio koson mangurumat ri Aki Kapuuno'.

IPISUS 1:17

Makiasi' aku ri Aki Kapuuno', Ama' ra kolondo' pogondo', ioginio Ama' ru Tuhan takau i Jisus Kristus, maa' raginio mangani' ramuyun ra Ambiluo Nano. Io no mampasauk ramuyun mapintar am niayuk paintalangon No ramuyun osoi Io koson totopot kau makaulig Riso.

IPISUS 5:20

Ra pasimpungan min ri Tuhan Jisus Kristus, kasalok kano maringkuanang ri Aki Kapuuno', Ama' takau, ra ngaangai' ru atan ayuk.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

PILIPI 2:11

Am ngaangai' nilo pana mangiou ra i Jisus Kristus noyo Tuhan; Intor raginio katulayon boo i Aki Kapuuno', Ama' takau.

KOLOSI 1:12

Am mabaya' ra kaansukan, paringkuanang kano ri Aki Kapuuno', Ama' takau, ondo' nampasauk ramuyun makatayar intor ra pinongo Nano ra ulun ondo' mangintopot Riso, giu' ra ralalom ru pamarintaan ondo' natikop ra sinda Nano.

KOLOSI 2:7

Polosoo' Io no sumauk ra puun ru kaayagan min. Pangintapatan mino Riso ondo' koson ra puun nano mulu' poyo ikang no sumugut ra atan ondo' inila' ramuyun i. Kasalok kano mongongompor mabaya' ra ragu paringkuanangan.

KOLOSI 3:15

Pobobonsoi kano ra rondo' am bokon ralalom ra pasimpungan ulun Kristian, maya' ra pabansayan ondo' tinaakan ri Kristus ramuyun, sabap ra gitio noyo pampiawan ri Aki Kapuuno' ramuyun. Kasalok kano maringkuanang.

KOLOSI 3:23

Atan ayuk kondoyon mino, paugaro' min noyo toojo mabaya' ra guang mabanis, koson ayuk mangandoi kau ra Tuhan am sala' ka ra ulun.

1 TISALONIKA 1:1

Aku i Paulus, mabaya' ri Silas am i Timotius. Surat ti posoboyon ra pasimpungan ulun Kristian ra bandar Tisalonika, ulun kau ri Aki Kapuuno', i Ama', am poyo ulun kau ru Tuhan Jisus Kristus: Gama' ru i Aki Kapuuno' manaak ramuyun ra barakat am pabansayan.

1 TISALONIKA 5:18

Paringkuanang kau ayuk ra ngaangai' ondo' matuum min, sabap raginio noyo kasagaan ri Aki Kapuuno' ramuyun koson ra ulun ondo' sumimpung ri Kristus Jisus.

2 TISALONIKA 2:17

mampakatasu' am mampaikang ra guang mino. Maa' raginio makapambaal am makapampatanou kau boo ra atan ondo' moonsoi.

IBRANI 1:5

Kalo igondo' i Aki Kapuuno' no minindagu ra ati ayuk pana malaikat koson ragitio: “Okou no Anak Kuno; orou raiti' ngaangai' balain ra Aku Ama' Muno.” Kalo poyo niayuk i Aki Kapuuno' minindagu ra ati ayuk pana malaikat ra: “Aku masauk ra Ama' Nano, am Io masauk ra Anak Kuno.”

IBRANI 13:15

Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

1 JUANIS 2:23

Ulun ondo' kalo mangapu ra Anak, arati' no kalo niayuk mangapu io ra Ama'. Am ulun ondo' mangapu ra Anak, arati' no mangapu io niayuk ra Ama'.

1 JUANIS 3:18

Pabukat kau ngaangai'! Togom mino sala' ka raragu ayuk. Itakau musiti' motogom intor ra guang mabanis, ondo' makito ru ulun ralalom baalon takau.