KASAUKAN 9:4 - Tanou Moonsoi Timugon

⁴ Rondo' ayuk ondo' kalo maakan min, iono kual ondo' makararaa' ayuk poyo, sabap ra painawo no soroi ralalom ru raraa' no.

KASAUKAN 9:4 ပူးပေါင်းရင်းမြစ်များ

YEHEZKIEL 33:25

“Posoboyo' atan ondo' paraguon Kuno, Tuhan Raja' risilo: Nanginta' kau ra kual ondo' lakat poyo makararaa'. Sinamba min sinungkalalaing am namatoi. Ati kulaan kau mangkara' ra tana' ti longgom min?

IMAMAT 19:26

“Pai' akano' kual ondo' lakat poyo makararaa'. Pai' pambaal ra atan pana ilimu' sihir.

IMAMAT 3:17

Lomok kapoam raraa' kalo noyo toojo maakan ru ulun ru Israil. Aturan ragitio musiti' suguton ru ngaangai' ulun ru Israil ra sabuoi-buoi no, ra ati ayuk ayanan nilo.

IMAMAT 7:26

Ati ayuk ayanan ru ulun ru Israil, kalo toojo makaakan ilo ra raraa' ru susuit kapoam raraa' ru bibiag.

RINALATAN 15:20

Kaa' tulisin takau ayuk ilo ra surat, koson kalo mangakan ilo ondo' majamol maya' ra kaulayan ru ugama, ioginio; akanon ondo' pinasulung ra sinungkalalaing, mangakan ra kual bibiag ondo' pinatoi sikako' kapoam mangakan ra raraa'; am niayuk minggalur intor ra baal pansasawaan.

RINALATAN 15:25

Ginio boo ra miting am nangiou akai ra kukula' ngaulun poongoyon ramuyun mabaya' ri Barnabas am i Paulus

RINALATAN 15:29

Pai' kau pangakan ra akanon ondo' pinasulung ra sinungkalalaing; pai' kau pangakan ra raraa'; pai' kau pangakan ra kual ru bibiag ondo' pinatoi ra sikako' am poyo inggalur kau noyo intor ra baal pansasawaan. Amon ru sumugut kau ra susuban raginio, moonsoi niayuk. Ginio ayuk, kaansayan ramuyun!”

SAGULION 12:16

Kaa' pai' pangakan ra raraa' ru bibiag no; sasari' raraa' no ra tana' koson ra timug.

SAGULION 12:23

Kaa' pai' pangakan ra kual ondo' lakat poyo makararaa', sabap painawo ru bibiag no soroi ralalom ru raraa' nano. Kalo makaakan kau ra painawo mabaya' ra kual.

SAGULION 14:21

“Pai' pangakan ra bibiag ondo' minatoi ra kaindalaman. Kual ru bibiag no maakan ru ulun bansa' ru bokon ondo' minayan ramuyun, kapoam talanon ra ulun bansa' ru bokon. Kaa' akau longgom ru Tuhan i Aki Kapuuno' min; akau ulun Nano. Pai' tonoko' anak domba kapoam anak kambing ralalom ru gatas ru ina' nano.”

SAGULION 15:23

Pai' pangakan ra raraa' ru kual no; pasasaro' noyo raraa' no ra tana' koson ra timug.”

1 TIMOTIUS 4:4

Ngaangai' ondo' sinauk ri Aki Kapuuno' no moonsoi am kolondo' ra rondo' kon malaat amon ru apuon mabaya' ra pakiasian ru paringkuanangan.

1 SAMUIL 14:32

saboi nagagaau ilo nangalap ra kuliamos ondo' bagu tinalingaau intor ra pantula'; nangalap ilo ra domba am sapi', am niayuk nanimbalui ra ngaangai' no ra intok raginio niayuk, am rayus nanginta' ra kual ondo' lakat poyo makararaa'.