KOLOSI 3:16 - Tanou Moonsoi Timugon

¹⁶ Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

KOLOSI 3:16 ပူးပေါင်းရင်းမြစ်များ

1 RAJA'-RAJA' 3:28

Paat ra ulun ru Israil nokorongog ra namatasan ru Raja' Salomo, mangurumat ilo kaga' riso sabap ra nakapandai ilo ra nangani' i Aki Kapuuno' riso ra kapintaran koson mampaugar ra katimpakan.

1 TUNUNG RU BANSA' ISRAIL 25:7

Ngaangai' 24 ngaulun ungkuyon no am pabukat-pabukat nilo iono ulun mangapandai kaga' mangkuli ra miujik. Suang nilo ngaangai' no 288 ngaulun.

NIGIMIA 12:46

Intor ra bulintok ru Raja' Daut am i Asap mangkukuli ra miujik ra galing i poyo, ulun-ulun maririmbai no narimbai ra rimbai mongompor am rimbai paringkuanangan ri Aki Kapuuno'.

AYUP 23:12

Susuban-susuban ri Aki Kapuuno' masalok gagayaan ku, sumugut aku ra kasagaan Nano, sala' ka kasagaan kuno galama'.

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 119:54

Rabuoi ru bayag kuno ondo' mariwa' ra tana' ti, panusuban Muno saukon ku ra rimbai.

MAZMUR 138:1

Mazmur ri Daut. Iou Tuhan, maringkuanang aku Rirun ralalom intopot ru guang kuno; rimbayin Tokou ra rimbai pangamparan ra saang ru ngaangai' ilo ondo' maayag ra suruga'.

MAZMUR 28:7

Tuhan no manindung am manungka' raki'; mangintopot aku Riso. Mangindangan Io raki' am mapabansuk ra guang kuno; omporon ku Io ra rimbai paringkuanangan.

MAZMUR 32:7

Okou intok kuno mansibuni, Okou namayag raki' intor ra kapaganan. Magilakup aku mongompor Rirun, sabap ra namayag am nanindung Kou raki'.

MAZMUR 71:23

Bulintok ra aku mangkuli ra jitor indiyon Tokou; marimbai aku ra sotopot-topot ru salibuor kuno, sabap ra namayag Kou noyo raki'.

AMSAL 14:8

Ulun mapintar makapandai ra atan baalon nilo; ulun sasambungon maruung ru kabuduan nilo galama'.

AMSAL 18:1

Ulun ondo' tumuliar intor ra ulun ra bokon iono mangkara' ayuk ra inan nano galama'; guangon moonsoi ru ulun ra bokon kalo rongogon nilo.

RIMBAI PANGAMPARAN 1:1

Rimbai Pangamparan ru Raja' Salomo.

JISAYA 10:2

Ginio noyo namakuan min mongompong ra ulun musikin mangalap ra matanda' risilo am katimpakan, am niayuk mampagaau ra longgom ru ulun napuor am anak nailusan ra matuo.

JISAYA 26:1

Masuku' bulintok no rimbayon ru ulun rimbai ragitio giu' ra tana' Jiuda: Bandar takau ti maikang! I Aki Kapuuno' mangampin ra timbok Nano!

JISAYA 30:29

Kaa' akau ngai' ulun ri Aki Kapuuno', makaansuk am marimbai koson ra rondom pangiantakan ru ugama! Maansukan kau koson risilo ondo' mugar ondo' sinumbaya' ru tulali sumuku' ra Baloi ru Tuhan, manungka' ru Israil.

JISAYA 5:1

Rongogo' noyo rimbai kutu, tunung koson ra rangan kuno am umo ru anggur nano: Rangan kuno mokoondo' sampila' umo ru anggur giu' ra bulur ondo' malabung.

JIRIMIA 15:16

Minindagu Kou raki', am norongog ku moonong ragu Muno. Aku longgom Muno, iou Tuhan i Aki Kapuuno' Ondo' Maayo Kaga' Kuasa'; ginio ra ragu Muno nangani' ra kaansukan am kaansayan raki'.

MATIUS 26:30

Kopongo ilo narimbai ra rimbai mongompor ri Aki Kapuuno', ugar ilo ongoi ra Bulur Jaitun.

LUKAS 2:51

Kopongo ragili, saguli' i Jisus baya' ra matuo Nano ra Nasarit am gumagaya' risilo. Nampaguang ina' Nano ra ngaangai' raginio.

JUANIS 15:7

Amon ru rumondon kau Raki' am ragu Ku rumondon ra guang min, pakitaak kau ri Ama' ra atan ak kasagaan min am aniin kau.

ROMA 10:17

Ginio ra mansail ra pangkirangagan nilo ra tanou no mangintopot ilo, am morongog nilo tanou no sabap ra mokoondo' mambala' risilo ra tanou intor ri Kristus.

ROMA 15:14

Pabukat kau ngaangai', mangintopot aku ra moonsoi kau toojo am makapandai kano ra ngaangai' saboi makapangila' ra rondo' am bokon.

1 KORINTUS 14:15

Ginio poyo, atan baalon kuno? Koson ragitio; makiasi' Ambiluo ri Aki Kapuuno' ralalom kuno, kaa' makiasi' aku niayuk mabaya' ra pangkaraan kuno. Marimbai Ambiluo ri Aki Kapuuno' ralalom kuno, kaa' marimbai aku niayuk mabaya' ra pangkaraan kuno.

