KASAUKAN 50:26 - Tanou Moonsoi Timugon

²⁶ Patoi boo i Jusup giu' ra Misir am umur nano maatus am mopor ngambilor. Lataki' nilo baangkai nano ra tutuu' maamis owou am pasuango' ra karanda'.

KASAUKAN 50:26 ပူးပေါင်းရင်းမြစ်များ

KASAUKAN 25:7

Matutuo noyo kaga' i Abragam paat minatoi, umur nano 175 ngambilor.

KASAUKAN 47:28

Mopor am tulu' ngambilor i Jakub minayan ra Misir, am saboi umur nano maatus apat ngoopor am tulu' ngambilor.

KASAUKAN 47:9

Taam i Jakub, “Umur kutu ra sangulun majajawot ti maatus am talu ngoopor ngambilor noyo. Buoi ru ginio malimanan ra sangkinolor ayuk am masuang kapaganan, sala' ka koson ra kaayagan ru kinamatuaan kuli ra majajawot.”

KASAUKAN 50:22

Liminayun ayan i Jusup ra Misir nababaya' ra pagaka'-pagaka' nano. Umur nano maatus am mopor ngambilor paat ra io minatoi.

KAINGKUALAN 1:6

Buoi kabuoi i Jusup am pinongkotob nano minatoi, am koson niayuk ra ngaangai' ulun ondo' santuu' riso.

JOSUA 24:29

Kopongo raginio i Josua anak ri Nun, ulipon ru Tuhan no minatoi; umur nano 110 ngambilor.