KOLOSI 3:11 - Tanou Moonsoi Timugon

¹¹ Koson boo raginio, kalo boo maatang mangkara' osoi ulun ru Jaudi kapoam osoi sala' ka ulun ru Jaudi; osoi nasunatan kapoam kalo; osoi bansa' ra bokon kapoam osoi bansa' ra kolondo' guang; am poyo osoi ulipon kapoam kalo. Kaa' ondo' maatang am i Kristus, sabap ra Io puun ru ngaangai' no am sumimpung Io ra ngaangai'.

KOLOSI 3:11 ပူးပေါင်းရင်းမြစ်များ

MAZMUR 117:2

Togom Nano ritakau mapiot toojo, gagaya' Nano mantilayun! Omporo' noyo Tuhan!

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

JISAYA 52:10

Tuhan mapakito ra kuasa' Nano ra saang ru mato ru nansalinut bansa'. Titikop ru tana' pana makainono' ra pamayagan intor ri Aki Kapuuno' takau.

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

YEHEZKIEL 47:22

Tana' no longgom min ra sabubuoi no. Ulun bansa' ru bokon ondo' minayan ra gino ngai' min, ondo' naganak ra anak-anak giti ra pagun ti niayuk musiti' mangapu ra tayar paat tayaron min tana' no. Pamakuan risilo musiti' koson ra ulun mamagun ra pagun ru Israil, am musiti' mangundi' koson makaalap ra tayar ru tana' nilo mababaya' ra bansa' ru Israil ra bokon.

AMOS 9:12

Ulun ru Israil manguasa' ra tayar ru pagun Idom ondo' kalo najajou, am ngaangai' ru pagun ondo' igondo' nasauk ra longgom Kuno.” Gini noyo ragu ru Tuhan ondo' manugut ra baal raginio.

MIKA 4:2

am konilo, “Ibok no magaloi takau ra bulur ru Tuhan, mongoi ra Baloi ru Tuhan, i Aki Kapuuno' ru Israil. Mangila' Io ra kasagaan Nano ondo' musiti' baalon takau; maya' takau ra ralan ondo' pinili' Nano, sabap ra pangilaan ru Tuhan i minatong intor ra Jirusalim; intor ra Sion minindagu Io ra ngaangai' ulun Nano.”

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

JUANIS 14:23

Taam i Jisus, “Osoi ayuk motogom Raki', sumugut io ra ragu Kuno. Tagamin io ru Ama' Kuno am matong Akai ruo sumimpung ra ulun no.

JUANIS 15:5

Aku noyo puun ru anggur am akau noyo pango. Osoi ayuk rumondon Raki', am Aku rumondon riso, makapangkawa' io ra maawas; kaa' amon ru kalo mangindangan Aku ramuyun, kalo makapambaal kau ra atan ayuk pana.

JUANIS 17:23

Aku masimpung risilo am Okou masimpung Raki'; maa' raginio totopot ilo rondo' guang. Makatutun boo ulun ru tana' ti ra Okou no nanusub Raki' am motogom Kou risilo nogondo' ra Okou motogom Raki'.

RINALATAN 15:17

koson ngaangai' ulun ra bokon maguyum Raki', ulun sala' ka Jaudi niayuk ondo' piniau Kuno masauk ra ulun Kuno.

RINALATAN 28:2

Mamagun ra intok ti mongoonsoi ngaangai' ramon. Nangkimait ilo ramon makararang ra apui, sabap ra timinalimpuun noyo rumasam am angin niayuk sumoyob masimu'.

RINALATAN 28:4

Pakakito namagun ra pulu' no ra kukuo i nakatayung ayuk ra kalindu' ri Paulus, pansusunur ilo ra rondo' am bokon, “Maaru' ulun ti sangulun mamamatoi, sabap ra kabalu' pana binayag io noyo intor ra raat, kaa' kalo lair polosoon io maayag ru Dewi Katimpakan.”

ROMA 1:14

Musiti' aku mampabala' ra Tanou Moonsoi ra ngaangai' bansa': ilo ondo' makasopan am niayuk ondo' kolondo' sopan, am ilo ondo' nakasikul am niayuk ondo' kolondo' sikul.

