KOLOSI 1:16 - Tanou Moonsoi Timugon

¹⁶ Sabap ralalom Nano niayuk i Aki Kapuuno' nampasauk ra ngaangai' ondo' giu' ra suruga' am niayuk giti ra tana' ti: ioginio ngaangai' ondo' maalap kakito kapoam kalo; ngaangai' ondo' manguasa' am mamarinta ra ati ayuk giu' ra rasawat kapoam ra tana' ti. Ngaangai' ru tana' am limbowon sinauk ri Aki Kapuuno' ralalom ri Jisus Kristus koson mangurumat Riso.

KOLOSI 1:16 ပူးပေါင်းရင်းမြစ်များ

1 TUNUNG RU BANSA' ISRAIL 29:11

Okou maayo kaga' am makakuasa'. Matulai Kou, masawat kaga' am maayo kaga'! Ngaangai' giu' ra limbowon am ra tana' ti longgom Muno. Okou no raja' ra maayo kaga', panguasa' ra ngaangai' no.

NIGIMIA 9:6

Kopongo raginio ulun ru Israil nakiasi' koson ragitio, “Iou Tuhan, Okou no rorondo' ayuk Tuhan; Okou nambaal ra butitin am titikop limbowon, Okou nambaal ra lantur am raat am ngaangai' ru suang nano; Okou nangani' ra kaayagan ra ngaangai' no. Ngaangai' kuasa' giu' ra limbowon kuku' samba Rirun; ilo ngai' minigulatur am kumuku' Rirun.

AMSAL 16:4

Nansalinut binaal ru Tuhan mokoondo' ra kuayan, am kuayan ru ulun malaat ioginio kaluusan.

JISAYA 43:21

Ilo noyo ulun Kuno ondo' sinauk Ku ra longgom Kuno galama'.”

JISAYA 44:24

“Aku noyo Tuhan Mamamayag ramuyun; Aku noyo namangun ramuyun. Aku noyo Tuhan Namangun ra ngaangai' no. Aku galama' namingkal ra limbowon; Aku namangun ra tana' ti ra kolondo' nangindangan.

JUANIS 1:10

Ragu no soroi noyo ra tana' ti, am kabalu' pana tana' ti inangun mansail Riso, kalo nauligan Io ru ulun ru tana' ti.

JUANIS 1:3

Mansail Riso ngaangai' inangun ri Aki Kapuuno', am kolondo' rondo' pana nasauk ru kalio Io.

ROMA 11:36

Ngaangai' ondo' soroi inangun ri Aki Kapuuno'. Mampakaayag Io ra ngaangai' am ngaangai' no mangandoi Riso. Koompor noyo i Aki Kapuuno' ra sabuoi-buoi no! Amin.

ROMA 8:38

Mangintopot aku ra kolondo' makapanginga' ri Kristus monogom ritakau: iou pana kapatayan kapoam kaayagan; iou pana malaikat kapoam mangunguasa'; iou pana ondo' masauk raino kapoam ra orou matong no; iou pana kuasa' ondo' soroi ra rasawat kapoam ra ragana' ti; Kolondo' intor ra pinasauk no makapanginga' ri Aki Kapuuno' monogom ritakau koson ra pinakito Nano ralalom inggalan ri Kristus Jisus, Tuhan takau.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

1 KORINTUS 8:6

kaa' itakau mangintopot ra rondo' ayuk i Aki Kapuuno', i Ama' ondo' namangun ra ngaangai' no, am intor Riso itakau naayag. Am niayuk rondo' ayuk Tuhan takau, ioginio i Jisus Kristus. Ralalom inggalan Nano noyo ngaangai' no nasauk am intor Riso niayuk itakau naayag.

IPISUS 1:10

Gitio noyo inatang ri Aki Kapuuno' am pongoonon nano paat ra inaru' Nano, koson ralalom ri Kristus ngaangai' simpungon No rondo', ioginio giu' ra suruga' kapoam giti ra tana' ti, am i Kristus noyo masauk ra tingganai no.

IPISUS 6:12

Sabap ra sala' ka ulun anggalon takau, kaa' ngaangai' riwato giu' ra limbowon, ioginio mangunguasa' am kaikangan ru kalandaman ondo' raino mamarinta.

SAGULION 4:39

Ginio ra karaa' noyo ra orou raiti' am pai' liliani' ra Tuhan rondo'-rondo' i Aki Kapuuno' giu' ra limbowon am giti ra tana' ti; kolondo' boo bokon.

PILIPI 2:10

Maa' raginio ngaangai' ondo' mayan ra suruga', kapoam ra tana' ti am niayuk ra intok ru ulun namagatoi pana migulatur ra saang ri Jisus.

KOLOSI 1:15

I Jisus Kristus no mogondo' ri Aki Kapuuno' ondo' kalo maalap kakito. Io ti anak langkuir Nano ondo' maatang toojo intor ra ngaangai' ru sinauk Nano.

KOLOSI 1:20

Ralalom ru inggalan ru Anak niayuk, i Aki Kapuuno' nangaru' ra ngaangai' mobonsoi saguli' Riso, ioginio atan ayuk suang ru tana' ti kapoam atan mokoondo' giu' ra suruga'. Gitio sinauk Nano ralalom pinatayan ru Anak Nano ra salip.

KOLOSI 2:10

Mokoondo' kano ra kaayagan motopot sabap ra pasimpungan min ri Kristus, ondo' maayo kaga' kuasa' intor ra ngaangai' ru mangunguasa' am mamarinta no.

KOLOSI 2:15

Giu' ra salip i milabus i Kristus intor ra mangunguasa' am mamarinta malaat no. Tinauyu' No ilo ra ilo inulipon am inibit No ra pangiantakan ru kamanangan Nali.

IBRANI 1:2

Kaa' paat ra pupupus ti, posoboyon No bala' Nano ondo' pinabala' galing ra Anak Nano. Nansail ra Anak Nati noyo limbowon am tana' ti biningkal No am Anak Nano tatangan ra ngaangai' no.

IBRANI 2:10

Sumugut ra inatang ri Aki Kapuuno' ondo' nambaal am niayuk magalung ra ngaangai', matimpok niayuk i Jisus saukon ra matanda' mansail ra kaimbalaan. Maa' raginio urumaton ri Aki Kapuuno' masuang anak Nano mababaya' ri Jisus ondo' magibit risilo ra pamayagan.

1 PITRUS 3:22

am kinayang mongoi ra suruga'. Raino soroi Io ra tampilon pamiris ri Aki Kapuuno' am mamarinta Io ra ngaangai' malaikat, mangunguasa' am ikang ra limbowon.