KOLOSI 1:4 - Tanou Moonsoi Timugon

⁴ Sabap ra nakaining akai noyo ra ati kulaan pangintapatan min ri Jisus Kristus am togom min ra ngaangai' ulun ri Aki Kapuuno'.

KOLOSI 1:4 ပူးပေါင်းရင်းမြစ်များ

2 KORINTUS 7:7

Akai pinaansuk am sala' ka luur ayuk ru rinatangan nali, kaa' ondo' niayuk ra io nambala' ra nampaikang kau ra guang nali. Nambala' io poyo ra moogot kau tumuum raki' sabap ra pansagulian boo guang min am raino masaga' kau manungka' raki'. Ginio noyo ondo' nampakaansuk toojo raki'.

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

IPISUS 1:15

Sabap raginio, intor aku nakaining ra ati kulaan pangintapatan min ra Tuhan Jisus, am niayuk ra togom min ra ngaangai' ulun ri Aki Kapuuno',

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.

KOLOSI 1:9

Ginio nai ra intor poyo ra akai nakaining raginio, masalok akai boo mangkara' ramuyun ralalom pakiasian mai. Makiasi' akai ri Aki Kapuuno' ra makatutun kau ra atan sotopot no kasagaan Nano, ioginio aniin kau ru Ambiluo ri Aki Kapuuno' ra kapintaran am kapandayan.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

1 TISALONIKA 3:6

Raino siminaguli' noyo i Timotius am nagibit ra tanou moonsoi intor ra pangintapatan am togom mino. Nambala' io ramon ra masalok kau moondom ramon am masaga' kau tumuum ramon, mogondo' ra akai masaga' tumuum ramuyun.

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

PILIMON 1:5

Sabap ra mokoondo' noyo naining kuno intor ra pangintapatan muno ra Tuhan Jisus Kristus am poyo togom muno ra ngaangai' ulun ri Aki Kapuuno'.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

1 JUANIS 3:14

Nakapandai takau no ra iniruanan takau noyo kapatayan am minanding takau no ra kaayagan mantilayun. Napandayan takau gitio sabap ra motogom takau ra rondo' am bokon. Osoi ayuk kalo motogom, io no lakat ayuk poyo inonggom ru kapatayan.

1 JUANIS 3:23

Gitio noyo nanusuban Nali, musiti' takau mangintopot ra Anak Nano, i Jisus Kristus, am kotogom takau no ra rondo' am bokon koson ra nanusuban ri Jisus Kristus i ritakau.

1 JUANIS 4:16

Nakapandai takau galama' am nangintopot ra motogom i Aki Kapuuno' ritakau. I Aki Kapuuno' noyo togom. Osoi ondo' bayag nano inonggom ru togom, ulun no siminimpung ri Aki Kapuuno' am i Aki Kapuuno' siminimpung riso.