KOLOSI 1:21 - Tanou Moonsoi Timugon

²¹ Akau pana ragili, timinalikur kau ri Aki Kapuuno'. Nakimantula' kau Riso sabap ra paliso am guang mino malaat.

KOLOSI 1:21 ပူးပေါင်းရင်းမြစ်များ

2 SAMUIL 22:24

Nakapandai Io ra kolondo' ruruko kuno, am minggalur aku intor ra kasalaan.

YEHEZKIEL 14:5

Ngaangai' sinungkalalaing no nampainggalur ra ulun ru Israil intor Raki', kaa' taam Kuno malansan Aku manimayo risilo sumaguli' Raki'.’

ROMA 1:30

mangilaat ra bokon; masumbung ilo am mailo balain, masisang ri Aki Kapuuno' am lumimbau. Maguyum ilo ra ralan bagu koson mambaal ra malaat am kalo gumagaya' ra ragu ru matuo nilo;

IPISUS 2:12

Paat ragili maalur kau intor ri Kristus. Akau ti nogondo' ra ulun bansa' ru bokon am sala' ka tayar kau ru ulun pinili' ri Aki Kapuuno', am kolondo' tayar min ra atan ayuk nabantuan ondo' inaru' ri Aki Kapuuno' koson risilo. Kolondo' kalansanan kapoam kaintutunan min ri Aki Kapuuno' ralalom ru kaayagan min.

IPISUS 2:15

Ioginio, pinuso No ngaangai' kaulayan am panusuban ru Ukum ri Musa, am ra pasimpungan nilo ri Kristus ruo bansa' ti simpungon No rondo' bansa' makabagu. Am gitio noyo magibit risilo ra pabansayan.

IPISUS 2:19

Ginio nai ra raino akau ondo' sala' ka ulun ru Jaudi kalo boo pasuayon, kapoam karaan ra ulun bansa' ru bokon. Raino nasauk kano ra ulun ri Aki Kapuuno', akau no niayuk anak Nano.

IPISUS 4:18

Pangaratian nilo pana molondom. Kalo niayuk nakaliman ilo ra kaayagan ondo' taakin ri Aki Kapuuno', sabap ra kalo masaga' ilo mintutun am mokotog toojo ulu nilo.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.