KOLOSI 1:25 - Tanou Moonsoi Timugon

²⁵ Sumugut ra kasagaan ri Aki Kapuuno' aku nasauk sangulun ulipon ru pasimpungan ulun Kristian, ioginio mampasaboi ra Tanou Moonsoi.

KOLOSI 1:25 ပူးပေါင်းရင်းမြစ်များ

1 KORINTUS 3:5

Sotopot no, osoi i Apolos no? Am osoi poyo Aku? Akai ulipon ayuk ri Aki Kapuuno', ondo' nangkimait ramuyun mangintopot ri Kristus. Akai sigagama' maya' ayuk ra ondo' pakandayin ru Tuhan.

1 KORINTUS 9:17

Amon ru kondoyon kutu sumugut ra kasagaan kuno galama', maaya' aku niayuk makitaak ra ampos. Kaa' aku mampasaboi ra Tanou Moonsoi no, sabap raginio musiti' baalon kuno, io no kandoi tinaakan ri Aki Kapuuno' raki'.

IPISUS 3:2

Maaru' nakapandai kano ra maya' ra kataawan ri Aki Kapuuno' aku inanian ra kandoi ti koson ra kaatangan min.

IPISUS 3:7

Aku sinauk ra sangulun mampasaboi ra Tanou Moonsoi no sabap ra kataawan ri Aki Kapuuno' raki' mansail ra ikang ru kuasa' Nano.

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

1 TISALONIKA 3:2

liliwa' poongoyon mai ramuyun i Timotius, pabukat takau. Io no sangulun mangangandoi ra Tuhan ondo' mabaya' ramon mampasaboi ra Tanou Moonsoi ri Kristus. Io sinusub mai mampaikang ra guang am pangintapatan mino ri Kristus.

1 TIMOTIUS 4:6

Amon ru mangila' kou ra ngaangai' ti ra pabukat Kristian, okou sangulun ulipon ri Jisus Kristus ondo' moonsoi. Pangintapatan muno pana ikangon poyo ralalom ru pangilaan ra motopot ondo' sinugut mu noyo ra buoi ti.