KASAUKAN 6:17 - Tanou Moonsoi Timugon

¹⁷ Mopongo raginio porotongon Ku rosob koson mapaluus ra ngaangai' ondo' maayag ra tana' ti,

KASAUKAN 6:17 ပူးပေါင်းရင်းမြစ်များ

2 PITRUS 2:5

Koson niayuk ra ulun malaat ra galing i, kalo pinoloso ri Aki Kapuuno'. Paat ragili namparatong Io boo ra rosob maayo risilo. I Nuu ayuk am poyo tulu' ngaulun ra bokon ondo' binayag, sabap ra io noyo ondo' napatanou ra katapatan ri Aki Kapuuno'.

KASAUKAN 7:4

Katuluan poyo maparatu' Aku ra rasam ondo' kalo tuminas-tinas buoi apat ngoopor ngoorou am apat ngoopor ngorondom koson mapaluus ra ngaangai' ilo ondo' maayag ondo' sinauk Kuli.”

1 PITRUS 3:20

ioginio ambiluo ru ulun ondo' kalo giminagaya' ri Aki Kapuuno' ra galing i, nakaintuma' ri nabi Nuu. Paat ragili naginaa i Aki Kapuuno' risilo ra guang mataan, buoi ri Nuu nomongo ra kapal maayo nali. Balu' ngaulun ayuk ringai' siminakoi am gitilo ayuk ondo' binayag ru rosob i.

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.

MAZMUR 107:34

Sinauk No tana' ra malabung no ra limayak mapua', kinibit ru kalaatan ru ulun ondo' namagun ra giu' no.

AMOS 9:6

Binaal ru Tuhan intok ayanan Nano giu' ra limbowon, giu' ra rasawat ru tana' pinaatang No limbowon koson ra bakuran. Piniau No timug intor ra raat, am pinasasar No ra lantur, Tuhan noyo inggalan Nano.

MAZMUR 29:10

Mamarinta Tuhan ra raat ondo' malandom; mamarinta Io koson ra raja' ra sabuoi-buoi no.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

ROMA 5:21

Intor raginio, koson niayuk ra tula nangkinibit ra ngaangai' ulun matoi, kataawan ri Aki Kapuuno' pana mangkinibit ritakau mobonsoi saguli' Riso, saboi mokoowot takau ra kaayagan motopot am mantilayun sabap ri Jisus Kristus, Tuhan takau.

LUKAS 17:27

Moonong ulun nagagakan am nagiginum ayuk; naguguot ilo saboi ra orou sinubalan ri Nuu ra kapal maayo no. Ratong boo rosob am naluus boo ngaangai' ulun ra bokon i.

GOSIA 5:14

Koson ra sanginan singa', mamulunsar Aku ra bansa' ru Israil am bansa' ru Jiuda. Aku galama' maminsang risilo am mangiruan risilo. Ralaaton Ku ilo, am kolondo' sangulun pana makapamayag risilo.

YEHEZKIEL 34:20

“Ginio ra Aku, Tuhan Raja', nambala' ramuyun ra Aku masauk ra akim ru domba ondo' maikang am domba ondo' malawo.

YEHEZKIEL 34:11

Indagu Tuhan Raja', “Aku galama' maguyum ra ulun ru Israil, domba-domba Kuno, am magalung risilo,

YEHEZKIEL 6:3

Susubo' gunung-gunung ru Israil rumongog ra ragu ru Tuhan am magilong ra baal ondo' paraguon Kuno, Tuhan Raja' ra gunung, bulur, tana' marata' ra lolot ru gunung-gunung am limayak. Atarin Ku ilang koson mamuso ra intok-intok sumamba ra sinungkalalaing.

YEHEZKIEL 5:8

Ginio ra Aku, Tuhan Raja' mindagu rirun raino ra makimantula' Aku rirun. Ukumin Tokou giu' ra saang ru ngaangai' bansa'.

JISAYA 54:9

“Koson ra bulintok ri Nuu Aku nambantu' tana' ti kolondo' boo rosob, koon niayuk ragino ti Aku mambantu' ra kalo boo sumangit Aku am mangilalaa' ramuyun.

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

AYUP 22:16

Kabalu' pana kalo poyo nasaboi paat nilo, inabas ilo ru liur ondo' matong.

SAGULION 32:39

“ ‘Aku noyo rorondo' i Aki Kapuuno'; kolondo' bokon ondo' ayuk am Aku. Mamutus Aku ra painawo, am manaak Aku ra painawo, mamilat Aku ra ulun, am mamabas Aku ra ulun; kolondo' sangulun pana makagula' ra baalon Kuno.

IMAMAT 26:28

am mabaya' ra sangit manggal Aku ramuyun am mangukum ramuyun intulu' makalalaa' poyo intor ra nakasail.

KAINGKUALAN 14:17

Mangkinibit Aku ra ulun ru Misir bambalingatan kaga' saboi mangilou ilo ra ulun ru Israil, am poyo ralalom ru raat pana. Kamanangan Kuno ra raja' ru Misir, saujor nano, kurita' kuda nano am mapaugar ra kurita' kuda nano maparatong ra pangurumatan Raki'.

KASAUKAN 6:13

Indagu i Aki Kapuuno' ri Nuu, “Inaru' Ku noyo ra pupusin Ku kaayagan ru ngaangai' ulun. Ilo ngaangai' pusoon Ku sabap tana' ti napanu' ra kalaatan nilo.

KASAUKAN 6:7

Ginio ra indagu Io boo, “Pusoon Ku ngaangai' ondo' sinauk Kutu, susuit am bibiag ra bokon sabap pansagulian Aku kaga' napasauk risilo.”

MATIUS 24:39

Kalo nakapandai ilo atan ondo' nasauk saboi rosob i nangabas risilo. Koson niayuk raginio paat ra Anak ru Ulun rumatong.

KASAUKAN 9:9

“Raino mambaal Aku ra nabantuan ramuyun am papag mino,

KASAUKAN 7:17

Rosob ra tana' ti buoi apat ngoopor ngoorou timinuu' ra masawat kaga' saboi kapal no liminantau.

KASAUKAN 7:15

Sanginan tandaa' am sanginan puunan intor ra moonong salinut maayag ru tana' ti sumubol ralalom ru kapal no mabaya' ri Nuu,

KASAUKAN 2:7

Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.

KASAUKAN 6:16

Baali' ra taap kapal no am anii' galur no ra gayo 44 ngasintimito lolot ru taap am rinding no. Am baali' niayuk ra talu sindur am baali' ra kulobon ra kiing no.