KOLOSI 2:8 - Tanou Moonsoi Timugon

⁸ Ginio nga ra ilalai' min, maa' raginio kolondo' sangulun pana mamparuung ramuyun ra pangilaan ru ulun ondo' abau no ayuk am kolondo' onong, sabap ra mampakalayau ayuk ginio. Sala' ka i Jisus Kristus intor ru gitio, kaa' binaal ayuk ru ulun kapoam rondo' pangilaan ru kaulayan ayuk.

KOLOSI 2:8 ပူးပေါင်းရင်းမြစ်များ

RIMBAI PANGAMPARAN 2:15

Rokopo' noyo rubah-rubah ondo' boborok no, rubah-rubah ondo' manginjang ra umo ru anggur, sabap ra puun ru anggur takano mambubusak.

JIRIMIA 29:8

Aku Tuhan, i Aki Kapuuno' ru Israil, nampakara' ramuyun maa' raginio kalo mokoloso inan ruungon ru nabi-nabi ondo' minayan ra tatanga' min kapoam ru osoi pana ondo' minindagu ra makapanala' ilo ra orou matong. Pai' lioo' inupi nilo.

MATIUS 10:17

Ilalai' min, sabap ra mokoondo' ulun mamparakop am magibit ramuyun giu' ra makama, am loposon kau giu' ra baloi sambayangan nilo.

MATIUS 16:6

Indagu i Jisus risilo, “Tataani' am ilalai' min ragi ru ulun ru Parisi am ulun ru Saduki.”

MATIUS 7:15

“Ilalai' min ulun-ulun ondo' migiangku ra nabi. Rumatong ilo ramuyun tumilu ra domba, kaa' sotopot no ilo ti koson ra taani masangit.

RINALATAN 17:18

Mokoondo' mangingila' ra pangilaan ru Ipikuros am Stoikos nakimantaam riso, konilo, “Atan nua' raguon ru naupa' ti?” Kaa' bokon i poyo minindagu, “Mampatanou io po lair intor ra dewa ru ulun bansa' ru bokon.” Rinagu nilo ginio sabap ra nambala' i Paulus ra i Jisus ti naayag saguli' intor ra kapatayan.

RINALATAN 17:32

Paat ra ilo nakaining ri Paulus minindagu ra ulun matoi maayag saguli' intor ra kapatayan, kuriti' io boo ru kukula' ngaulun. Kaa' mokoondo' niayuk minindagu ra, “Masaga' akai mangkirongog poyo raginio.”

ROMA 16:17

Pabukat kau ngaangai', kitaakon takamin toojo, pagilalai' noyo ilo ondo' mampatuliar am mampalingou ra pangintapatan ru ulun Kristian. Pangilaan nilo kalo mogondo' ra nangilaan ramuyun i. Ginio ra inggalur kano risilo!

1 KORINTUS 10:12

Pagilalai' noyo ulun ondo' indos no maikang pangintapatan nano maa' raginio kalo boo maratu' io.

1 KORINTUS 8:9

Kaa' ilalai'! Pai' polosoo' kaluagan mino mambaal ra atan-atan mangkinibit ra ulun malawo pangintapatan mambaal poyo ra tula.

2 KORINTUS 10:5

am mamuso ra ngaangai' sasaban ondo' manginga' ra ulun kalo makaulig ri Aki Kapuuno'. Kulawon mai guang ru ulun, maa' raginio gumagaya' ilo boo ri Kristus.

GALATIA 1:14

Intor ra pinantuu' kuno ra ulun ru Jaudi, aku noyo ondo' mirot toojo mampagagaya' ra ugama Jaudi am niayuk kaulayan ru kinamatuaan maili.

GALATIA 4:3

Koson niayuk ritakau ra galing i, buoi itakau kalo poyo nasukor, inulipon takau ru riwato ondo' nanguasa' ra tana' ti.

