KOLOSI 1:8 - Tanou Moonsoi Timugon

⁸ Io ti niayuk ondo' nambala' ramon ra ati kulaan Ambiluo ri Aki Kapuuno' no magibit ramuyun mokopontotogom.

KOLOSI 1:8 ပူးပေါင်းရင်းမြစ်များ

MARKUS 4:22

Atan ayuk ondo' nakasibuni paintalangon, am atan ayuk ondo' nolopot bungkalaron.

ROMA 15:30

Pabukat kau ngaangai', kitaakon takamin toojo ralalom inggalan ru Tuhan takau i Jisus Kristus am ralalom ru togom tinaakan ru Ambiluo ri Aki Kapuuno', koson mababaya' takau mirot makiasi' ri Aki Kapuuno' ra bala kuno.

ROMA 5:5

Am kalansanan raginio kalo mangkinibit ritakau mangkaus, sabap ra nanaak noyo i Aki Kapuuno' ritakau ra Ambiluo Nano ondo' mampakito ritakau ra togom ri Aki Kapuuno'.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

KOLOSI 1:4

Sabap ra nakaining akai noyo ra ati kulaan pangintapatan min ri Jisus Kristus am togom min ra ngaangai' ulun ri Aki Kapuuno'.

2 TIMOTIUS 1:7

Sabap ra pai' ru Ambiluo ri Aki Kapuuno' magibit ra guang takau malaa', kaa' sotopot no mangani' io ritakau ra kaikangan, togom am kinataan ru guang.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.