KOLOSI 2:7 - Tanou Moonsoi Timugon

⁷ Polosoo' Io no sumauk ra puun ru kaayagan min. Pangintapatan mino Riso ondo' koson ra puun nano mulu' poyo ikang no sumugut ra atan ondo' inila' ramuyun i. Kasalok kano mongongompor mabaya' ra ragu paringkuanangan.

KOLOSI 2:7 ပူးပေါင်းရင်းမြစ်များ

MAZMUR 1:3

Makaampos ilo ra atan ayuk kondoyon; ilo koson ra tatanom ondo' tinanom ra kiing ru sungoi ondo' mangkawa' maya' ra bulintok nano, am raun nano kalo lumonot.

MAZMUR 92:13

Ulun mabanis guang lumangkaya' koson ra puun ru palma; maikang ilo koson ra puun ru sidar giu' ra Libanon.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JIRIMIA 17:8

Koson io ra puun tataun ondo' tumuu' giu' ra kiing ru sungoi ondo' kalo tumilis; bakat no gumawar saboi ra timug. Bulintok malasu' kalo malaa' io, sabap ra raun-raun nano masalok masansam; kabalu' pana malumpa' pagun ra tampio, kolondo' pagalabaan nano, sabap ra masalok io mangkawa'.

LUKAS 6:48

Io no koson ra sangulun manambaloi. Kolondomo' no kali no ra luang am patirongo' toojo lugu' no ra batu. Paat ra mampaliur, kalo matungkob baloi ti sabap ra inindon am piniot toojo.

ROMA 16:25

Omporo' noyo i Aki Kapuuno'! Makakuasa' Io mampaikang ra pangintapatan mino sumugut ra Tanou Moonsoi intor ri Jisus Kristus ondo' pinabala' kuno ramuyun. Ginio potonowon kuno sumugut ra ondo' pinaintalang noyo ri Aki Kapuuno' raki', ioginio katapatan ondo' kalo igondo' pinabala' intor ra galing i.

1 KORINTUS 1:8

Io noyo galama' mampaikang ramuyun saboi ra orou pupus, maa' raginio akau kalo mauwan ra makasala ra orou ratangan Nano.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

2 KORINTUS 1:21

I Aki Kapuuno' galama' mampaikang ramon, mababaya' ramuyun, sumimpung ri Kristus; Io niayuk nampili' ritakau ra Io no tatangan.

IPISUS 3:17

am koson ra i Kristus rumondon ra guang min mansail ra pangintapatan. Am makiasi' aku poyo koson togom Nano masauk ra puun ru paliso mino,

IPISUS 4:21

Naining min noyo Io, am koson ra maamaya' Nano, inila' kano ra katapatan ri Jisus.

IPISUS 5:20

Ra pasimpungan min ri Tuhan Jisus Kristus, kasalok kano maringkuanang ri Aki Kapuuno', Ama' takau, ra ngaangai' ru atan ayuk.

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

KOLOSI 3:17

Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.

1 TISALONIKA 5:18

Paringkuanang kau ayuk ra ngaangai' ondo' matuum min, sabap raginio noyo kasagaan ri Aki Kapuuno' ramuyun koson ra ulun ondo' sumimpung ri Kristus Jisus.

2 TISALONIKA 2:17

mampakatasu' am mampaikang ra guang mino. Maa' raginio makapambaal am makapampatanou kau boo ra atan ondo' moonsoi.

IBRANI 13:15

Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

IBRANI 13:9

Pai' kano karuung ra nansalinut pangilaan ondo' mampakalayau, kaa' musiti' mangapu takau ra kataawan ri Aki Kapuuno', maa' raginio kaikangon guang takau Riso. Pai' takano boo baya' ra kaulayan intor ra atan kia maakan kapoam kalo, sabap raginio kalo noyo nakapangindangan risilo ondo' sumugut raginio.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

JUDAS 1:12

Paat ra pagakanan min ra Kristian, moroot ilo am mampakaatang ra kasagaan galama' ayuk. Ilo ti koson ra gaun ondo' siabin ayuk ru bagiu', kaa' kalo niayuk mamparasam. Mogondo' ilo niayuk ra puun tataun ondo' kalo mangkawa' paat ra pangkawaan nano. Koson ilo ra puun tataun ondo' binubul noyo ra bakat nano pana – minatoi boo toojo.

JUDAS 1:20

Kaa' koson ramuyun, pabukat kau ngai', kaikango' ayuk pangintapatan mino ri Jisus Kristus, ondo' gitio noyo rondo'-rondo' ayuk matulai. Pakiasi' kano ralalom kuasa' ru Ambiluo ri Aki Kapuuno'.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,