ROMA 10:12

Sabap raino mogondo' ayuk ralan mamayag ra ulun ru Jaudi kapoam sala' ka Jaudi; i Aki Kapuuno' rondo' ayuk am Io no Tuhan ru ngaangai' am mauli' barakat Nano risilo ondo' makiindangan Riso.

ROMA 3:22

Ralalom pangintapatan ri Jisus Kristus ayuk ulun mobonsoi saguli' ri Aki Kapuuno'. Ginio saukon ra ulun ru Jaudi am poyo sala' ka Jaudi sabap ri Aki Kapuuno' kalo mampili' ra ulun.

ROMA 3:29

Ginio ra i Aki Kapuuno' intopoton ru ulun ru Jaudi ayuk kia? Maaru' kalo! Intopoton Io niayuk ru ulun sala' ka Jaudi.

1 KORINTUS 12:13

Koson niayuk ritakau ngaangai': ulun ru Jaudi kapoam sala' ka Jaudi, ulipon kapoam sala' ka ulipon; riniu' takau ngaangai' masauk ra rondo' inan ri Kristus ralalom ru Ambiluo ri Aki Kapuuno'. Itakau ngaangai' inanian ra Ambiluo raginio ondo' rondo' ayuk.

1 KORINTUS 14:11

Ginio ra amon ru kalo makarati' aku ra ragu ru sasangulun, pangkaraan ku io ulun bansa' ru bokon; am mogondo' niayuk pangkaraan nano intor raki'.

1 KORINTUS 7:19

Sabap ra makasunat kapoam kalo, ginio kalo maatang ri Aki Kapuuno'. Ondo' ayuk maatang am gumagaya' ra susuban Nano.

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

IPISUS 1:23

Pasimpungan ulun Kristian ti noyo inan ri Kristus, ioginio kaukapan ri Kristus ondo' galama' mampaukop ra ngaangai' ra ati-ati ayuk.

IPISUS 2:14

Sabap ri Kristus noyo ondo' magibit ra pabansayan takau. Io po nampasimpung ra ulun ru Jaudi am ulun sala' ka Jaudi ra rondo' bansa'. Am ra kapatayan Nano nangiru' Io ra pinongompong ondo' nampasuai am nangkinibit risilo nantutula'.

IPISUS 2:15

Ioginio, pinuso No ngaangai' kaulayan am panusuban ru Ukum ri Musa, am ra pasimpungan nilo ri Kristus ruo bansa' ti simpungon No rondo' bansa' makabagu. Am gitio noyo magibit risilo ra pabansayan.

IPISUS 3:17

am koson ra i Kristus rumondon ra guang min mansail ra pangintapatan. Am makiasi' aku poyo koson togom Nano masauk ra puun ru paliso mino,

IPISUS 3:6

Gitio io ti: Sabap ra Tanou Moonsoi no, ulun sala' ka Jaudi pana mokoowot ra barakat ri Aki Kapuuno' mabaya' ra ulun ru Jaudi. Ilo karuo ti masauk koson ra rondo' inan, koson ulun sala' ka Jaudi pana mokoowot ondo' binantu' ri Aki Kapuuno' mansail ra pasimpungan nilo ri Jisus Kristus.

IPISUS 6:8

Karaa' min noyo ra moonong ulun, iou pana ulipon kapoam kalo, mokoowot ilo niayuk ra ampos intor ra Tuhan sumugut ra atan ondo' baalon nilo ra moonsoi.

KOLOSI 2:10

Mokoondo' kano ra kaayagan motopot sabap ra pasimpungan min ri Kristus, ondo' maayo kaga' kuasa' intor ra ngaangai' ru mangunguasa' am mamarinta no.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

2 JUANIS 1:9

Osoi ondo' kalo gumagaya' ra pangilaan ri Jisus Kristus am tumalansiang ra nangilaan Nano, ulun raginio kalo nakaulig ri Aki Kapuuno' am i Aki Kapuuno' sala' ka io tatangan. Osoi ondo' lumayun ayuk ra nangilaan ri Jisus Kristus, arati' no, i Aki Kapuuno' am niayuk i Jisus Kristus io tatangan.