KASAUKAN 8:21 - Tanou Moonsoi Timugon

²¹ Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

KASAUKAN 8:21 ပူးပေါင်းရင်းမြစ်များ

KASAUKAN 3:17

Indagu boo Tuhan i Aki Kapuuno' ra ungkuyon no, “Inining mu ragu ru andu' muno am nangakan ra kawa' ondo' kalo paakanin Kuli rirun. Ginio boo intor ra binaal muno, inulas Ku tana' ti. Okou mingkotog toojo mangandoi saboi ra pupus ru bayag muno maa' raginio tana' ti makaampos ra akanon ondo' maukop ra akanon min.

KASAUKAN 4:12

Amon ru mangkinam kou pana magitanom, tana' ti kalo mapasalula' ra ampos; masauk kou ra sangulun tumanggau ayuk am kolondo' intok muno ra tana' ti.”

KASAUKAN 5:29

Indagu i Lamik, “Anak ragitio mapabansuk paat ra itakau mirot mangandoi ra tana' ondo' inulas ru Tuhan.” Ginio boo inggalani' no anak nano ri Nuu.

KASAUKAN 6:13

Indagu i Aki Kapuuno' ri Nuu, “Inaru' Ku noyo ra pupusin Ku kaayagan ru ngaangai' ulun. Ilo ngaangai' pusoon Ku sabap tana' ti napanu' ra kalaatan nilo.

KASAUKAN 6:17

Mopongo raginio porotongon Ku rosob koson mapaluus ra ngaangai' ondo' maayag ra tana' ti,

KASAUKAN 6:5

Paat nakito ru Tuhan ra mapara' laat ru ulun ru tana' ti am pangkaraan nilo magail malaat.

KASAUKAN 6:7

Ginio ra indagu Io boo, “Pusoon Ku ngaangai' ondo' sinauk Kutu, susuit am bibiag ra bokon sabap pansagulian Aku kaga' napasauk risilo.”

AYUP 14:4

Kolondo' rondo' pana ondo' mapasau rumatong intor ra ulun ondo' kalo mapasau.

MAZMUR 51:5

Iowon ku nasalaan kuno; masalok ku matutunan tula kuno.

MAZMUR 58:3

Kalo! Malaat ayuk karaan mino, am ra pagun ti masaga' kau mambaal ra kalaatan.

MAZMUR 58:4

Ulun malaat makalayau saboi ra ilo matoi; intor ra kakaanak noyo ilo mamparuung.

KAINGKUALAN 29:18

Solobon ngaangai' domba gawayan no rasawat ru altar koson taak akanon.

KAINGKUALAN 29:25

Alapon boo ngaangai' ruti' no intor risilo am solobon rasawat ru altar, rasawat ru taak simbalui koson mapabansuk ra guang Kuno, koson taak akanon.

AMSAL 20:9

Makakau' kia ulun mindagu ra sotopot-topot no ra guang nilono mapasau, am tula nilono inampun?

MAMPATANOU 7:20

Ra tana' ti kolondo' sangulun pana ondo' masalok mambaal ra moonsoi am kalo igondo' nambaal ra kalaatan.

JISAYA 47:12

Rayusi' noyo pakuan ra nansalinut sihir muno, ondo' pinakai mu intor poyo ra kinamuloko' muno. Magu' nansalinut sasampui muno makaindangan rirun, am mampakalalaa' ra pantula' muno.

JISAYA 47:15

Ginio ayuk pakuan ra ulun mangingilong no ramuyun; intor poyo ra kinamuloko' muno makipinson kono riso. Ilo ngaangai' no magiru' am manatang rirun, Kolondo' sangulun pana namagun no koson mamayag rirun.”

JISAYA 48:8

Makapandai Aku ra akau no kalo malansanan, nauligan kau ra maanggal-anggal. Ginio ra akau kalo makapandai no, am kalo sambangis pana ragu makasuku' ra talingo mino.

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

JISAYA 65:6

Inaru' Ku noyo ukuman tayar nilono. Ukuman no tinulisan Ku noyo. Kalo polosoon Ku binaal nilono. Balasin Ku

JIRIMIA 17:9

Guang ru ulun kalo maratian ru osoi pana; guang ru ulun mapintar toojo intor ra ngaangai' no, am maruol nano maingor kaga'.

JIRIMIA 18:12

Kaa' tumaam ilo, ‘Atan onong no? Bambalingatan am malaat akai ayuk maya' ra kasagaan mai!’ ”

JIRIMIA 8:6

Rinongog ku noyo toojo, kaa' kalo mindagu kau ra motopot. Kolondo' sangulun pana intor ramuyun pansagulian guang ra binaal nano ra malaat. Kolondo' sangulun pana ondo' mindagu, ‘Atan kia kasalaan kuno?’ Akau ngaangai' minaya' ra ralan galama' koson ra kuda nasimbul maribok mongoi ra intok pangayawan.

