KASAUKAN 6:11 - Tanou Moonsoi Timugon

¹¹ kaa' ngaangai' ulun ra bokon malaat ra pagilangan ri Aki Kapuuno' am makakalaatan ra ati ayuk intok.

KASAUKAN 6:11 ပူးပေါင်းရင်းမြစ်များ

KASAUKAN 10:9

Nabaya' ra indangan ru Tuhan, nasauk io ra sangulun mangngayou ra moonsoi kaga'. Ginio boo ra ulun mindagu, “Gama' ru mapasauk Tuhan rirun ra sangulun mangngayou ra moonsoi kaga' koson ri Nimrod.”

KASAUKAN 13:13

Giu' ra bandar Sodom no inayanan ru ulun ondo' mangalaat kaga' am makatula ra Tuhan.

KASAUKAN 7:1

Indagu boo Tuhan ri Nuu, “Ilain Ku ra okou ayuk rorondo' ondo' sumugut ra susuban Kuno. Ginio ra subol kano ralalom ru kapal no mabaya' ra akau ngaangai' sasambaloi.

2 TUNUNG RU BANSA' ISRAIL 34:27

am timinalikur kono intor ra tula am niayuk minggana' guang ra saang Kuno. Rinilak mu bayang am niayuk nantangi' paat ra okou nokorongog ra lolob Kuno koson mangukum ra Jirusalim am mamagun nano. Nokorongog Aku ra pakiasian muno,

MAZMUR 11:5

Mangkinam Io ra ulun moonsoi am niayuk ulun malaat; masisang Io kaga' ra ulun ondo' monogom ra kalaatan.

MAZMUR 140:11

Polosoon noyo pulumpur ru apui rumatu' risilo; polosoon ilo no maratu' ra lagam am kalo boo makaingkual.

MAZMUR 55:9

Pulaliin ku maguyum ra intok sindungan koson malaa' ra rasam maawas am bagiu'.

KAINGKUALAN 32:7

Indagu Tuhan ri Musa, “Kataki' noyo tuun sabap ra ulun muno ondo' tiningganai muno miningkual intor ra Misir nambaal ra tula am nangimpai Raki'.

JISAYA 60:18

Kalaatan kalo boo maining, pagun muno kalo boo makaliman ra kapusaan. Koson ra timbok, manindung Aku am manungka' rirun; omporon mu Aku sabap ra Aku mamamayag rirun.

JIRIMIA 6:7

Koson taur ru timug mangingkual ayuk ra timug, koson niayuk ra bandar no manangampos ayuk ra kalaatan. Nokorongog Aku intor ra pangimbalaan am kapusaan ra bandar ti; nakakito Aku ra maruol am pilat ra giu' no.

YEHEZKIEL 28:16

Kumantisuk kou ra talanon muno; baal raginio noyo ondo' nangkinibit rirun liminaat am makatula. Ginio ra pinagiru' Tokou intor ra gunung Kuno ondo' matulai am kirub ondo' magalung rirun nampagiru' rirun intor ra tatanga' ru batu mologo ondo' manguliat no.

YEHEZKIEL 8:17

Indagu Tuhan raki', “Okou ulun mapandai matoi, nakakito kou kia raginio? Mamagun ru Jiuda kalo poyo najala' ra binaal nilo ondo' makauyuyu' kapoam kalaatan ondo' binaal nilo ra titikop ru pagun ti. Inambai nilo nambaal ra ngaangai' no ragiti niayuk, ralalom ru Baloi Kuno am nampasangit poyo boo Raki'. Ilai' ati kulaan ilo magasab Raki' ra ralan ondo' makauyuyu' kaga'!

ABAKUK 1:2

Iou Tuhan, saboi sanggilan kia musiti' aku mampiau ra makiindangan? Sanggilan kia ilo mokorongog raki' am mamayag raki' intor ra kaimbalaan?

ABAKUK 2:17

Nantagar kau ra puun-puun tataun giu' ra kataunan Libanon, kaa' raino akau galama' tagaron. Namatoi kau ra bibiag ra giu' no, kaa' raino ilaanon kau ru bibiag. Ngaangai' ti masauk sabap ra namatayan am kalaatan ondo' binaal min ra mamagun ru tana' ti am niayuk bandar-bandar ra tana' ti.

ABAKUK 2:8

Nampagaau kau ra rapu' ru masuang bansa'. Kaa' raino bansa'-bansa' ondo' naayag mampagaau ra rapu' min sabap ra namatayan ondo' binaal min am sabap ra kalaatan min ra mamagun ru tana' ti am niayuk bandar-bandar ra tana' ti.

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

ROMA 2:13

Sala' ka ilo ondo' mangkirongog ayuk ra Ukum ri Musa no mobonsoi saguli' ri Aki Kapuuno', kaa' ilo ondo' mambaal no.

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

SAGULION 31:29

Makapandai aku ra malupus aku matoi, lumaat ilo am mangimpai ra atan ondo' nangilaan kuno. Paat ra tauli no malumpa' ilo ra karaat, sabap nangkinibit ilo ra Tuhan sumangit ra mambaal ra atan ondo' inggalarin Nano.”

TINGGANAI RU BANSA' 2:19

Kaa' kopongo tingganai no matoi, manampaliso ulun ru Israil ra malaat poyo intor ra sukor ra kalo poyo raginio. Siminamba am nangandoi ilo ayuk ra ngaangai' tuhan ra bokon. Siminaguli' ilo ra kaindalaman nilo ondo' malaat am kalo masaga' mangulau ra paliso nilo.