KASAUKAN 9:2 - Tanou Moonsoi Timugon

² Ngaangai' susuit, papait am bibiag ra bokon no mangalaa' ramuyun. Ngaangai' nilo soroi ralalom ru kuasa' min.

KASAUKAN 9:2 ပူးပေါင်းရင်းမြစ်များ

KASAUKAN 1:21

I Aki Kapuuno' napasauk ra bibiag ondo' mangaayo am ngaangai' nansalinut maayag mayan ralalom ru timug am niayuk ngaangai' susuit. Maansayan kaga' i Aki Kapuuno' magilong ra baal raginio.

KASAUKAN 1:26

Indagu boo i Aki Kapuuno', “Raino mambaal Takau ra ulun ondo' masauk koson Ritakau am mansalu Ritakau. Ilo manguasa' ra papait, susuit am ngaangai' bibiag ra bokon ondo' masigo am makaup am ondo' boborok am niayuk maayo.”

KASAUKAN 1:28

Barakati' No ilo am indagu, “Paganak kano kasusuang maa' raginio papag mino mayan ra titikop intok ra tana' ti am manguasa'. Akau manguasa' ra ngaangai' papait, susuit am ngaangai' bibiag ondo' masigo.

KASAUKAN 2:19

Ginio ra alap Io sanganu tana' am baalo' ra ngaangai' salinut ru bibiag ru lantur am susuit. Ngaangai' no inibit ri Aki Kapuuno' ra ulun no koson mampakito ra atan painggalanon ra bibiag raginio. Ginio noyo pupuun ru bibiag ru lantur am susuit makainggalan ru sigagama'.

KASAUKAN 35:5

Paat ri Jakub am ngaangai' ulun nano mangiruan ra intok no, mamagun ru bandar-bandar ra paginggaar no ngaangai' kinuasa' ru kalaanan, am kalo baani ilo mangilou ri Jakub am ulun nano.

KASAUKAN 9:1

Nambarakat i Aki Kapuuno' ri Nuu, anak-anak ungkuyon nano am indagu Io, “Paganak kano kasusuang maa' raginio mapapak boo ru papag mino tana' ti.

KASAUKAN 9:3

Ngaangai' no maakan min, koson niayuk ra tutuu' ondo' mangasansam; tinaakan Ku ngaangai' no ramuyun koson ra akanon min.

AYUP 39:11

Malansanan mu kia ikang ru sapi' masigo ondo' maikang am lumansan riso mambaal ra kandoi muno ra maagat?

YEHEZKIEL 34:25

Makimabantu' Aku risilo ondo' makapamayag risilo. Unjawon Ku ngaangai' bibiag masigo intor ra pagun no, maa' raginio domba-domba Kuno maayag ra matanda' giu' ra padang am mombolong giu' ra kataunan.

GOSIA 2:18

Okou Israil, saukon Tokou ra andu' Kuno; mabanis guang Kuno am gumagaya'; pakitonon Ku togom am makaasi' rirun, am niayuk saukon kou ra longgom Kuno ra sabuoi-buoi no.

IMAMAT 26:22

Mangator Aku ra bibiag masigo ra tatanga' mino. Mamatoi bibiag-bibiag no ra anak-anak mino am mamuso ra bibiag tinambiag mino, saboi kukula' ngaulun kau ayuk soroi, am ralan-ralan mino mangasiluk.

IMAMAT 26:6

“Maparatong Aku ra kaansayan giu' ra pagun mino saboi mokokolong kau ra kalo malaa' ra osoi pana. Liomon Ku bibiag mangasigo giu' ra pagun no, am pangayawan pana kolondo' boo.

JAKUBUS 3:7

Ngaangai' ru bibiag, koson ra bibiag masigo am ondo' mamuntana', susuit am poyo papait, ilo ti ngai' maalap niayuk kakaup am kinaup noyo ru ulun.