YEHEZKIEL 20:41

Mopongo Takamin ibiton mingkual intor ra pagun-pagun intok nampatuliaran ramuyun, timungon Takamin am mangapu ra taak simbalui ondo' solobon min. Makito boo ru ngaangai' bansa' ra Aku ti matulai.

IMAMAT 1:13

Musiti' ulun no mambagu' ra kalabuat am paa ru bibiag no. Musiti' imam-imam boo mapataak ra ngaangai' taak simbalui no ra Tuhan, am niayuk ngaangai' no solobon ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 1:17

Susuit no musiti' binsangon ra puun ru kawo, kaa' kalo pandakon kawo no. Musiti' boo solobon susuit no ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 1:9

Ulun no musiti' mambagu' ra kalabuat am paa ru sapi' no, am ngaangai' taak simbalui no musiti' solobon ru imam ondo' mangandoi no ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 26:31

Mapalunsai Aku ra bandar mino am niayuk intok pampakanan mino. Kalo mangapu Aku ra taak intor ramuyun.

IMAMAT 4:31

Musiti' io boo mapasuai ra ngaangai' lomok ru kambing no, koson ra io napasuai ra lomok ru bibiag tayar ru taak simbalui koson makibarakat ra Tuhan. Kopongo raginio, musiti' io monolob ra lomok no ra giu' rasawat ru altar. Owou ru taak simbalui no mapabansuk ra guang ru Tuhan. Ginio noyo ralan ru imam mapataak ra taak simbalui koson mangampun ra tula ru ulun no, am ampunon boo ulun no ru Tuhan.

IMAMAT 8:28

Alapo' boo ri Musa akanon no intor risilo am solobo' no giu' ra rasawat ru altar, ralimbou ru taak simbalui koson mapabansuk ra guang ru Tuhan, koson ra taak simbalui ondo' pataakon paat ra imam patimpokon. Taak simbalui ti iono taak akanon, am owou no mapabansuk ra guang ru Tuhan.

UNTABAN 15:3

Tayar ru taak simbalui koson mapabansuk ra guang ru Tuhan, kapoam taak simbalui koson manugut ra nazar, kapoam taak simbalui toojo ayuk, kapoam taak simbalui paat ra pangiantakan ra kaindalaman, makapanaak kau ra bibiag ragitio ra Tuhan: Sanginan sapi' gawayan, sanginan domba gawayan, sanginan domba kapoam sanginan kambing. Owou ru taak akanon no mapabansuk ra guang ru Tuhan.

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

JUANIS 3:6

Lalagang anakon ru ulun, kaa' ulun anakon saguli' ru Ambiluo ri Aki Kapuuno'.

ROMA 1:21

Kabalu' pana nakatutun ilo ri Aki Kapuuno', kalo mangurumat kapoam maringkuanang ilo Riso. Kaa' pamaguangan nilo kolondo' onong am guang nilo ra jajajou no liminondom.

ROMA 3:23

Ngaangai' ulun makatula noyo am maalur intor ri Aki Kapuuno' ondo' mamayag risilo.

2 KORINTUS 2:15

Nga akai ti koson ra kaminyan ra maamis owou ondo' pataakin ri Kristus ri Aki Kapuuno'. Koson ra ulun-ulun ondo' mangaluus no, akai ti mogondo' ra owou mootong, io no kapatayan; kaa' koson ra ulun ondo' bayagon, akai ti mogondo' ra owou maamis, ondo' magibit ra kaayagan. Kaa' raino, osoi kia maaya' mampaugar ra kandoi raginio?

IPISUS 5:2

Kaayag kano sumugut ra togom, mogondo' ri Kristus nonogom noyo ritakau ra Io nampataak ra painawo Nano sabap ra itakau. Nasauk Io koson ra taak simbalui ra maamis owou ondo' mampakatasu' ra guang ri Aki Kapuuno'.

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.

1 JUANIS 5:19

Nakapandai takau ra itakau ti intor ri Aki Kapuuno', kabalu' pana ngaangai' ulun ru tana' ti kinuasa' ru Tingganai ru riwato.

1 SAMUIL 26:19

Raja' kuno, rongogo' ragu kutu. Amon ru Tuhan no nanusub rirun maa' raginio gumula' raki', rondo' taak ru taak simbalui makasalui ra sangit Nano raki'. Kaa' amon ru ondo' nanusub rirun no ulun, gama' ru ulason ilo ru Tuhan! Kinibit ru binaal nilono, aku ti pinagiru' noyo intor ra tana' longgom ru Tuhan am minugar kalalaat minongoi ra pagun ra bokon. Giu' no musiti' aku sumambayang ra dewa-dewa ru ulun bansa' ru bokon.