KASAUKAN 5:22 - Tanou Moonsoi Timugon

²² Kopongo raginio naayag poyo i Ginok ralalom pasimpungan no ri Aki Kapuuno' buoi 300 ngambilor. Makaanak io poyo ra bokon,

KASAUKAN 5:22 ပူးပေါင်းရင်းမြစ်များ

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 24:40

Kaa' taam io, ‘Tuhan ondo' masalok kuno gagayaan no, mangator ra malaikat Nano mangindangan rirun am manugut ra kandoi muno. Makatuum kou ra andu' ru anak ungkuyon kuno intor ra ulun kuno ayuk poyo galama' am iono pabukat ru ama' kuno ayuk poyo.

KASAUKAN 48:15

Barakato' no i Jusup, kono, “Gama' ru i Aki Kapuuno' ondo' sambaan ru kinamatuaan kuli i Abragam am i Isak, mambarakat ra anak-anak ti. Gama' ru i Aki Kapuuno' ondo' nagalung raki' saboi orou raiti', mambarakat risilo.

KASAUKAN 5:21

Paat i Ginok makaumur 65 ngambilor, makaanak ungkuyon io ininggalanan ri Mitusila.

KASAUKAN 5:23

am nakasuku' poyo umur nano 365 ngambilor.

KASAUKAN 5:24

I Ginok naayag masalok sumimpung ri Aki Kapuuno', liminiot io sabap inalap io ri Aki Kapuuno'.

KASAUKAN 6:9

Gitio noyo tunung ri Nuu: Makaanak ungkuyon io talu ngaulun, i Siim, Japit am i Gam. Kalo igondo' i Nuu nambaal ra sala am io noyo rorondo' moonsoi kaga' paat ragili. Io ti masalok sumimpung ri Aki Kapuuno',

1 RAJA'-RAJA' 2:4

Amon ru gumagaya' kou ra Tuhan, suguton no bantu' ondo' binaal Nano paat ra Io nambala' raki' ra papag kuno mamarinta ra Israil, buoi nilo totopot gumagaya' ra ngaangai' susuban Nano am gumagaya' Riso ra sotopot-topot ru guang am salibuor nilo.

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

MAZMUR 116:9

Aku pana maayag ra tana' ti, ralalom panindungan ru Tuhan.

MAZMUR 128:1

Rimbai ru ratangan. Pakaansuk noyo ulun ondo' gumagaya' ra Tuhan, ondo' maayag sumugut ra panusuban Nano.

MAZMUR 16:8

Malimanan ku ra Tuhan matong; soroi Kou minggaar raki', kolondo' rondo' pana makauyog raki'.

MAZMUR 26:11

Kaa' maayag aku ra mabanis guang; pakaasi' no am bayago' aku no.

MAZMUR 56:13

Iou Aki Kapuuno', suguton ku bantu' kuli Rirun, mapataak aku taak simbalui paringkuanangan Rirun.

MAZMUR 86:11

Ilaa' aku ra kasagaan Muno, iou Tuhan, am suguton ku am gagayaan ku; ilaa' aku ra mangurumat toojo Rirun.

KAINGKUALAN 16:4

Indagu Tuhan ri Musa, “Raino maparatu' Aku ramuyun ngaangai' ra akanon intor ra limbowon. Moonong orou ulun musiti' mingkual manimung ra ruti' kaukapan ra songorou. Ralan ragitio makapangkinam Aku ra ulun Kuno, maa' raginio mapandayan Ku ru gagayaan nilo susuban Kuno kapoam kalo.

RIMBAI PANGAMPARAN 1:4

Ribaki' noyo, ibito' aku no mabaya' rirun, iou raja' kuno, ibito' aku no ra lamin muno. Okou magibit ra akai maansukan, am mongompor ra laai muno moonsoi poyo ka wain; ginio sabap ra ruandu'-ruandu' malaai rirun.

GOSIA 14:9

Ulun ru Israil mamatir ra ngaangai' sinungkalalaing; iowon Ku pakiasian nilo am magalung risilo. Koson ra puun tataun sumansam ayuk sindungin Ku ilo; Aku noyo puun ru ngaangai' barakat nilo.”

IMAMAT 26:12

Sumbayaan Ku akau; masauk Aku ri Aki Kapuuno' min am akau masauk ra ulun Kuno.

AMOS 3:3

Iowon kia ruo ngaulun mabaya' mugar ra kalo nabantu' koson maguma' galing?

MIKA 4:5

Moonong bansa' sumamba am gumagaya' ra dewa nilo galama', kaa' itakau sumamba am gumagaya' ra Tuhan, i Aki Kapuuno' takau ra sabuoi-buoi no.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

MALIAKI 2:6

Mangila' ilo ra atan ondo' motopot am sala' ka ondo' sala. Lumampit ilo Raki'; sala' ka ayuk mambaal ilo ra kasagaan Kuno, kaa' ilo niayuk mangindangan ra masuang ulun maa' raginio lumonggo' mambaal ra malaat.

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

ROMA 8:1

Intor raginio, raino kalo boo ukumin ri Aki Kapuuno' ilo ondo' siminimpung ri Kristus Jisus.

1 KORINTUS 7:17

Kaayag kano sigagama' sumugut ra tinaakan ru Tuhan ramuyun, ioginio tayar ru kaayagan min paat ri Aki Kapuuno' nampiau ramuyun. Ginio noyo pangilaan kuno ra moonong pasimpungan ulun Kristian.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

IPISUS 5:15

Ginio ra ilai' min toojo ati kulaan baal ru kaayagan mino. Pai' kau koson ra ulun bungas, kaa' kapintar kano.

SAGULION 13:4

Baya' noyo ra Tuhan am urumato' noyo Io. Gagayaa' noyo Io am suguto' noyo susuban Riso; samba noyo Riso am mintopot Riso.

SAGULION 28:9

Amon ru gumagaya' kau ra Tuhan i Aki Kapuuno' min am mambaal ra ngaangai' panusuban Nano, mapasauk Io ramuyun ra ulun Nano galama' koson ondo' binantu' Nano.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

KOLOSI 4:5

Kapintar kano paat ra akau lumatok ra ulun ondo' kalo mangintopot no. Kaluagan raginio alapon min mampakito risilo ra akau maamaya' ri Kristus.

1 TISALONIKA 2:12

Sinawai, sinimayo am kinimaitan takamin koson maayag kau sumugut ra kasagaan ri Aki Kapuuno', ondo' mampiau ramuyun makaliman ra Tana' Bagu ri Aki Kapuuno' am katulayan Nano.

1 TISALONIKA 4:1

Pabukat ku ngai', pupus no, nangani' akai no ramuyun ra tiluan moonsoi ra ati koson ru kaayagan ondo' mapabansuk ra guang ri Aki Kapuuno' am ginagaya' min noyo ginio. Kaa' raino, ralalom inggalan ri Tuhan Jisus, kitaakon am kimaitin takamin mirot poyo toojo mapabansuk ra guang ri Aki Kapuuno'.

1 JUANIS 1:7

Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.