KASAUKAN 6:8 - Tanou Moonsoi Timugon

⁸ Kaa' i Nuu mapabansuk ra guang ru Tuhan.

KASAUKAN 6:8 ပူးပေါင်းရင်းမြစ်များ

KASAUKAN 19:19

Iou, nangindangan kono toojo pamayag raki', kaa' kabuluran raginio maalur kaga', maaru' lair masunu' aku ru baal makalalaa' no am matoi aku noyo ra kalo poyo makasaboi ra giu' no.

MAZMUR 145:20

Ampinin No ngaangai' ulun ondo' motogom Riso, kaa' pusoon No ulun ra malaat.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

AMSAL 12:2

Ulun moonsoi kaansayin ru Tuhan, kaa' ulun ondo' mangatang ra kalaatan makaapu ra ukuman.

AMSAL 3:4

Amon ru mambaal kou koson raginio, i Aki Kapuuno' am ulun masaga' mangapu rirun.

AMSAL 8:35

Osoi ondo' makatuum raki' makaalap io ra kaayagan, am Tuhan mangiou riso.

JIRIMIA 31:2

Ragili giu' ra tana' kaagisan nampakito Aku ra makaasi' risilo ondo' nakalabus intor ra kapatayan. Paat ra ulun ru Israil maguyum ra katangusan,

YEHEZKIEL 14:14

Kabalu' pana i Nuu, i Danil am i Ayup, talu ngaulun no minayan ra giu' no, kinoonsoi nilo makapamayag ayuk risilo galama'.” Koon raginio noyo ragu ru Tuhan Raja'.

MATIUS 24:37

Ratangan ru Anak ru Ulun masauk koson ra atan nasauk ri nabi Nuu.

LUKAS 1:30

Indagu poyo malaikat riso, “Maria, pai' kalaa', sabap ra maansayan i Aki Kapuuno' no rirun.

LUKAS 17:26

Koson ra paat ru nabi Nuu ra galing i, koson niayuk raginio ra orou ru Anak ru Ulun:

RINALATAN 7:46

I Daut napabansuk ra guang ri Aki Kapuuno'. Ginio ra kitaako' no koson mambaal ra rondo' baloi ri Aki Kapuuno' ondo' sambaan ri Jakub.

ROMA 11:6

Pampilian ri Aki Kapuuno' maya' ra kataawan Nano am sala' ka maya' ra atan ondo' binaal ru ulun. Sabap ra amon ru pampilian ri Aki Kapuuno' maya' niayuk ra binaal ru ulun, arati' no ginio sala' ka totopot kataawan.

ROMA 4:4

Osoi ayuk mangandoi, gajiin am gaji' nano sala' ka karaan ra taak ayuk, kaa' ginio ampos ru kandoi nano.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

GALATIA 1:15

Kaa' sabap ra asi' ri Aki Kapuuno', nampili' Io raki' ra aku kalo poyo inanak, am nampiau raki' mangandoi Riso.

2 TIMOTIUS 1:18

Okou galama' noyo nakapandai ra ingkukula' io no nangindangan raki' giu' ra bandar Ipisus. Gama' ru Tuhan mangani' riso ra asi' paat ra Orou Pupus no.

TITUS 2:11

Sabap ra nampaintalang noyo i Aki Kapuuno' ra kataawan Nano koson ra pamayagan ru ngaangai' ulun.

TITUS 3:7

Bagu, intor ra kataawan Nano mobonsoi takau saguli' ri Aki Kapuuno' am poyo mokoowot takau ra kaayagan mantilayun ondo' lansanin takau raino.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.

1 PITRUS 3:20

ioginio ambiluo ru ulun ondo' kalo giminagaya' ri Aki Kapuuno' ra galing i, nakaintuma' ri nabi Nuu. Paat ragili naginaa i Aki Kapuuno' risilo ra guang mataan, buoi ri Nuu nomongo ra kapal maayo nali. Balu' ngaulun ayuk ringai' siminakoi am gitilo ayuk ondo' binayag ru rosob i.

2 PITRUS 2:5

Koson niayuk ra ulun malaat ra galing i, kalo pinoloso ri Aki Kapuuno'. Paat ragili namparatong Io boo ra rosob maayo risilo. I Nuu ayuk am poyo tulu' ngaulun ra bokon ondo' binayag, sabap ra io noyo ondo' napatanou ra katapatan ri Aki Kapuuno'.