KOLOSI 2:17 - Tanou Moonsoi Timugon

¹⁷ Ngaangai' aturan no kalo boo pana suguton takau sabap ra nakasimpung takano ri Kristus.

KOLOSI 2:17 ပူးပေါင်းရင်းမြစ်များ

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

IBRANI 10:1

Ukum ri Musa no koson ra babara' ayuk ru baal giu' ra suruga', kapoam asilan ayuk ru barakat moonsoi ondo' matong ra tauli no. Gumagaya' ra ukum raginio kalo makapangindangan ra ulun ondo' matong ri Aki Kapuuno' masauk ra matanda', kabalu' pana moonong bilor ruli'-ruli' ilo magibit ra taak simbalui.

IBRANI 8:5

Kaa' kandoi nilai sotopot no koson ra asilan kapoam babara' ayuk am ginio tumilu ondo' baalon giu' ra suruga'. Mogondo' ra galing i, paat ri Musa nambaal ra Kim Sambayangan i, binalaan io ri Aki Kapuuno', kon Nano: “Karaa' noyo gitio. Baalo' noyo ngaangai' no sumugut ra tiluan ondo' pinatalang rirun giu' ra gunung i.”

IBRANI 9:9

Ngaangai' raginio rondo' tatandu' ra atan baalon ri Kristus paat ra raino ti. Atan ayuk taak kapoam taak-taak simbalui ondo' pinataakan ri Aki Kapuuno', kalo noyo nampakatanda' ra guang ru ulun.