KOLOSI 1:22 - Tanou Moonsoi Timugon

²² Kaa' raino, ralalom pinatayan ru Anak Nano, i Aki Kapuuno' nopobonsoi ramuyun saguli' Riso. Ginio noyo ralan ra akau maapu No koson ra ulun ondo' mapasau guang, kolondo' kasalaan am ondo' motopot.

KOLOSI 1:22 ပူးပေါင်းရင်းမြစ်များ

2 SAMUIL 22:24

Nakapandai Io ra kolondo' ruruko kuno, am minggalur aku intor ra kasalaan.

AYUP 15:15

Malaikat Nano pana i Aki Kapuuno' kalo mangintopot; malaikat-malaikat pana kalo mapasau ra pagilangan Nano.

AYUP 25:5

Koson Riso, sila' pana kalo mapaang, am butitin-butitin karaan No ra moboot;

MAZMUR 51:7

Malaat aku no intor poyo ra aku inanak; makatula aku no intor poyo ra aku tininai'.

LUKAS 1:75

am mambaal ra kasagaan Nano am mangandoi Riso ayuk, buoi itakau maayag ra tana' ti.

ROMA 7:4

Pabukat kau ngaangai', koson niayuk raginio ramuyun. Maya' ra pagilangan Ukum ri Musa koson ra minatoi kau noyo, sabap ra siminimpung kau ra inan ri Kristus. Akau raino i Kristus noyo tatangan, Io ondo' binayag saguli' intor ra kapatayan, maa' raginio kaayagan takau mokoonong ri Aki Kapuuno'.

2 KORINTUS 11:2

Maayo guang kuno ramuyun am i Aki Kapuuno' pana koson raginio. Akau ti karaan koson ra ralaa mapasau toojo ondo' pawatin ku ra rondo' ayuk toojo ungkuyon, ioginio i Kristus.

2 KORINTUS 4:14

Nakapandai akai ri Aki Kapuuno', ondo' namayag saguli' ra Tuhan Jisus i, mamayag saguli' ramon mabaya' ri Jisus am niayuk magibit ritakau ngaangai' masisimpung Riso.

2 KORINTUS 5:18

Ngaangai' no pinasauk noyo ri Aki Kapuuno'. Ralalom ri Kristus, nangulau Io ritakau intor ra pantula' no saboi mobonsoi takau boo Riso, am nangani' Io ramon ra kandoi mopobonsoi Riso ra ulun ra bokon pana.

IPISUS 1:4

Io kalo poyo nabingkal tana' ti, pinili' takano kalalair ri Aki Kapuuno' ralalom ri Jisus Kristus. Maa' raginio mapasau takau ra pagilangan Nano am kolondo' boo makapanguu' ritakau.

IPISUS 5:27

Koson raginio noyo, ralalom pagilangan ri Kristus, ilo moonsoi, mapasau am niayuk matanda', am kolondo' boo malaat risilo.

KOLOSI 1:28

Ginio nai ra mampasaboi akai ra tanou ri Jisus Kristus ra ulun masuang. Mampakara' am mangila' akai ra moonong ulun mabaya' ra kapintaran. Kuayan mai maa' raginio moonong ulun maapu ri Aki Kapuuno' sabap ra makapasimpung ilo ri Kristus koson ra ulun kolondo' boo sala.

1 TISALONIKA 4:7

Kalo piniau takau ri Aki Kapuuno' koson maayag ra pansasawaan, kaa' koson maayag ra mapasau.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 10:10

Sabap ra paat ri Jisus Kristus nampataak ra painawo Nano ra igondo' ayuk, itakau ngai' inimpasau intor ra tula am ginio sama' ra sabuoi-buoi no. Giminagaya' Io ra kasagaan ri Aki Kapuuno'.

IBRANI 13:21

Gama' ru mangani' Io ramuyun ra moonong baal moonsoi, koson makapambaal kau ra kasagaan Nano. Gama' ru ralalom ri Jisus Kristus noyo, mampasauk Io ra kasagaan Nano ralalom kaayagan takau. Musiti' takau mongompor ri Kristus ra sabuoi-buoi no! Amin.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

2 PITRUS 3:14

Intor poyo raginio, pabukat kau ngai' ondo' tagamin ku, liliwa' ra akau maginaa ra orou no, pirot kano mokoondo' ra guang mapasau koson kolondo' sala min ra saang ri Aki Kapuuno' am mobonsoi kau Riso.

JUDAS 1:24

Gama' ru i Aki Kapuuno' ondo' makakuasa' magalung ramuyun intor ra kinibit ru tula, am poyo mompoongoi ramuyun ra katulayan Nano mabaya' ra kaansukan ru guang,