KOLOSI 2:11 - Tanou Moonsoi Timugon

¹¹ Paat ra akau siminimpung ri Kristus, ginio koson ra kaulayan ru sunat, ioginio tula mino iniru' noyo. Gitio binaal Nano koson mampalabus ramuyun intor ra kinibit ru kuasa' ru tula mino.

KOLOSI 2:11 ပူးပေါင်းရင်းမြစ်များ

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

MARKUS 14:58

Konilo, “Nokorongog akai ra ulun ti minindagu, ‘Lunsayon Ku Baloi Tuhan ondo' binaal ru ulun, am mopongo talu ngoorou, baalon Ku sagulio' Baloi Tuhan ra bokon ondo' sala' ka baalon ru ulun.’ ”

LUKAS 2:21

Balu' ngoorou noyo buoi lalagang i, sunati' nilo am inggalani' nilo Io ri Jisus. Gitio pinainggalan ru malaikat i Riso ra Io kalo poyo tininai' ru ina' Nali.

RINALATAN 17:24

I Aki Kapuuno' noyo ondo' namingkal ra tana' ti am suang nano. Io niayuk Tuhan ru limbowon am tana'. Kaa' kalo niayuk mayan Io ra sambayangan ondo' binaal ru ulun.

RINALATAN 7:48

“Kaa' i Aki Kapuuno' Ondo' Masawat Kaga' kalo mayan ralalom baloi ondo' baalon ru ulun, sabap ra kon noyo ru Kitab ru Nabi,

ROMA 2:29

Kaa', ulun ondo' sotopot no ulun ru Jaudi, ioginio ulun ondo' guang nano nakai' ra ulun ru Jaudi. Sunat ra sotopot no, ioginio guang ondo' kinulau ru Ambiluo ri Aki Kapuuno', am sala' ka ondo' tinulisan ra Ukum no. Am poyo sala' ka ulun, kaa' i Aki Kapuuno' galama', ondo' mongompor ra ulun koson raginio.

ROMA 6:6

Mapandayan takano ra kiralan ru kaayagan lair takau pinuso noyo paat ri Kristus pinatoi giu' ra salip, koson kuasa' ru paliso takau ondo' makatula no pusoon. Maa' raginio, kalo boo uliponon takau ru tula.

ROMA 7:24

Koson ragitio kaayagan kutu: Ralalom ru guang kuno masaga' aku gumagaya' ra ukum ri Aki Kapuuno', kaa' paliso kuno ra ulun kinuasa' ru tula. Aku noyo koson ra ulun inibatan! Osoi kia makapamayag raki' intor ra inan ti ondo' mangkinibit raki' ra kapatayan? Paringkuanangan ri Aki Kapuuno'; sabap ra ralalom inggalan ri Jisus Kristus mamayag Io raki'.

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

2 KORINTUS 5:17

Paat ra sangulun masimpung ri Kristus, masauk io ra ulun baguon; ondo' lairon i napuso, malit boo baguon.

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

GALATIA 5:24

Am ondo' maamaya' ri Kristus Jisus, koson nasalip nilo noyo guang malaat nilai mabaya' ra ngaangai' ru kasagaan am ondo' gogoton ru guang.

IPISUS 4:22

Sabap raginio, iruo' min noyo kaayagan ra nakalair i ondo' nangkinibit ramuyun ragili – ioginio kasagaan nakalair ondo' namuso ra paliso am nampalayau ramuyun i.

SAGULION 10:16

Ginio ra intor raino, gagaya' noyo ra Tuhan am pai' boo bambalingatan.

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

IBRANI 9:11

Kaa' i Kristus nakaratong noyo koson ra Tingganai Maayo Imam am nangindangan ra ulun ra minumpos Io ra kim giu' ra suruga', ondo' gitio matulai am moonsoi poyo intor ra ondo' binaal ru ulun ragili.

IBRANI 9:24

Ginio sabap ri Kristus kalo minumpos ra Intok Matulai binaal ru ulun ondo' tumilu ra Intok Matulai ra sotopot no. Kaa' minumpos Io ra suruga' am soroi Io ra giu' no raino koson makiindangan Io ri Aki Kapuuno' ritakau.