KASAUKAN 8:20 - Tanou Moonsoi Timugon

²⁰ Nambaal i Nuu ra altar koson ra Tuhan. Pangalap io intor ra moonong salinut ru susuit am bibiag ondo' mapasau am pataako' no boo ngaangai' no koson ra taak simbalui.

KASAUKAN 8:20 ပူးပေါင်းရင်းမြစ်များ

KASAUKAN 13:18

Ginio ra pabandingo' ri Abram kim nano am pamagun io mamaar ra puun-puun matulai giu' ra Mamri maar ra Gibron. Giu' no nambaalan nano ra altar ru Tuhan.

KASAUKAN 13:4

am nambaalan nano ra altar. Ginio noyo intok nano siminamba ra Tuhan.

KASAUKAN 22:2

Indagu i Aki Kapuuno' riso, “Ibito' anak ungkuyon langkuir muno i Isak, ondo' tagamin muno am ongoi ra tana' Moria. Giu' no makagunung ondo' patuluon Kuno rirun, pataako' anak muno koson taak simbalui Raki'.”

KASAUKAN 22:9

Pakasaboi ilo ra intok ondo' inaru' ri Aki Kapuuno', pambaal i Abragam ra altar am pantuumo' luton ponolob ra taak simbalui no ra tampak no. Bangkilo' no anak ungkuyon nano am palangano' ra altar no, tampak ru luton ponolob no.

KASAUKAN 26:25

Pambaal boo i Isak rondo' altar ra giu' no, am samba ra Tuhan. Pangkim i Isak ra giu' no am pangkali ulipon-ulipon nano ra tulubong ra bokon.

KASAUKAN 33:20

Giu' no, pambaal io ra rondo' altar am inggalani' no “i Aki Kapuuno' ru Israil noyo i Aki Kapuuno'”.

KASAUKAN 35:1

Indagu i Aki Kapuuno' ri Jakub, “Jakub, Aku noyo i Aki Kapuuno' ondo' minintalang rirun paat ra okou nagiru' intor ri Isau maayo muli. Ongoi noyo ra Bitil, ayan ra giu' am pambaal ra rondo' altar Raki'.”

KASAUKAN 35:7

Giu' no nambaal i Jakub ra rondo' altar, am inggalani' no intok raginio “Il-Bitil”, sabap ra minintalang i Aki Kapuuno' riso ra giu' no paat ra io nagiru' intor ra maayo nano.

KASAUKAN 4:4

I Abil pana nangalap boo ra sanginan anak domba ondo' anak kasaa' intor ra domba nano am simbaluyo' no, am io pana nampataak ra tayar ondo' moonsoi kaga' ra Tuhan. Naansayan Tuhan ri Abil am taak nano,

KASAUKAN 7:2

Pagibit noyo tulu' mantuop intor ra moonong bibiag ondo' mapasau, kaa' santuop ayuk intor ra moonong bibiag ra malaat.

KASAUKAN 7:3

Pagibit niayuk tulu' mantuop intor ra moonong susuit. Baalo' noyo ginio maa' raginio moonong bibiag am susuit maalungan am makasayat saguli' ra tana' ti.

KASAUKAN 8:19

Ngaangai' bibiag am susuit miningkual ra kapal maya' ra salinut nilo sigagama'.

AYUP 1:5

Mopongo moonong bunsag, suabon no ra iosusuab, sumukal i Ayup am mampataak ra taak simbalui ra tayar ru moonong anak nano koson mapakapasau risilo. Magail io mambaal koon raginio sabap ra pangkaraan nano, maaru' lair sangulun ra anak nano makatula am magasab ri Aki Kapuuno' ra kalo singonon.

KAINGKUALAN 10:25

Taam i Musa, “Amon ru koon raginio, musiti' okou no manampos ra bibiag tinambiag koson ra taak simbalui pataakon ra Tuhan, am taak simbalui koson mapabansuk ra guang ru Tuhan, i Aki Kapuuno' mai.

KAINGKUALAN 29:18

Solobon ngaangai' domba gawayan no rasawat ru altar koson taak akanon.

KAINGKUALAN 29:25

Alapon boo ngaangai' ruti' no intor risilo am solobon rasawat ru altar, rasawat ru taak simbalui koson mapabansuk ra guang Kuno, koson taak akanon.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

IBRANI 13:10

Imam-imam Jaudi ondo' mangandoi ra Kim Sambayangan, kalo makaaya' ritakau mampataak ra taak simbalui koson paringkuanangan ra sambayangan takau.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.