KOLOSI 1:11 - Tanou Moonsoi Timugon

¹¹ Gama' ru kuasa' ri Aki Kapuuno' ondo' kolondo' pogondo' mampaikang ramuyun saboi mataan kau ra atan ayuk masauk no mabaya' ra kaansayan am kalo malawo guang min.

KOLOSI 1:11 ပူးပေါင်းရင်းမြစ်များ

MAZMUR 63:2

Iou Aki Kapuuno', Okou noyo i Aki Kapuuno' kuno, moondom aku Rirun. Koson ra tana' mapua' paason ra timug, koson raginio niayuk paason aku Rirun.

KAINGKUALAN 15:6

Iou Tuhan, ikang Muno, makaimuag kaga', nanutuk Kou ra pantula' saboi natutuk kaga'.

AMSAL 24:10

Ulun malawo bulintok ra sasou, sotopot no io ulun lamumu'.

JISAYA 45:24

“Ulun-ulun mindagu, ‘Katimpakan am kaikangan intor ayuk ra Tuhan!’ Ngaangai ulun ondo' masisang Raki' matong ilo Raki' am tauyuon.

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 5:41

Naansukan rasul-rasul no ra ilo miningkual ra Majlis Ugama, sabap ra ilo ti kinara' noyo ri Aki Kapuuno' maaya' imboloon sabap ra inggalan ri Jisus.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

1 KORINTUS 16:13

Pagilalai' am pangintopot kano toojo, baani am mikang kau.

2 KORINTUS 4:7

Akai ti koson ra pagangan tana', ondo' nambulian ra rapu' mokologo intor ra suruga'. Ginio mampakito ri Aki Kapuuno' noyo maayo kaga' kuasa', am sala' ka akai.

IPISUS 3:16

Makiasi' aku Riso, ra intor ra kalangkayaan ru barakat Nano, mangani' Io ramuyun ra Ambiluo Nano, koson mampaikang ra guang mino,

IPISUS 4:2

Paingganaa' noyo guang min, kolomoi am kasalok kano mataan guang. Pakitono' noyo kinotogom min ra mangindangan kau ra rondo' am bokon.

IPISUS 6:10

Pupus no, kaikang kano ralalom pasimpungan min ra Tuhan ralalom ru kuasa' Nano ondo' maayo kaga'.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

2 PITRUS 1:6

Am kaintutunan ruangin ra guang pantataan. Am guang pantataan ruangin ra guang tumaan ra kaimbalaan. Am guang tumaan ra kaimbalaan ruangin ra kaayagan ondo' mapabansuk ra guang ri Aki Kapuuno'.

JUDAS 1:25

Io no i Aki Kapuuno' ondo' namayag ritakau, ralalom inggalan ri Jisus Kristus, Tuhan takau. Io no rorondo' ayuk i Aki Kapuuno', Io no matulai, maatang kaga' am Io no mangnguasa' ra ngaangai' no, intor ra puun i, paat ra raino am suku' ra sabuoi-buoi no. Amin.

PINAINTALANG 14:12

Ginio boo sabap ra ulun ri Aki Kapuuno' ondo' gumagaya' ra panusuban Nano am niayuk gumagaya' ri Jisus, musiti' ilo tumaan ra kaimbalaan.