KOLOSI 1:5 - Tanou Moonsoi Timugon

⁵ Ra intor noyo ra Tanou Moonsoi ondo' motopot ti kasaa' pinabala' am nakasaboi ramuyun, makakalansanan kano. Mangintopot am motogom kau sabap ra kalansanan makaapu ondo' pinongo noyo ramuyun giu' ra suruga'.

KOLOSI 1:5 ပူးပေါင်းရင်းမြစ်များ

MAZMUR 31:19

Polosoo' noyo ulun-ulun maabau-abau tumambungangang, sabap ra malilimbau ilo am magasab ra ulun ondo' mabanis guang.

LUKAS 12:33

Talano' ngaangai' rapu' mino, am ruit no tatayaro' ra ulun-ulun musikin. Baalo' min rumpit pambulian ra ruit ondo' kalo maapu', ioginio rapu' giu' ra suruga' ondo' mantilayun, kalo matakou am kalo niayuk mokokot ru lipos.

RINALATAN 10:36

Nakapandai kau noyo ra bala' ondo' pinasaboi ri Aki Kapuuno' ra bansa' ru Israil. Ginio noyo Tanou Moonsoi intor ra pabansayan ralalom inggalan ri Jisus Kristus, Tuhan ru ngaangai' ulun.

RINALATAN 13:26

Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.

RINALATAN 23:6

Kaa' pakakito boo ri Paulus ra mokoondo' sampiruo intor ra Majlis Ugama i ulun-ulun ru Saduki am sampiruo i poyo ulun-ulun ru Parisi, indagu io risilo ra mapuor, “Pabukat kau ngaangai'! Aku ti ulun ru Parisi am papag poyo ru ulun ru Parisi. Bisaraan aku ragiti sabap ra mangintopot aku ra ulun matoi bayagon saguli'.”

RINALATAN 24:15

Nogondo' koson risilo, aku niayuk malansan ri Aki Kapuuno' ra ngaangai' ulun maayag saguli' intor ra kapatayan, io no ulun moonsoi kapoam niayuk ulun malaat.

ROMA 10:8

Kon poyo ru Buuk Kitab, “Ragu ri Aki Kapuuno' mamaar ramuyun, masabit min am maguang min.” Gitio noyo tanou ondo' pabalaan mai; musiti' kau mangintopot ri Aki Kapuuno'.

1 KORINTUS 13:13

Pupus no, ondo' pantilayunon am talu ringai': mangintopot ri Kristus, malansan ri Aki Kapuuno' am motogom ra ulun bokon. Ondo' maatang toojo intor ra katalu-talu, io no motogom ra ulun bokon.

1 KORINTUS 15:19

Amon ru malansan takau ri Kristus ra kaayagan takau giti ra tana' ti ayuk, itakau noyo malaat nasip intor ra ngaangai' ulun ru tana' ti.

2 KORINTUS 5:19

Gitio noyo tanou posoboyon mai; ralalom ri Kristus i Aki Kapuuno' nopobonsoi ra ngaangai' ulun Riso am kalo boo karaan No tula nilai. Am tanou raginio pinakandayan Nano ramon.

2 KORINTUS 6:7

Mampabala' akai ra tanou motopot ralalom ru kuasa' ri Aki Kapuuno'. Kaayagan mai ra motopot koson ra kinandoi mangayou ondo' alapon mai mampabala' am niayuk mangampin ra Tanou Moonsoi.

GALATIA 2:14

Kaa' paat ra aku nakakito ra kalo minaya' ilo toojo ra katapatan ru Tanou Moonsoi no, indagu aku ri Pitrus ra saang ru ngaangai' ulun ra giu' no, “Okou ti sangulun ru Jaudi, kaa' kaayagan muno koson ra ulun sala' ka Jaudi. Amon koson poyo raginio, ati kulaan okou mampajajal ra ulun sala' ka Jaudi sumugut ra kaulayan ru ulun ru Jaudi?”

GALATIA 2:5

kaa' kalo noyo kiminuku' akai risilo, maa' raginio maalungan mai kapasawan ru Tanou Moonsoi no ramuyun.

GALATIA 5:5

Kaa' akai, malansan ayuk ri Aki Kapuuno' noyo mopobonsoi saguli' ramon Riso sabap ra pangintapatan mai. Ginio noyo inaanin mai ralalom ru kuasa' ru Ambiluo ri Aki Kapuuno'.

IPISUS 1:13

Akau niayuk nasauk noyo ra ulun ri Aki Kapuuno' paat ra akau nokorongog ra tanou ondo' motopot no, ioginio Tanou Moonsoi ondo' nagibit ra pamayagan. Nangintopot kau Riso am tinatanduan kano ri Aki Kapuuno' ra inanian kau ra Ambiluo Nano ondo' binantu' no.

IPISUS 4:21

Naining min noyo Io, am koson ra maamaya' Nano, inila' kano ra katapatan ri Jisus.

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

KOLOSI 1:27

Inatang noyo ri Aki Kapuuno' ra pabalaan No ondo' nakasibuni i risilo; ra mumpara' boo bonsoi ru barakat ondo' pataakon Nano ra ngaangai' ulun, ioginio i Jisus Kristus rumondon ra guang min, ondo' arati' no magapu kau ra katulayan ri Aki Kapuuno'.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

1 TIMOTIUS 1:15

Motopot ragu ragitio koson maapu am maintopot toojo ra, “I Jisus Kristus minatong ra tana' ti minongoi pamayag ra ulun makatula.” Am aku ti noyo maayo kaga' tula intor ra ngaangai' ulun.

2 TIMOTIUS 4:8

Am raino, taak kamanangan maginaa noyo raki'. Tuhan ondo' mangakim ra motopot, mangani' raki' ra taak ti paat ra Orou Pupus no. Pai' ru aku ayuk ondo' mokoowot raginio, kaa' ngaangai' ulun ondo' magiginaa ra ratangan Nano.

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

IBRANI 7:19

Sabap ra Ukum ri Musa kalo mampakatanda' ra osoi ayuk pana. Ginio ra inanian takau ra kalansanan moonsoi poyo am mansail raginio makainggaar takau ri Aki Kapuuno'.

1 PITRUS 2:2

Mogondo' ra sangulun lalagang ondo' kakaanak ra masalok maguyum ayuk ra gatas, akau pana musiti' masalok maguyum ayuk ondo' mampaikang ra pangintapatan min. Maa' raginio mapiot pangintapatan min am bayagon kau.

1 PITRUS 3:15

Kaa' urumato' noyo i Kristus ralalom ru guang mino koson ra Io noyo manguasa' ra kaayagan min. Musiti' kau tumampos kalalair koson makapangani' ra taaman ra osoi ayuk ulun ondo' makibala' ramuyun ra puun ru kalansanan mino.

2 PITRUS 1:12

Ginio puun ra aku masalok mampakara' ramuyun ra baal raginio, iou pana makapandai kano am niayuk mangintopot toojo ra katapatan ondo' inila' noyo ramuyun.

1 JUANIS 3:3

Moonong ulun ondo' malansan ri Kristus, magalung io ra kapasawan ru kaayagan nano mogondo' koson ri Kristus mapasau.