KOLOSI 1:7 - Tanou Moonsoi Timugon

⁷ Inigigilaan min ragitio intor ra rangan mangangandoi mai i Ipapras, ondo' tagamin mai. Io sangulun mangngandoi ri Kristus ondo' sumugut toojo ra kandoi maatang maiti.

KOLOSI 1:7 ပူးပေါင်းရင်းမြစ်များ

UNTABAN 12:7

Kaa' kalo koson raginio ra ulipon Kuno i Musa; sinauk Ku noyo io ra tingganai ru ngaangai' ulun Kuno Israil.

MATIUS 18:29

Rangan nati pana igulatur boo am indagu, ‘Anii' aku poyo ra kaluagan. Bayarin ku ngaangai' ira' kuli.’

MATIUS 24:45

“Osoi kia ulipon ondo' gumagaya' am mapintar? Io noyo ulun ondo' paningganayon ru tuan nano am manusub mapaakan ra ulipon-ulipon ra bokon paat ra inaru' i.

MATIUS 25:21

‘Moonsoi,’ ragu ru tuan ni, ‘Okou ulipon ra moonsoi ondo' malansanan, sabap ra okou maalap ra intopot ra sanganu, malansan aku niayuk rirun ra masuang. Ayan no simpung raki' ralalom kaansayan.’

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

1 KORINTUS 4:2

Rondo' ayuk maatang ra sangulun ulipon, ioginio gumagaya' io toojo ra tuan nano.

1 KORINTUS 7:25

Koson ra ulun ondo' kalo poyo nawot, kolondo' pambalaan ru Tuhan posoboyon kuno ramuyun, kaa' mangani' aku ayuk ramuyun ra pamaguangan koson ra pangkaraan. Sabap ra asi' ru Tuhan raki', maaya' aku mindagu am niayuk malansanan min.

2 KORINTUS 11:23

Konilo ra ulipon ilo ri Kristus, kaa' mulu' poyo aku ka ilo, kabalu' pana mantuyang lair iningon ragu kutu. Aku ondo' mapirot toojo mangandoi ka ilo ngaangai'. Magail aku ayuk pasubolon ra pangaputan. Magail aku niayuk loposon. Magail aku ayuk makauma' ra baal makapatoi.

IPISUS 5:21

Gagaya' kano ra sangulun am bokon, sabap ra akau mangurumat ri Kristus.

PILIPI 2:25

Kaa' koson ra pabukat takau i Ipaproditus ondo' sinusub min mamparangan raki' koson mangindangan ra kandoi kutu, sumugut ra pamaguangan kuno moonsoi atarin ku io saguli' ramuyun.

KOLOSI 4:12

Bilin kaansayan poyo intor ri Ipapras. Akau niayuk ra ulun. Io ti ulipon ri Jisus Kristus am masalok io mapirot mangkara' ramuyun ralalom pakiasian nano. Intor noyo ra pakiasian nano ri Aki Kapuuno' maikang kau am totopot makaintutun am poyo sumugut niayuk ra ngaangai' ru kasagaan ri Aki Kapuuno'.

KOLOSI 4:7

I Tikikus ti noyo ondo' mambala' ramuyun ngaangai' ra ati kulaan aku ra giti. Io ti sangulun pabukat takau ra Kristian ondo' tagamin mai, sangulun mangngandoi ondo' kalansanin ralalom kandoi mai ra Tuhan.

KOLOSI 4:9

I Onisimus poyo sumambaya' ri Tikikus. Akau niayuk ra ulun. Io sangulun kalansanin am tagamin mai. Ilo karuo ti noyo mambala' ramuyun ra ngaangai' ondo' masauk ragiti.

1 TIMOTIUS 4:6

Amon ru mangila' kou ra ngaangai' ti ra pabukat Kristian, okou sangulun ulipon ri Jisus Kristus ondo' moonsoi. Pangintapatan muno pana ikangon poyo ralalom ru pangilaan ra motopot ondo' sinugut mu noyo ra buoi ti.

2 TIMOTIUS 2:2

Pangilaan kuli ondo' naining mu noyo ra saang ru masuang sasi', ilaan mu gitio ra ulun ondo' malansanan am ondo' matasik mangila' poyo ra bokon.

PILIMON 1:23

I Ipapras, ondo' inaput nabaya' raki' sabap ra pampatanawan ri Kristus Jisus, mampasaboi niayuk ra bilin kaansayan rirun.

IBRANI 2:17

Ginio noyo sabap ra musiti' Io masauk ra ulun koson ra pabukat Nano ralalom ngaangai' baal. Maa' boo raginio nasauk Io ra Tingganai Maayo Imam ondo' makaasi' toojo ritakau am masalok gumagaya' ra susuban ri Aki Kapuuno'. Intor ra kandoi Nano raginio tula ru ulun ampunon boo ri Aki Kapuuno'.

IBRANI 3:2

Giminagaya' Io ri Aki Kapuuno' ondo' nampili' noyo Riso. Ginio mogondo' ri Musa ra galing i ra giminagaya' io ri Aki Kapuuno' koson mangindangan ra ulun Nano.