KOLOSI 1:23 - Tanou Moonsoi Timugon

²³ Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

KOLOSI 1:23 ပူးပေါင်းရင်းမြစ်များ

MAZMUR 125:5

Kaa' amon mangukum Kou ra ulun malaat, ukumi' niayuk ulun ondo' kalo mangintopot Rirun. Kaansayan rirun Israil!

SULABOI 3:66

Ilowo' ilo am pusoo' ilo intor ra tana' ti.”

YEHEZKIEL 18:26

Paat ra sangulun moonsoi lumonggo' mambaal ra moonsoi, mulu' poyo ra tumalimpuun io mambaal ra malaat am matoi ulun no, matoi io sabap ra binaal nano ra malaat no.

JIPANYA 1:6

Pusoon Ku ulun ondo' nangiruan noyo Raki' am kalo boo maya' Raki'; ilo ondo' kalo matong Raki' am kalo makitulu' intor Raki'.”

MARKUS 16:15

Indagu Io risilo, “Ugar kano ra titikop ru tana' ti, balai' min moonong ulun ra Tanou Moonsoi.

LUKAS 22:32

Kaa' nakiasi' Aku noyo ra pangintapatan muno kalo malawo. Ra okou sumaguli' Raki', okou tupo niayuk mampaikang ra pangintapatan ru pabukat-pabukat muno.”

LUKAS 6:48

Io no koson ra sangulun manambaloi. Kolondomo' no kali no ra luang am patirongo' toojo lugu' no ra batu. Paat ra mampaliur, kalo matungkob baloi ti sabap ra inindon am piniot toojo.

JUANIS 15:6

Osoi ayuk kalo rumondon Raki', patirin koson ra pango am mapua' io boo. Pango koson raginio luluron am suruin ayuk.

RINALATAN 1:17

I Judas i sangulun intor ritakau, am io niayuk napili' noyo koson maya' mangandoi mabaya' ritakau.” (

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

RINALATAN 2:5

Paat ragili masuang ulun ru Jaudi intor ra nansusuai pagun ru tana' ti minongoi ra Jirusalim. Ilo ti am ulun ondo' sumamba ri Aki Kapuuno'.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RINALATAN 26:16

Kaa' raino, ingkakat no am bigor! Minintalang Aku rirun sabap ra pasaukon tokou ra ulipon Kuno. Ginio musiti' kou mambala' ra ulun bokon ondo' pinakito Kuno rirun ra orou raiti' am niayuk ondo' panuluan Kuno rirun paat ra matong no.

RINALATAN 4:12

Ralalom inggalan ri Jisus ulun bayagon, sabap ra giti ra tana' ti kolondo' ulun ra bokon makaalap ra kuasa' intor ri Aki Kapuuno' koson mamayag ritakau.”

ROMA 10:18

Kaa' mangkuot aku: Motopot kia kalo poyo nokorongog ilo ra tanou no? Maaru' nokorongog ilo noyo! Sabap ra kon ru Buuk Kitab, “Bolos ru sinusub nakaralat noyo ra titikop ru tana' ti, am ragu nilai nakasuku' noyo ra ujok ru mamagun.”

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

ROMA 5:5

Am kalansanan raginio kalo mangkinibit ritakau mangkaus, sabap ra nanaak noyo i Aki Kapuuno' ritakau ra Ambiluo Nano ondo' mampakito ritakau ra togom ri Aki Kapuuno'.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

1 KORINTUS 3:5

Sotopot no, osoi i Apolos no? Am osoi poyo Aku? Akai ulipon ayuk ri Aki Kapuuno', ondo' nangkimait ramuyun mangintopot ri Kristus. Akai sigagama' maya' ayuk ra ondo' pakandayin ru Tuhan.

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 11:23

Konilo ra ulipon ilo ri Kristus, kaa' mulu' poyo aku ka ilo, kabalu' pana mantuyang lair iningon ragu kutu. Aku ondo' mapirot toojo mangandoi ka ilo ngaangai'. Magail aku ayuk pasubolon ra pangaputan. Magail aku niayuk loposon. Magail aku ayuk makauma' ra baal makapatoi.

2 KORINTUS 3:6

Io no napasauk ramon maaya' makapangandoi Riso ra Nabantuan Bagu no. Nabantuan no kalo boo inimpuun ra ukum tinulisan i, kaa' Ambiluo ri Aki Kapuuno'. Ukum ondo' tinulisan i mangkinibit ra kapatayan, kaa' Ambiluo ri Aki Kapuuno' manaak ra kaayagan.

2 KORINTUS 4:1

Ginio nai kalo malawo guang mai, sabap ra ralalom ru asi' Nano nangani' i Aki Kapuuno' ramon ra kandoi ragitio.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

GALATIA 4:11

Maimamang aku ramuyun ra ati lair ngaangai' atan ondo' pinirot kuno kondoyo' koson ramuyun, kolondo' onong?

GALATIA 5:5

Kaa' akai, malansan ayuk ri Aki Kapuuno' noyo mopobonsoi saguli' ramon Riso sabap ra pangintapatan mai. Ginio noyo inaanin mai ralalom ru kuasa' ru Ambiluo ri Aki Kapuuno'.

GALATIA 5:7

Ragili matanda' toojo binaal mini! Kaa' raino osoi nangkinibit ramuyun kalo boo mampagagaya' ra pangilaan motopot intor ri Aki Kapuuno'? Ati guat kulaan kau nakimaitan poyo?

