KASAUKAN 7:11 - Tanou Moonsoi Timugon

¹¹ Paat umur ri Nuu 600 ngambilor, iono orou koopor am tulu' ra sila' karuo, salalaput ayuk boo ngaangai' taur ru timug ra ragana' ru tana' ti. Ngaangai' kulobon ru timug ra limbowon minukab,

KASAUKAN 7:11 ပူးပေါင်းရင်းမြစ်များ

KASAUKAN 6:17

Mopongo raginio porotongon Ku rosob koson mapaluus ra ngaangai' ondo' maayag ra tana' ti,

KASAUKAN 7:6

Umur ri Nuu 600 ngambilor paat ra rosob minatong ra tana' ti.

KASAUKAN 8:14

Paat ra orou karuo ngoopor am tulu' ra sila' karuo, tana' ti mapua' noyo kaga'.

KASAUKAN 8:2

Ngaangai' taur ru timug ra ragana' ru tana' ti am ngaangai' kulobon ru timug ra limbowon tinauban No. Timininas boo rasam.

2 RAJA'-RAJA' 7:19

Paat raginio indagu pagawai saujor ru raja' no, “Bai-bai boo! Kabalu' pana Tuhan galama' mamparatu' ra rasam ra raino ti niayuk, bai-bai boo ru baal raginio!” Taam i Ilisa, “Makainono' kou raginio, kaa' kalo makaakan kou ra akanon no.”

2 RAJA'-RAJA' 7:2

Kaa' indagu pagawai saujor ru raja' no ri Ilisa, “Bai-bai boo! Kabalu' pana Tuhan galama' mamparatu' ra rasam ra raino ti niayuk, bai-bai boo ru baal raginio!” Taam i Ilisa, “Makainono' kou raginio, kaa' kalo makaakan kou ra akanon no.”

AYUP 12:15

Paat ri Aki Kapuuno' mongompong ra rasam, matong tampio; paat Io mampalabus ra timug, matong liur.

AYUP 28:4

Maalur giu' ra intok ondo' kolondo' namagun, ondo' kalo igondo' kininjangan am nansailan, ulun mangandoi liliwa' tumayung ra tali, giu' ra ralalom ru luang tana' ondo' masiluk kaga'.

AYUP 38:16

Igondo' kou kia tuun ra puun ru mato ru raat? Igondo' kou kia pantana' giu' ra lonor ru raat?

AYUP 38:37

Osoi kia ondo' totopot mapintar koson manguntob ra gaun, am mampalapiat riso saboi rumatu' rasam,

MAZMUR 33:7

Tinimung No timug ru raat ra rondo' intok; inompong No tatanga' ru raat no ralalom rondo' bokok.

MAZMUR 74:15

Baalon Mu taur am sungoi tumilis; kinapua' Mu sungoi ra mangaayo.

AMSAL 3:20

Kapintaran Nano nangkinibit ra timug ru sungoi tumilis, am gaun maparatu' ra rasam ra tana' ti.

JISAYA 24:18

Osoi-osoi kuminam pagiru' intor ra kalaanan no io maratu' ra luang no, am osoi-osoi makalabus intor ra luang makasulung ra jajaling no. Rasam maawas rumatu' intor ra limbowon am lonor ru tana' ti mogonggon.

JISAYA 24:19

Tana' ti lumata', mapilang am matutuk.

JIRIMIA 5:22

Aku no Tuhan; kua pai' kau kalaa' Raki'? Kua pai' kau ponontol ra saang Kuno? Saukon Ku nagas koson ra balitan ru raat ondo' kalo masailan ra sabuoi-buoi no. Raat pana makakinulun am kinulun rumulun ra manggayo, kaa' kalo makasail ra balitan no.

JIRIMIA 51:16

Sumugut ra susuban Nano timug giu' ra limbowon makanginoos; namparatong Io ra gaun intor ra pompor ru tana' ti. Nangkinibit Io ra ganit mainpiat giu' ralalom ru rasam, am nangingkual ra angin intor ra intok nambulian.

YEHEZKIEL 26:19

Indagu Tuhan Raja', “Saukon Tokou ra masiluk koson ra bandar ondo' kolondo' mamagun. Taubin Tokou ra timug intor ra raat.

MALIAKI 3:10

Ibito' min ngaangai' sampiopor min giu' ra Baloi Kuno maa' raginio mokoondo' masuang akanon ra giu'. Pangkinam kano Raki', am makito min Aku mangukab ra gigimpalan-gigimpalan ru suruga' am labain kau ra ngaangai' ondo' moonsoi.

MATIUS 24:38

Koson niayuk paat ra kalo poyo rosob i, ulun mangakan am manginum, ungkuyon am ruandu' maguot saboi i Nuu siminubol ralalom ru kapal i.

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.

2 PITRUS 3:6

am pinuso No ngaangai' suang ru tana' ti mansail ra rosob ra galing i.