KASAUKAN 50:2 - Tanou Moonsoi Timugon

² Panusub boo i Jusup maparatok ra tutuu' maamis owou ra baangkai ru ama' nano koson pangampin.

KASAUKAN 50:2 ပူးပေါင်းရင်းမြစ်များ

KASAUKAN 27:41

Ginio ra masisang i Isau ri Jakub, sabap ra inanian ru ama' nano i Jakub ra barakat i. Migindagu io ra guang nano, “Panguliran ra ama' ku matoi maar noyo, potoyon ku i Jakub no!”

KASAUKAN 50:1

Gaba' i Jusup ra ama' nano, pantangi' io am alaki' no bulos ru ama' nano.

KASAUKAN 50:26

Patoi boo i Jusup giu' ra Misir am umur nano maatus am mopor ngambilor. Lataki' nilo baangkai nano ra tutuu' maamis owou am pasuango' ra karanda'.

2 TUNUNG RU BANSA' ISRAIL 16:14

Linobong io giu' ra kalabangan bulur batu ondo' pinahat noyo riso giu' ra Bandar Daut. Baangkai nano linatakan ra apa' pampagamis ra akanon am ondo' mangaamis owou ra kalo poyo linobong. Apui pinaangan ondo' maayo kaga' koson mangurumat riso.

MATIUS 26:12

Ondo' binaal ru ruandu' ti ra nampabuur ra umau maamis owou ra ulu Kuti, gitio mamintor ra pampalabangan Raki'.

MARKUS 14:8

Ruandu' ti nambaal ra atan malulu' no kabaal. Nampabuur io ra umau no ra inan Kutu koson namintor ra pampalabangan Raki'.

MARKUS 16:1

Kopongo orou Sabat, i Maria Magdalina, Maria ina' ri Jakubus am i Salomi minongoi pambali ra apa' maamis owou koson pakupilon ra baangkai ri Jisus.

LUKAS 24:1

Ginio ra nokorondom ra orou minggu' ongoi ruandu'-ruandu' ra kalabangan i am pagibit ra tatapis maamis owou ondo' pinongo nilai.

JUANIS 12:7

Kaa' indagu i Jisus riso, “Polosoo' io ayuk! Mambaal io raginio koson ra mangkara' ra orou pampalabangan Raki'!