KOLOSI 3:10 - Tanou Moonsoi Timugon

¹⁰ Raino inanian kau ra kaayagan bagu. Akau noyo ulun bagu ondo' masalok talimbaguin ri Aki Kapuuno' koson makatilu ra paliso Nano. Arati' no makaintutun kau bagu toojo ri Aki Kapuuno'.

KOLOSI 3:10 ပူးပေါင်းရင်းမြစ်များ

KASAUKAN 5:1

Gitio noyo papag ri Adam. (Paat ri Aki Kapuuno' napasauk ra ulun, sinauk No ilo koson Riso galama'.

AYUP 29:14

Timbalos kutu mabanis ra kolondo' jamar; masalok ku paundukon katimpakan.

MAZMUR 51:10

Polosoo' aku mangkirongog ra bolos kasagaan am kaansukan, maa' raginio guang kuno ra tutukon am umokon Muno, maansukan saguli'.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

JISAYA 59:17

Katimpakan pakayon Nano koson ra bayang basi' am pamayagan koson ra tupi' basi'. Gogoton Nano koson manapuli' ra baal raginio am balasin kalo katimpakan.

YEHEZKIEL 11:19

Aniin Ku ilo ra guang am pangkaraan ondo' bagu. Aligin Ku guang nilo ondo' mokotog koson ra batu, ra guang ondo' gumagaya'.

YEHEZKIEL 18:31

Tatango' ngaangai' kalaatan ondo' baalon min, am polosoo' pangkaraan am guang min masauk ra baguon. Kua kia ramuyun, ulun ru Israil masaga' ra matoi?

YEHEZKIEL 36:26

Aniin Takamin ra guang am pangkaraan ondo' bagu. Aligin Ku guang mino ondo' mokotog ra guang ondo' gumagaya'.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

ROMA 13:12

Baal nano koson ra rondom ondo' maar noyo tumawang. Intor raginio iruani' takau noyo baal ra mangalaat ondo' baalon paat ra molondom, am baalo' takau noyo baal ra mongoonsoi, ioginio koson kinandoi mangayou takau ra matawang.

ROMA 13:14

Kaa' polosoo' noyo Tuhan Jisus Kristus maningganai ramuyun, am pai' min gagayaa' paliso min galama', ioginio mamasug ra kasagaan ru guang makatula.

ROMA 6:4

Paat ra itakau riniu', ginio noyo koson ra itakau pana linobong mabaya' Riso am magapu ra pinatayan Nali. Maa' raginio, mogondo' ri Kristus binayag intor ra kapatayan ralalom ru kuasa' matulai ri Ama', koson niayuk itakau makaili' ra kaayagan bagu.

ROMA 8:29

Ilo ondo' pinili' noyo ri Aki Kapuuno', inaru' niayuk intor ra talimpuun i masauk koson ra Anak Nano, i Jisus Kristus, am koson raginio Anak Nano masauk ra katuaan ru masuang pabukat.

2 KORINTUS 3:18

Raino bulos takau ngai' kalo nasilian am mapatampulau takau boo ra sinda ru katulayan ru Tuhan. Sinda ru katulayan raginio niayuk ondo' mangulau ritakau masauk nogondo' Riso, koson buoi-kabuoi gumaai sinda ru katulayan takau. Ngaangai' ti intor noyo ra Ambiluo ru Tuhan.

2 KORINTUS 4:16

Ginio sabap ra akai kalo malawo guang. Kabalu' pana inan maiti mapuso, kaa' guang mai talimbaguin ra moonong orou.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

2 KORINTUS 5:17

Paat ra sangulun masimpung ri Kristus, masauk io ra ulun baguon; ondo' lairon i napuso, malit boo baguon.

GALATIA 3:27

Sabap ra osoi ayuk ondo' riniu' am pinasimpung ri Kristus, io niayuk mokoondo' ra paliso ri Kristus galama'.

GALATIA 6:15

Kaulayan ru sunatin kapoam kalo, ginio kalo maatang. Kaa' ondo' maatang am makakaayagan bagu.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

IPISUS 2:15

Ioginio, pinuso No ngaangai' kaulayan am panusuban ru Ukum ri Musa, am ra pasimpungan nilo ri Kristus ruo bansa' ti simpungon No rondo' bansa' makabagu. Am gitio noyo magibit risilo ra pabansayan.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

KOLOSI 3:14

Kaa' ondo' maatang intor ra ngaangai' ru gitio io no togom, sabap ra gitio noyo ondo' mampasimpung ramuyun ngaangai' masauk rondo' guang.

PILIMON 1:6

Makiasi' aku gama' ru pabukatan takau koson ra ulun mangintopot ri Kristus, manangampos ra makatutun kou ra ngaangai' barakat ondo' noowot takau intor ra nasisimpungan takau ri Jisus Kristus.

IBRANI 6:6

Amon ru nakaili' ilo ngaangai' raginio, bagu liminugut ilo intor ri Kristus, kalo boo lair makatalikur ilo saguli', sabap ragitio koson ayuk ra manalip ilo poyo saguli' ra Anak ri Aki Kapuuno' saboi asabin nilo Io ra saang ru ulun masuang.

1 JUANIS 2:3

Amon ru gumagaya' takau ra ngaangai' susuban ri Aki Kapuuno', ginio tatandu' ra itakau ti nakaulig ri Aki Kapuuno'.

1 JUANIS 2:5

Kaa' ulun ondo' gumagaya' ra Ragu ri Aki Kapuuno', ulun no motogom ri Aki Kapuuno' ra matanda'. Ginio noyo tatandu' ra itakau maayag sumimpung ri Aki Kapuuno'.

PINAINTALANG 21:5

Indagu boo Io ondo' manturung ra takhta no, “Raino baalon Ku ngaangai' no ra baguon.” Indagu Io niayuk raki', “Tulisi' noyo gitio, sabap ra ragu Kuti motopot am malansanan.”