KOLOSI 3:15 - Tanou Moonsoi Timugon

¹⁵ Pobobonsoi kano ra rondo' am bokon ralalom ra pasimpungan ulun Kristian, maya' ra pabansayan ondo' tinaakan ri Kristus ramuyun, sabap ra gitio noyo pampiawan ri Aki Kapuuno' ramuyun. Kasalok kano maringkuanang.

KOLOSI 3:15 ပူးပေါင်းရင်းမြစ်များ

MAZMUR 100:4

Subol no baya' ra kulobon ru garabang Nano liliwa' maringkuanang, ongoi no ra lisar ru Baloi Nano liliwa' mongompor. Paringkuanang no Riso am omporo' noyo Io.

MAZMUR 107:22

Musiti' no maringkuanang ilo Riso am mapataak ilo ra taak simbalui, am mapatanou ra binaal Nano ralalom ru rimbai-rimbai maansukan.

MAZMUR 116:17

Pataakon kuno Rirun taak simbalui ru paringkuanangan, liliwa' makiasi' Rirun.

MAZMUR 29:11

Kaikangon ru Tuhan ulun Nano, am barakaton No ilo ra ralalom ru kaansayan.

JISAYA 26:3

Okou, Tuhan, mangani' ra pababansayan am kaansukan ra ulun ondo' maikang guang, sabap ra mangintopot ilo Rirun.

JISAYA 27:5

Kaa' amon pantula' ru ulun Kuno makiampin Raki', polosoon ilo mobonsoi Raki'. Iou, polosoon ilo mobonsoi Raki'.”

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 57:19

Pababansayan pataakon Ku ra ngaangai' ulun, io pana mamaar kapoam maalur! Babason Ku ulun Kuno.

JUNUS 2:9

Kaa' marimbai aku ra rimbai pangamparan Rirun am pataakon ku taak simbalui kuno Rirun. Suguton ku ngaangai' bantu' kuno. Okou no Tuhan ondo' mamayag.”

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

ROMA 1:21

Kabalu' pana nakatutun ilo ri Aki Kapuuno', kalo mangurumat kapoam maringkuanang ilo Riso. Kaa' pamaguangan nilo kolondo' onong am guang nilo ra jajajou no liminondom.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 5:1

Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.

1 KORINTUS 10:17

Sabap ra rondo' ayuk ruti' no, itakau pana masauk ra rondo' inan, kabalu' pana itakau masuang, sabap ra itakau ngaangai' makapagagapu ra rondo' ruti'.

1 KORINTUS 7:15

Kaa' amon ru sangulun ondo' kalo mangintopot ri Aki Kapuuno' no moogot mangiruan ra andu' kapoam ralaki nano ra Kristian, pai' ilo no ingai'. Amon ru nasauk koson raginio, ralaki kapoam andu' ra Kristian no, pai' ilo jajali' masimpung, sabap ri Aki Kapuuno' galama' masaga' ramuyun maayag ra kaansayan.

2 KORINTUS 4:15

Ngaangai' kaimbalaan no masauk koson ra kaatangan min. Sabap raginio rumuang ulun ondo' makaapu ra kataawan ri Aki Kapuuno', ondo' mulu' poyo maringkuanang am mangurumat ilo ri Aki Kapuuno'.

2 KORINTUS 9:11

I Aki Kapuuno' mangani' ramuyun ra kaukapan suku' makapangani' kau ra ulun bokon, am koson raginio masuang ulun maringkuanang ri Aki Kapuuno' sabap ra ruit paindanganon ondo' tinaakan min mumbaya' ramon.

IPISUS 4:16

Maya' ra paningganayan Nano, moonong tayar ru inan mokoondo' noyo ra intok sigagama', am inan no matunggul toojo ru parangaban. Amon ru moonong tayar ti mambaal ra kandoi nano galama', ulun no sumukor boo, koson maikang takau boo ralalom ru togom.

IPISUS 4:4

Rondo' ayuk inan am rondo' ayuk Ambiluo ri Aki Kapuuno', mogondo' niayuk ra rondo' kalansanan mino ra akau piniau ri Aki Kapuuno'.

IPISUS 5:1

Tilu kano ri Aki Kapuuno' sabap ra akau noyo anak ondo' tagamin Nano.

IPISUS 5:20

Ra pasimpungan min ri Tuhan Jisus Kristus, kasalok kano maringkuanang ri Aki Kapuuno', Ama' takau, ra ngaangai' ru atan ayuk.

KOLOSI 1:12

Am mabaya' ra kaansukan, paringkuanang kano ri Aki Kapuuno', Ama' takau, ondo' nampasauk ramuyun makatayar intor ra pinongo Nano ra ulun ondo' mangintopot Riso, giu' ra ralalom ru pamarintaan ondo' natikop ra sinda Nano.

KOLOSI 2:7

Polosoo' Io no sumauk ra puun ru kaayagan min. Pangintapatan mino Riso ondo' koson ra puun nano mulu' poyo ikang no sumugut ra atan ondo' inila' ramuyun i. Kasalok kano mongongompor mabaya' ra ragu paringkuanangan.

KOLOSI 3:17

Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.

1 TISALONIKA 5:18

Paringkuanang kau ayuk ra ngaangai' ondo' matuum min, sabap raginio noyo kasagaan ri Aki Kapuuno' ramuyun koson ra ulun ondo' sumimpung ri Kristus Jisus.

1 TIMOTIUS 2:1

Pagulu, kitaakon ku toojo ra pakitaakan, pakiasian, pambarakatan ra ulun bokon am paringkuanangan posoboyon min ri Aki Kapuuno' ra ngaangai' ulun;

1 TIMOTIUS 6:12

Gogot no gumagaya' ri Kristus ra sotopot-topot ru guang suku' moowot mu kaayagan mantilayun. Sabap raginio noyo nampiawan ri Aki Kapuuno' rirun paat ra okou nangiou ra mangintopot kou no ri Jisus Kristus ra saang ru masuang sasi'.

IBRANI 13:15

Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

PINAINTALANG 7:12

konilo, “Amin! Koompor noyo kapintaran, paringkuanangan, urumat, kuasa' am ikang Muno, i Aki Kapuuno' takau ra sabuoi-buoi no! Amin!”