KOLOSI 2:19 - Tanou Moonsoi Timugon

¹⁹ Ilo kalo boo mampaguut ra pangilaan motopot ra osoi i Kristus. I Kristus noyo ondo' maningganai ra inan, ioginio pasimpungan ulun Kristian, am maya' ra paningganayan nano, ilo pogondoon guang am mulu' poyo kaayagan nilo tumilu ra kasagaan ri Aki Kapuuno'. Gitio mogondo' ra inan takati ondo' tingganayon ru ulu am pasimpungon ru parangaban, tumuu'.

KOLOSI 2:19 ပူးပေါင်းရင်းမြစ်များ

LUKAS 5:38

Kaa' wain baguon no maaru' lingigon ralalom kantungan baguon niayuk.

JUANIS 17:21

Ama', makiasi' Aku gama' ru ilo ngaangai' rondo' guang. Koson Okou masimpung Raki', am Aku masimpung Rirun. Gama' ru masimpung ilo Rito, maa' raginio mangintopot boo ulun ru tana' ti ra Okou noyo nanusub Raki'.

RINALATAN 4:32

Ngaangai' maamaya' ri Jisus toojo rondo' guang. Kolondo' sangulun pana intor risilo nangkara' am nangangku ra kuliamos nano galama', kaa' nagagapu ilo ra kuliamos.

ROMA 11:17

Ginio ra kukula' raan intor ra puun jaitun tinanom indaanin am raan intor ra puun jaitun lumayau pangkapiton pamalit ra inindaanan no. Akau, ulun sala' ka Jaudi, koson ra raan ru puun jaitun lumayau ondo' makasia' ra barakat ru kaayagan ru ulun ru Jaudi.

1 KORINTUS 1:10

Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

1 KORINTUS 11:3

Kaa' masaga' aku ra akau makarati' ra i Kristus noyo maningganai ra moonong ungkuyon, ralaki maningganai ra andu', am i Aki Kapuuno' no maningganai ri Kristus.

1 KORINTUS 3:6

Aku mantanom am i Apolos manguas, kaa' i Aki Kapuuno' galama' mapatuu' ra tatanom no.

IPISUS 1:22

Pinatinduku' noyo ri Aki Kapuuno' ngaangai' no ra saang ri Kristus, am pinasauk Io ra tingganai ru pasimpungan ulun Kristian ralalom ngaangai' baal ru kaayagan nilo sigagama'.

IPISUS 1:23

Pasimpungan ulun Kristian ti noyo inan ri Kristus, ioginio kaukapan ri Kristus ondo' galama' mampaukop ra ngaangai' ra ati-ati ayuk.

IPISUS 2:21

Io no mampasauk ra ngaangai' ulun no koson ra rondo' baloi am ginio masauk ra sambayangan ondo' matulai ra Tuhan.

IPISUS 4:3

Pirot kano pagalung ra pasimpungan mino, ondo' tinaakan ru Ambiluo ri Aki Kapuuno', ralalom pabansayan ondo' mampasimpung ramuyun.

IPISUS 5:29

Kolondo' sangulun pana masisang ra inan nano galama', kaa' paikangon am alungin no toojo, koson niayuk i Kristus magalung toojo ra pasimpungan ulun Kristian no.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

KOLOSI 1:18

Io no maningganai ra inan, ioginio pasimpungan ulun Kristian, am Io poyo puun ru kaayagan bagu nilono. Io po Anak Langkuir ri Aki Kapuuno' ondo' binayag saguli' intor ra kapatayan, koson nampasauk Riso ra maatang intor ra ngaangai'.

KOLOSI 2:2

Bagu raginio, guang nilai ti baani am mokopontogom ilo ra rondo' am bokon am niayuk makakalansanan ilo toojo sabap ra makakaintutunan ilo ra katapatan. Ginio am makaulig ilo poyo ra ondo' kalo igondo' pinabala' ri Aki Kapuuno', ioginio i Kristus galama'.

1 TISALONIKA 3:12

Gama' ru Tuhan mangindangan ramuyun topot-topot motogom ra rondo' am bokon am niayuk ra ngaangai' ulun, saboi kinotogom min rumuang mogondo' ra kinotogom mai ramuyun.

1 TISALONIKA 4:10

Am ginio pinakito min noyo ra ulun-ulun Kristian ra tikop-tikop ru pagun Makidonia. Kaa' pabukat ku ngai', kitaakon takamin mirot poyo toojo mapabansuk ra guang ri Aki Kapuuno'.

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.