1 KORINTUS 14:26

Pabukat kau ngaangai', kon kutu am paat ra akau tumimung sumambayang, mokoondo' marimbai, mokoondo' mangila' am niayuk mampasaboi ra bala' intor ri Aki Kapuuno'. Mokoondo' poyo mindagu ra ragu imuagan am mokoondo' mambala' ra arati' ru ragu raginio. Kaa' ngaangai' ti musiti' mangindangan ra pasimpungan ulun Kristian.

IPISUS 1:17

Makiasi' aku ri Aki Kapuuno', Ama' ra kolondo' pogondo', ioginio Ama' ru Tuhan takau i Jisus Kristus, maa' raginio mangani' ramuyun ra Ambiluo Nano. Io no mampasauk ramuyun mapintar am niayuk paintalangon No ramuyun osoi Io koson totopot kau makaulig Riso.

IPISUS 5:17

Ginio ra pai' kau noyo bungas, kaa' uyumo' min noyo atan ondo' kasagaan ru Tuhan.

IPISUS 5:19

Moonsoi mindagu kau ra sangulun am bokon ra ragu Mazmur, rimbai mongompor ri Aki Kapuuno' am poyo rimbai Kristian. Rimbayo' noyo gitio ra Tuhan mabaya' ra guang makaansuk.

IPISUS 5:26

Binaal ri Kristus raginio, maa' raginio maimpasawan ilo no mumbaya' ra bala' Nano am poyo mabaya' ra pamariwan.

KOLOSI 1:28

Ginio nai ra mampasaboi akai ra tanou ri Jisus Kristus ra ulun masuang. Mampakara' am mangila' akai ra moonong ulun mabaya' ra kapintaran. Kuayan mai maa' raginio moonong ulun maapu ri Aki Kapuuno' sabap ra makapasimpung ilo ri Kristus koson ra ulun kolondo' boo sala.

KOLOSI 1:9

Ginio nai ra intor poyo ra akai nakaining raginio, masalok akai boo mangkara' ramuyun ralalom pakiasian mai. Makiasi' akai ri Aki Kapuuno' ra makatutun kau ra atan sotopot no kasagaan Nano, ioginio aniin kau ru Ambiluo ri Aki Kapuuno' ra kapintaran am kapandayan.

KOLOSI 4:6

Kasalok kano makimansunur ra ondo' mampakatasu' am makapamunduk ra guang. Tutun kano ati kulaan tumaam ra matanda' ra atan ayuk pangkuatan ru sasangulun.

1 TISALONIKA 1:8

Sabap ra tumalimpuun intor ramuyun, bala' ru Tuhan nakasaboi noyo ra Makidonia am Akaya. Am sala' ka ginio ayuk, kaa' tanou intor ra pangintapatan min ri Aki Kapuuno' nakasuku' noyo ra ati-ati ayuk intok, saboi akai kalo pana boo mindagu intor raginio.

1 TISALONIKA 4:18

Ginio ra kaikango' noyo guang mino ra rondo' am bokon ra ragu ragitio.

2 TISALONIKA 3:15

Kaa' pai' karaa' ra ilo pantula', kaa' sawayo' ilo no koson pabukat min ra Kristian.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.

TITUS 3:6

Intor ra kinataau Nano, pinataak ri Aki Kapuuno' Ambiluo Nano mansail ri Jisus Kristus, Mamamayag takau.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

JAKUBUS 5:13

Amon ru mokoondo' intor ramuyun makakapaganan, moonsoi ru makiasi' io. Am osoi ayuk maansukan, moonsoi marimbai io mongompor ri Aki Kapuuno'.

1 JUANIS 2:14

Anak kau ngaangai', tulisin takamin sabap ra nakaulig kau ri Ama', io no i Aki Kapuuno'. Ama' kau ngaangai', tulisin takamin sabap ra nakaulig kau noyo ri Aki Kapuuno' ondo' soroi intor ra talimpuun i. Kamulakan kau ngaangai', tulisin takamin sabap ra akau maikang. Ragu ri Aki Kapuuno' soroi ra ralalom ru guang mino. Am naanggal min noyo Tingganai ru riwato.

1 JUANIS 2:24

Ginio boo ra pambalaan ondo' norongog mini intor ra talimpuun i, musiti' buliin min toojo ra guang. Amon ru gumuut kau ayuk ra pambalaan ondo' norongog mini, akau maayag masisimpung ra Anak am Ama'.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

2 JUANIS 1:2

Katapatan minayan ralalom ru guang takau am tumilayun io sumimpung ritakau ra sabuoi-buoi no.

PINAINTALANG 14:3

Giu' ra saang ru takhta, kaapat-apat ru ilo ondo' maayag am tingganai-tingganai no, minigor poyo 144,000 ngaulun no am marimbai ra rimbai nakabagu. Rimbai raginio kalo maalap kaigigila' ru osoi ayuk pana, kaa' maatus apat ngoopor am apat ngaribu ngaulun no ayuk sabap ra binayag ilo noyo ri Aki Kapuuno'.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.