KASAUKAN 6:2 - Tanou Moonsoi Timugon

² ulun ru tana' ti magilong ra ralaa-ralaa ti mangantalur. Ginio boo ra anduon nilo ralaa-ralaa ra kasagaan nilo.

KASAUKAN 6:2 ပူးပေါင်းရင်းမြစ်များ

KASAUKAN 12:11

Paat ra ilo sumail ra balitan ru pagun ru Misir, indagu io ra andu' nano i Sarai, “Okou ti mantalur.

KASAUKAN 24:3

Pagiboton tokou ralalom inggalan ru Tuhan i Aki Kapuuno' ondo' manguasa' ra limbowon am tana' ti, ra kalo tambiliin mu anak ungkuyon kutu ra andu' intor ra ruandu' ru libung Kanaan ti.

KASAUKAN 26:35

Karuruo ngaulun andu' ri Isau no mapangiluk ra guang ri Isak am i Ribika.

KASAUKAN 27:46

Indagu i Ribika ri Isak, “Nasuraan aku magilong ra karuo ngaulun andu' ri Isau ra bansa' ru bokon no. Amon ru manangandu' niayuk i Jakub ra ruandu' ru bansa' ru Git no, moonsoi poyo matoi aku ayuk.”

KASAUKAN 3:6

Nakito ru ruandu' no ra puun raginio moonsoi kaga' am kawa' no pana maamis kaga' akanon. Mangkara' io ra mapara' bonsoi amon ru mapintar io. Ginio ra pangupu' io ra kawa' no am akano' no. Io pana nantayar niayuk ra ralaki nano am ralaki nano pana nangakan ra kawa' no.

KASAUKAN 4:26

I Sit makaanak ungkuyon ondo' ininggalanan ri Inos. Paat ragitio noyo ulun tumalimpuun manabit ra inggalan ru Tuhan paat ra ilo sumamba.

KASAUKAN 6:1

Paat ra ulun giminaai suang am liminayak minayan ra titikop ra tana' ti am anak ruandu' anakon,

KASAUKAN 6:3

Tuhan pana mindagu boo, “Kalo polosoon Ku ulun maayag ra sabubuoi; ilo ulun mapandai matoi. Intor raino ti, umur nilo kalo masailan intor ra 120 ngambilor.”

2 SAMUIL 11:2

Paat ra samai', kalupus Raja' Daut siminukal ra nombolong, minongoi io ugar-ugar ra taap ru istana ondo' marata'. Intor ra giu' no naimpal no sangulun ruandu' tatanga' mariu', am mantalur kaga' ruandu' no.

IJRA 9:12

Nabi-nabi no nambala' ramon ra kalo iowon akai matagandu' ra mamagun toojo kapoam mangindangan risilo masauk ra langkaya' am makakaansayan. Amon ru gumagaya' akai, masauk akai ra maikang am makasia' ra ampos ru tana' no am niayuk makatungkus ginio ra papag mai ra sabubuoi no.

AYUP 1:6

Paat ra sangarawan ilo ondo' maayag am minayan ra suruga' minuma' ra Tuhan, am i Manusuk niayuk siminaang nababaya' risilo.

AYUP 31:1

Nabaya' ra ibot aku nabantu', kalo suminto ra ralaa mamulok.

KAINGKUALAN 34:16

Anak ungkuyon mino maaru' maguot ra anak ruandu' nilono, ondo' mangkinibit ra anak ungkuyon mino kalo boo gumagaya' Raki', am sumamba ra tuhan ra bokon.

JISAYA 63:16

Okou noyo Ama' mai. Kinamatuaan maili i Abragam am i Jakub kalo makaulig ramon, kaa' Okou noyo Ama' mai, iou Tuhan! Okou Mamamayag ramon intor poyo ra galing i.

MALIAKI 2:11

Mamagun ru Jiuda minanggal ra bantu' nilo ri Aki Kapuuno' am niayuk nambaal ra baal-baal ondo' makalalaa' giu' ra Jirusalim am giu' ra titikop pagun. Jinamalan nilo noyo Baloi ru Tuhan ondo' tagamin ru Tuhan. Ungkuyon nagandu' noyo ra ruandu' ondo' siminamba ra dewa-dewa ru bansa' ra bokon.

MALIAKI 2:15

Sala' ka kia i Aki Kapuuno' nampasauk rirun rondo' inan am rondo' saliguor ra ruandu' no? Atan kia arati' ri Aki Kapuuno' ra baal raginio? Arati' Nano ioginio maa' raginio makaalap kou ra anak ondo' totopot ulun ri Aki Kapuuno'. Ginio ra, tutuno' noyo maa' raginio kolondo' ulun ra gino ngai' min ondo' liminungkang ra bantu' ra andu' nano.

1 KORINTUS 7:39

Sangulun ruandu' ra makaralaki musiti' masimpung riso buoi ru ralaki no maayag. Kaa' malupus ralaki nano matoi, ruandu' no makapangindalaki poyo ra osoi ayuk kasagaan no; kaa' musiti' no ulun Kristian.

2 KORINTUS 6:18

Masauk Aku ra ama' min, am akau masauk ra anak ungkuyon am anak ruandu' Kuno. Ginio noyo ragu ru Tuhan Maayo Kaga' Kuasa'.”

SAGULION 14:1

“Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.

2 PITRUS 2:14

Ilo ti kalo majajala' mambaal ra tula am makapaliso ilo ra pansasawaan. Ulun ondo' malawo pangintapatan, rukuon nilo palayawo'. Maringkumaa' ilo am ginio kaindalaman nilo. Kaa' ulason ilo ri Aki Kapuuno'!

1 JUANIS 2:16

Ngaangai' suang ru tana' ti: ondo' papaliso ru ulun makatula, ondo' makito no am kasagaan ayuk ru guang, ondo' makiompor sabap ra masuang kuliamos; ginio ngai' sala' ka intor ri Aki Kapuuno', kaa' intor ra tana' ti.