GALATIA 4:9

Kaa' raino nakaulig kano ri Aki Kapuuno', kapoam matanda' poyo raguon ra i Aki Kapuuno' nakaulig ramuyun. Kua saguli' kau poyo ra tuhan-tuhan ondo' kalo maikang am niayuk kolondo' onong? Kua guat kasaga' kau makiulipon poyo risilo?

GALATIA 5:15

Amon ru malaat kau saboi mamparuol ra rondo' am bokon, ilalai' min, amon ru kalo, makapabaya' kau ngaangai' mapuso.

IPISUS 2:2

Paat ragili minaya' kau ayuk ra paliso malaat ru ulun ru tana' ti. Giminagaya' kau ra tingganai ru mangunguasa' ra limbowon, am raino pana manguasa' ra ulun ondo' minanggal ri Aki Kapuuno'.

IPISUS 4:20

Kaa' i Kristus ondo' nauligan min, sala' ka koson raginio.

IPISUS 5:6

Pai' min polosoo' sangulun pana mamparuung ramuyun ra abau. Sabap ra paliso ragitio noyo mampakasalula' ra sangit ri Aki Kapuuno' ra ulun ondo' kalo gumagaya' Riso.

SAGULION 6:12

pagilalain maa' raginio kalo malilianan min Tuhan ondo' nagibit ramuyun miningkual intor ra Misir, intok min inulipon ragili.

PILIPI 3:2

Koson ilalain min uku' masangit no, pagilalai' min poyo ulun-ulun ondo' mampakalayau ayuk, ondo' lakat ayuk poyo mampajajou ra ulun sunatin, koson ra tatandu' ilo ti toojo makaulig ri Aki Kapuuno'.

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

KOLOSI 2:20

Minatoi kano tupo mabaya' ri Kristus am pinalabus kano intor ra kalaatan ru tana' ti ondo' mangunguasa' ra ulun. Ginio nai ra pai' kano kaayag koson ayuk ra ulun ondo' lakat ayuk poyo kinuasa' ru gitio.

KOLOSI 2:22

Sotopot no ngaangai' aturan am pangilaan ti makapakuan ra ulun kaa' pai' ru pantilayunon sabap ra binaal ayuk ru ulun.

KOLOSI 2:23

Motopot ra pangilaan ti ilain ayuk ra moonsoi, koson mampajajal ra ulun sumamba ra malaikat, migiangku minggana' guang am migimbolo'. Kaa' sotopot no ngaangai' ru gitio kolondo' onong mongorot ra kasagaan malaat ru guang galama'.

1 TIMOTIUS 6:20

Timotius, rayuso' poyo kandoi ondo' pinalansan noyo rirun. Inggaluri' noyo pantataaman ra kolondo' onong am ondo' magasab ri Aki Kapuuno', pagagansangan ondo' piawon rokoon “Kapandayan”, kaa' sotopot no kalo.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

IBRANI 13:9

Pai' kano karuung ra nansalinut pangilaan ondo' mampakalayau, kaa' musiti' mangapu takau ra kataawan ri Aki Kapuuno', maa' raginio kaikangon guang takau Riso. Pai' takano boo baya' ra kaulayan intor ra atan kia maakan kapoam kalo, sabap raginio kalo noyo nakapangindangan risilo ondo' sumugut raginio.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

1 PITRUS 1:18

Nakapandai kano ra logo ondo' binayaran nampalabus ramuyun intor ra kaulayan ra kolondo' onong ondo' sinugul min intor ra kinamatuaan min i. Pai' ru koson ra pirok kapoam mas ra maalap kalunsai no ondo' nakapampalabus ramuyun;

2 PITRUS 3:17

Pabukat kau ngai' ondo' tagamin ku, nakapandai kano kalalair ra baal ragitio, ginio ra pagilalai' min. Pai' kau makinibitan ru kalayawan ru ulun malaat, saboi tatangon min boo pangintapatan min ra maikang no.

2 JUANIS 1:8

Ginio ra ilalai' min! Maa' raginio kalo matatakan kau ra atan ondo' kinandoi maili ramuyun, kaa' makaalap kau ra atan ondo' taakin ri Aki Kapuuno' ramuyun.