GALATIA 6:9

Ginio ra, pai' takano kajala' mambaal ra ondo' moonsoi. Sabap ra amon ru kalo malawo guang takau, masuku' niayuk paat ra itakau mangkumos ra ampos nano.

IPISUS 1:18

Gitio poyo pakiasian kutu ra maalap min kakito sinda Nano, am makapandai kau ra kalansanan ondo' pinataak Nano ra Io nampiau ramuyun. Am poyo ra makapandai kau ra mumpara' boo barakat ondo' kolondo' pogondo' no, ioginio bantu' Nano ra ulun mangintopot Riso.

IPISUS 2:21

Io no mampasauk ra ngaangai' ulun no koson ra rondo' baloi am ginio masauk ra sambayangan ondo' matulai ra Tuhan.

IPISUS 3:17

am koson ra i Kristus rumondon ra guang min mansail ra pangintapatan. Am makiasi' aku poyo koson togom Nano masauk ra puun ru paliso mino,

IPISUS 4:16

Maya' ra paningganayan Nano, moonong tayar ru inan mokoondo' noyo ra intok sigagama', am inan no matunggul toojo ru parangaban. Amon ru moonong tayar ti mambaal ra kandoi nano galama', ulun no sumukor boo, koson maikang takau boo ralalom ru togom.

SAGULION 2:25

Intor orou raiti' mangkinibit Aku ra bansa'-bansa' ra ati ayuk, malaa' ramuyun. Moonong ulun monontol sabap malaa' paat mokorongog ra inggalan min sabiton.’ ”

SAGULION 4:19

Pai' kaambi' koson sumamba am mangandoi ra ondo' makito giu' ra limbowon, iono mato ru orou, sila' am butitin. Nanaak noyo Tuhan, Aki Kapuuno' mino ra kuliamos raginilo ra ngaangai' bansa' ra bokon ra sambaan.

KOLOSI 1:25

Sumugut ra kasagaan ri Aki Kapuuno' aku nasauk sangulun ulipon ru pasimpungan ulun Kristian, ioginio mampasaboi ra Tanou Moonsoi.

KOLOSI 2:7

Polosoo' Io no sumauk ra puun ru kaayagan min. Pangintapatan mino Riso ondo' koson ra puun nano mulu' poyo ikang no sumugut ra atan ondo' inila' ramuyun i. Kasalok kano mongongompor mabaya' ra ragu paringkuanangan.

1 TISALONIKA 3:3

Koson boo raginio kolondo' sangulun pana intor ramuyun no lumonggo' mangintopot sabap ra kaimbalaan min ti. Akau galama' nakapandai ragitio noyo tayar ru kasagaan ri Aki Kapuuno' ritakau.

1 TISALONIKA 3:5

Ginio ra nompoongoi aku ri Timotius sabap ra kalo boo moorot guang kuli am masaga' aku mintutun ra ati kulaan ru pangintapatan min. Maimamang aku ra maampon lair rinukuan kau ru pangkinaman ru Tingganai ru riwato, suku' kolondo' boo ampos ru kandoi maili ramuyun.

1 TISALONIKA 5:8

Kaa' itakau ti maayag ra matawang, am musiti' masalok takau tumampos. Musiti' takau mangintopot ra Tuhan am motogom ra ulun bokon, ginio koson migampin takau ra bayang basi'. Am poyo kalansanan ra bayagon takau koson migampin takau ra tupi' basi'.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

1 TIMOTIUS 1:12

Maringkuanang aku ri Jisus Kristus, Tuhan takau, sabap ra aku pinaikang am linansanan Nano sumauk ra mangangandoi Riso,

1 TIMOTIUS 2:7

Am ginio nai ra aku ti pinasauk ra rasul am mangingila' ra tayar ru ulun sala' ka Jaudi, koson mampatanou ra pangintapatan ondo' motopot. Am motopot ngaangai' rinagu kutu, pai' ru magabau aku.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

TITUS 3:7

Bagu, intor ra kataawan Nano mobonsoi takau saguli' ri Aki Kapuuno' am poyo mokoowot takau ra kaayagan mantilayun ondo' lansanin takau raino.

IBRANI 10:38

Ulun Kuno ondo' gumagaya' ra kasagaan Kuno, mangintopot am maayag ilo, kaa' osoi ayuk lumugut, kalo maansayan Aku riso.”

IBRANI 3:14

Itakau ngai' rangan mangangandoi noyo ri Kristus amon ru mirot takau pampaguut ra pangintapatan saboi ra orou pupus, mogondo' ra talimpuun i.

IBRANI 3:6

Kaa' i Kristus gumagaya' koson ra Anak ondo' maningganai ra ngaangai' ulun ri Aki Kapuuno'. Itakau ti noyo ulun Nano amon ru makakau' takau am mangintopot ra makaalap atan ondo' lansanin takau.

IBRANI 4:14

Ginio sabap ra pirot takau poyo gumuut ra pangintapatan ondo' pinatanou takau. Sabap ra mokoondo' takau sangulun Tingganai Maayo Imam ondo' makakuasa' am ondo' nakasuku' noyo ra intok ri Aki Kapuuno', io no i Jisus Kristus, Anak ri Aki Kapuuno'.

IBRANI 6:19

Koson ra simbatu mampauog ra parau ra kalo maabas, koson niayuk ra kalansanan takau mambaal ritakau kalo minggalur intor ri Aki Kapuuno'. Am koson ra Tingganai imam nakarampus ra tabir ru Intok Matulai Kaga' giu' ra Baloi Tuhan, i Jisus niayuk nakarampus ra suruga'.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.